Futboll Zone

[Altin111]

Fundi tragjik i Antonio Puertas!

Lojtari i Seviljes, Antonio Puerta, ka "ndërruar jetë" dje në spitalin e Seviljes. Futbollisti 22-vjeçar ishte i shtruar në spital që nga dita e shtunë dhe gjendja e tij sa vinte e përkeqësohej. Antonio Puerta pësoi një infarkt në ndeshjen e parë të kampionatit spanjoll midis Seviljes dhe Getafes në "Sanchez Pizjuan". Ishte pikërisht minuta e 30-të e takimit, ku pas një kundërsulmi i lojtarëve të Getafes, Puerta, i pashqetësuar nga askush, ra pa ndjenja në fushën e lojës. Menjëherë, Dragutinoviç, një tjetër lojtar i Seviljes, ka vrapuar drejt tij dhe nuk e ka lejuar që t'i zihej frymëmarrja. Pas kësaj, Puerta është shoqëruar për në spital, ku ka marrë mjekimet e para. Gjatë rrugës për në spital, lojtari spanjoll kishte humbur dy herë frymarrjen dhe doktorët kanë bërë të pamundurën për ta kthyer në jetë. Megjithatë nuk ishte e thënë. Lojtari i Seviljes, pas tre ditësh i shtruar në spital, nuk ka mundur t'i mbijetojë vdekjes. Gjendja e tij ka qenë shumë e përkeqësuar dhe këtë e kanë konfirmuar edhe vetë doktorët të cilët i kanë ndenjur afër. Antonio Puerta ishte një nga futbollistët më me vlera në futbollin spanjoll dhe atë europian. Lojtari 22-vjeçar kishte debutuar më parë me kombëtaren spanjolle. Me fanellën e Seviljes, Puerta ka arritur të fitojë pesë tituj (dy Kupa UEFA, një Superkupë Europe, një Superkupë Spanje dhe një Kupë Mbreti). Loja dhe gjendja e tij e mirë, e bëri Puertën një nga lojtarët më të kërkuar në Spanjë dhe Europë.

[Altin111]

Torres i “shpall luftë” Drogbasë

Sulmuesi i Liverpulit, Fernando Torres, i ka vënë synim vetes që të mundë Didier Drogbanë në garën për “Këpucën e Artë” të Premier League. Sulmuesi i Çelsit e mori sezonin e shkuar trofeun pasi realizoi 20 gola në kampionatin anglez, por spanjollo Torres, i blerë për për 21,7 milionë stërlina këtë verë, këmbëngul se Drogba do të ketë një kundërshtar të fortë këtë vit. Torres e ka nisur mirë karrierën e tij në “Anfield”, por është i bindur që nuk e ka dhënë ende më të mirën e tij në betejën me Drogbanë. “Jam i kënaqur me punën që kam bërë te Liverpuli”, tha Torres. “Por mund të them se keni parë vetëm 60% nga Torresi i vërtetë. “Nuk do të jetë aspak e lehtë të bëhem golashënuesi më i mirë në Premier League, por në javët e para kam treguar se Drogba nuk do ta përsërisë kollak suksesin e sezonit të kaluar”. Torres shënoi një dygolësh në fitoren 6﷓0 me Derbin, duke shnuar deri tani tre gola në Premier League, dhe ka pranuar se e ka shijuar shumë golin “anglez”. “Të shtunën kuptova se si mund të bëhesh hero në Anfield”, shtoi Torres. “Njerëzit u lumturuan nga golat e mi dhe ishte një përvojë sensacionale. Nuk jam i fiksuar pas numrit të golave që do të shënoj këtë sezon, sepse për momentin jam askushi në Premier League. Sfida ime është që të triumfoj te Liverpuli dhe të bëhem sulmuesi më i mirë në historinë e klubit. E di që do të jetë e vështirë, por jam i përgatitur për këtë aventurë”.

[Altin111]

Gerd Myler, mbreti i golave ne Europe

Italiani Filipo Inzagi dhe Ukrainasi Andrij Shevçenko shënuan të martën në ndeshjet e para të Ligës së Kampioneve për Milanin dhe Çelsin në fitoret kundër Benfikës dhe Rozenborgut, duke u ngjitur të dy në kuotën e 60 golave në Europë, por mbi ta me një diferencë të qartë qëndron një gjerman, që sot e kësaj dite konsiderohet si “gjahtari” më i madh i golave që ka njohur Europa, Gerd Myler.

