Fillon punimet konferenca e lirisë së softuerit

[aurel]

Kanë filluar punimet e konferencës së parë ndërkombëtare të lirisë së softuerit në Kosovë, gjatë së cilës do të prezantohen e mbahen ligjërata prej disa nga liderët e industrisë së teknologjisë informative dhe komunitetit të kodit burimor të hapur, për të cilën pjesëmarrësit e kësaj ngjarje vlerësojnë si një mundësi të veçantë për të kapur dhe shtuar njohuritë mbi teknologjinë e informacionit dhe fushën e shkencave inxhinierike.
Universiteti i Prishtinës në bashkëpunim me shoqatën Free Libre Open Source Software Kosova (FLOSSK) kanë organizuar konferencën e parë ndërkombëtare të lirisë së softuerit në Kosovë - "Kosovo Software Fredoom '09", ku po marrin pjesë firma të njohura të zhvillimit të teknologjisë informative nga Evropa dhe vende tjera të botës.

Për dy ditë radhazi në ambientet e Fakultetit të Teknologjisë mëse 40 ligjërues të vendeve të ndryshme do të ligjërojnë në këtë konferencë tema në lidhje me zhvillimin të teknologjisë informative në botë, me qëllimin e vetëm që të ofrohet një qasje alternative e të menduarit ndryshe në zhvillimin e softuerit të lirë dhe të hapur.

Konferenca do të jetë e hapur për dy ditë radhazi në ambientet e Fakultetit të Teknologjisë dhe gjatë kësaj kohe do të mbahen ligjërata e prezantimi prej disa nga liderëve të industrisë së teknologjisë informative dhe komunitetit të kodit burimor të hapur nga e gjithë bota.