Versioni elektrik i Phantom i gatshëm për prodhim?

[aurel]

Sipas pohimeve të zëdhënësit të automjeteve më luksoze në botë, Rolls-Royce është duke menduar seriozisht për prodhimin e versionin elektrik të modelit të vet - Phantom.
Tani për tani nuk ka asnjë informatë konkrete për motorizimin apo datën eventuale të paraqitjes në treg, e as prej çfarë do të varej drita e gjelbër për prodhimin e një automjeti të këtillë, natyrisht veç interesimit të blerësve potencialë.

Është përmendur vetëm që masa e baterisë nuk do të paraqes ndonjë problem në këtë automjet, ndryshe shumë të rëndë, të cilin në formë standarde e fut në lëvizje motori V12.

Në Rolls-Royce vlerësojnë se puna pa zhurmë dhe momenti i madh i rrotullimit i cili është në dispozicion nga rrotullimet e ulëta do të ishin të shkëlqyeshme për një automjet luksoz siç është Phantom. Mirëpo, problem mbetet çështja e autonomisë. Në fakt, shumë ekspertë e shohin këtu si mundësi të shkëlqyeshme 1.5 litërshin me naftë dhe tre cilindra të BMW-së, i cili do të shërbente si gjenerator i energjisë elektrike, respektivisht si shtesë pasi që bateritë të zbrazen.