SHKURTABIQI I DHJAMOSUR

“Pa golat e Gerdit ne do të qëndronim edhe sot në bordurat e rrugës Sabener”, - është shprehur Franc Bekenbauer, kur u pyet rreth Mylerit, pasi ai është shndërruar në një idhull në Gjermani. Po cila është përshtypja e parë e trajnerit të tij te Bajerni? Tschik Çajkosvski thotë për sulmuesin me 48 cm kofshë: “Ai është shumë i vogël dhe shumë i dhjamur”. Gerhardi ishte i shkurtër (1,76 m), shulak, i ngathët dhe aspak i shpejtë; ai nuk përmbushte kurrë të dhënat dhe nuk të krijonte kurrë idenë e një futbollisti të madh, por ai kishte shkëputje nga vendi në distanca të shkurtra dhe ishte i çmarkueshëm, një cilësi që pak futbollistë e gëzojnë, si dhe për më tepër me instinkte të jashtëzakonshme. Këmbët e shkurtra i jepnin atij një qendër të ulët të fuqishme graviteti, kështu ai mund të kthehej shpejt dhe me një balancë perfekte në hapësira dhe me shpejtësinë e tij ai mund të shkatërronte çdo kundërshtar, por nuk mungonin edhe golat e tij nga pozicione shumë të vështira.

“BOMBER I KOMBIT”

Legjenda e futbollit, Gerdhard Myler, vazhdon të “mbijetojë” në krye të listës së golashënuesve më të mirë në Europë. Gjermani, sot 61-vjeçar, është një nga sulmuesit më të mëdhenj të të gjitha kohërave. Myler mban rekordin me Kombëtaren gjermane, me të cilën ka shënuar 68 gola në 62 ndeshje, 365 gola në 427 takime në Bundesligë dhe ai që spikat më tepër është rekordi ndërkombëtar me 66 gola në 74 ndeshje me klubet në Europë. Vetëm katër lojtarë kanë shënuar më shumë se ish-sulmuesi i Bajernit të Munihut: Jozef Bikan, Romario dhe Pele, të cilët kryesojnë dhe listën e golashënuesve të të gjitha kohërave. Nofkat e tij janë: “Bomber i Kombit” dhe “Kleines dickes Muller” (shkurtabiqi i dhjamosur Myler). Në vitin 1970, Myler u zgjodh “Futbollisti Europian i Vitit”, pasi bëri një sezon të shkëlqyer me Bajernin e Munihut dhe shënoi 10 gola në Kampionatin Botëror (1970).


15 TROFE NË 15 VJET

I lindur në Nordlingen, një qytet tashmë me rreth 20 mijë banorë, Myler e filloi karrierën me ekipin amator, TSV 1861 Nördlingen. Gerd Myler, 17 vjeç, nënshkruan për Bajernin e Munihut me një pagë shumë modeste: 160 marka në muaj dhe 5 mijë marka në dorë për transferimin e parë të tij. Kontrata e parë u nënshkrua nga nëna e tij, pasi i ati kishte vdekur pak kohë më parë. Në vitin 1964, Gerdi u bashkua me Bajernin e Munihut ku gjeti edhe yjet e ardhshëm, Franc Bekenbauer dhe Sep Majer. Klubi, që më vonë do të bëhej një nga më të suksesshmit në Gjermani, ishte atëherë në Ligën Rajonale të Jugut (sot Kategoria e tretë), që në atë kohë konsiderohej kategoria e dytë në Gjermani. Pas një sezoni, Bajerni u ngjit në Bundesligë, ku nisi rruga e sukseseve. Me këtë klub, për 15 vjet Myleri koleksionoi një numër të konsiderueshëm trofesh dhe tituj kampion: fitoi katër herë kampionatin gjerman, katër herë Kupën e Gjermanisë, tri herë Kupën e Kampioneve (sot Liga e Kampioneve), një herë Kupën Interkontinentale dhe Kupën e Fituesve të Kupës po një herë.

