Laboratori i ri, përgjigja për A/H1N1 brenda ditës

[aurel]

Një i sëmurë me A/H1N1 do të marrë diagnozën brenda ditës, tashmë që laboratori i analizave është në vendin tonë dhe mostrat nuk udhëtojmë më drejt Bukureshtit dhe anasjelltas.
Të hënën është përuruar laboratori i riu në ISHP, që kushtoi 750 mijë dollarë dhe u ndërtua në bazë të një kredie të BB-së për qeverinë shqiptare.

Ministri Petrit Vasili e vlerësoi si arritje këtë laborator, duke u shprehur se "është një moment i veçantë sepse inaugurojmë një laborator te një standardi bashkëkohor, i cili mund te konsiderohet një nga me te mirët e Evropës Juglindore".

Sipas Vasilit, A/H1N1 tashmë mundur të ndiqet akoma më mirë, edhe pse situata për momentin paraqitet e qetë.

Ky laborator bën të mundur kryerjen e diagnozës molekulare për identifikimin e virusit të gripit pandemik A/H1N1 brenda 24 orëve. Gjithashtu mund te diagnostikohen edhe viruset e gripit sezonal dhe gripit te shpendëve A/H5N1. Laboratori i ri, në kushte normale do të përpunoje 21 mostra në ditë, ndërsa në kushte emergjence, kapaciteti diagnostikues mund të arrijë nga 50 deri në 100 mostra klinike (raste) në 24 orë.

Që nga shfaqja e virusit A/H1N1, analizat janë kryer në Laboratorin e Bukuresht dhe përgjigjet vinin gjithnjë pasi pacientët ishin shëruar, duke bërë të mundur vetëm inventarizimin e rasteve. Përsa i përket trajtimeve, mjekët janë detyruar të japin mjekimin me Tamiflu vetëm në bazë të simptomave të pacientëve.