Mbi 4.000 të zhdukur në ishullin Sumatra

[aurel]

Edhe dy ditë pas tërmetit të rëndë që goditi ishullin indonezian Sumatra ekipet shpëtimtare vazhdojnë të kërkojnë për të mbijetuar.
Sipas Kombeve të Bashkuara dhe Kryqit të Kuq konsiderohen ende të zhdukur mbi 4.000 njerëz. Shumica e tyre dyshohet se ndodhen nën gërmadhat e ndërtesave të shkatërruar në qytetin Padang.

Ekipet shpëtimtare ankohen për mungesën e ekskavatorëve për largimin e rrënojave. Moti me shi po vështirëson punën e ekipeve shpëtimtare. Në vendin e ngjarjes kanë arritur edhe organizatat humanitare gjermane.