Shqipëri-Turqi, hiqen pagesat për vizat

[aurel]

Çdo shtetas shqiptar që do të udhëtojë drejt Turqisë, dhe anasjelltas çdo shtetas turk qe do të vizitojë Shqipërinë nuk do të paguajë asnjë tarifë për vizën hyrëse.
Marrëveshja reciproke është komunikuar të dielën nga ministrat e jashtëm të dy vendeve, zoti Ilir Meta dhe homologu turk, Ahmet Davutoglu në një konferencë të përbashkët për shtyp.

“Kemi rënë dakord që të hiqen pagesat për vizat, e cila është jo vetëm një kosto financiare por dhe një barrierë psikologjike”, deklaroi ministri Meta.

Dy ministrat e jashtëm vlerësuan si të shkëlqyera marrëdhëniet mes dy vendeve.

Davutogluo, nga ana e tij, shtoi se bashkëpunimi mes dy vendeve do të rritet dhe se vendimi për heqjen e pagesave për vizat është mjaft me rëndësi.

“Miqësia mes dy vendeve është në nivel të përkryer”, tha ministri turk i cili informoi se vizitën e tij do e pasojë vetë presidenti turk Gul në dhjetor të 2009.