Mbyllet me “fitore” greva e studentëve të Kamzës

[aurel]

Greva e studentëve të Universitetit Bujqësor të Kamzës ka përfunduar mbrëmjen e shkuar. Vendimi erdhi pas ndërhyrjes së Ministrisë së Arsimit, duke i dhënë zgjidhje çështjeve të tyre.
Në bazë të marrëveshjes, të gjithë studentët do të regjistrohen në ciklin e dytë të studimeve, pavarësisht mesatares së tyre.

Për këtë arsye, Ministria e Arsimit ka propozuar një projektligj në qeveri për shtimin e numrit të pranimeve të studentëve që ndjekin ciklin dy vjeçar.

Për më shumë se një javë 15 studentë të ekonomisë dhe agrobiznesit në Universitetin Bujqësor të Kamzës, protestuan për heqjen e kriterit të mesatares për pranimet në ciklin e dytë të studimeve.