NËNTË HERË "KËPUCA E ARTË"

I pajisur me magjinë e golit, Myler fitoi shtatë herë “Këpucën e artë” të kampionatit gjerman dhe dy herë si golashënuesi më i mirë i Europës. Myler shënoi 365 gola në 427 ndeshje në Bundesligë, 100 më shumë se golashënuesi i dytë më i suksesshëm në Bundesligë, Klaus Fisher. Gerdi mban edhe rekordin absolut për shënimin e 40 golave gjatë një kampionati të vetëm në Bundesligë në sezonin 1971-1982 (18 më shumë se Klaus Fisher). Myler shënoi në 62 ndeshje për Kupën e Gjermanisë 78 gola. Por, sulmuesi i madh mban edhe një rekord tjetër. Me 69 golat në 74 ndeshje në kompeticionet europiane ai është ende i pathyeshëm, pavarësisht se Filipo Inzagi shënoi të martën kundër Benfikës golin e tij të 60-të në Europë. Ai është një nga të vetmit që kanë shënuar më shumë gola sesa ndeshje të luajtura. As dhe Pele nuk e ka arritur këtë.
SHKATËRRUESI I HOLANDËS


Myler shënoi 68 gola në 62 ndeshje për Gjermaninë Perëndimore. Karriera e tij ndërkombëtare filloi në vitin 1966 dhe mbaroi më 7 korrik 1974 (së bashku me Paul Braitner), pak ditë pasi ai fitoi Kampionatin Botëror, finalja e të cilit u zhvillua në stadiumin e qytetit të tij, në Munih. Gerdi shënoi golin fitues, atë 2-1, kundër Holandës së futbollit total, të drejtuar nga Rinus Mishels në bankinë dhe Johan Krujfi në fushë. Katër golat e tij në këtë kampionat dhe golat në Kupën e Botës së vitit 1970 (Meksikë), të kombinuara së bashku, i dhanë atij për një kohë të gjatë të mbante një tjetër rekord me 14 gola që jetoi për 32 vjet, derisa braziliani Ronaldo, një tjetër “fenomen” i futbollit botëror, me 15 golat e tij në tri Kupa Bote, i dha fund mbretërimit të Gerd Mylerit.

“AMERIKAN” I ALKOOLIZUAR

Pas përfundimit të karrierës së tij në Bundesligë në vitin 1989, Myler shkoi në Shtetet e Bashkuara ku u bashkua me Fort Lauderdale Strikers që merrte pjesë në Ligën e Amerikës së Veriut. Ai luajti për tre sezone me këtë ekip, duke shënuar 38 gola dhe arriti një herë në finale në vitin 1980. Pasi vari “këpucët në gozhdë” në vitin 1982, ai u zhyt në “botën e alkoolit” derisa u detyrua më pas të shkonte në një qendër rehabilitimi kundër alkoolit. Tashmë, Gerd Myleri i madh punon si trajner amator pranë të rinjve të Bajernit të Munihut, teksa për një farë kohe ka punuar edhe si ndihmës i Franc Bekenbauerit. Gjiganti gjerman i prodhimeve sportive “Adidas” ka prodhuar një seri këpucësh me emrin e tij.

Skeda

Emri: Gerhard Myler

Datëlindja: 3 nëntor 1945

Vendlindja: Nordligen, Gjermani

Gjatësia: 1,76 m

Roli: Sulmues

Klubet: TSV 1861 Nordlingen (1960-1963), Bajern Munih (1964-1979)

Fort Lauderdale Strikers (1979-1981).

Gola/Ndeshje: 565/487

Ekipi Kombëtar: Gjermania Perëndimore (1966-1974)

Gola/Ndeshje: 62/68

Tituj me Bajernin

Kampion i Gjermanisë: 1969, 1972, 1973, 1974

Kupa e Gjermanisë: 1966, 1967, 1969, 1971

Kampion i Europës: 1974, 1975, 1976

Kupa e Kupave: 1967

Kupa Interkontintale: 1976

Tituj me Kombëtaren

Kampion i Europës: 1972

Kampion i Botës: 1974

Trofe personale

“Këpuca e Artë” e Bundesligës: 1967, 1969, 1970, 1972, 1973, 1974, 1978

“Këpuca e Artë” e Europës: 1970, 1972

“Këpuca e Artë” e Botës: 1970

“Këpuca e Artë” e Europianit: 1972

“Futbollist i Vitit” Gjermani: 1967, 1969

“Futbollist i Vitit” Europë: 1970

Mbretërit e Europës

1. Myler 66

2. Inzagi 60

3. Shevçenko 60

4. Raul 59

5. Eusebio 56

6. Van Nistelroi 53

7. Hejnkes 51

8. Di Stefano 50

9. Henri 50

10.Santilana 47

10.Larson 47

Franz Bekenbauer per Mylerin

“Nga të gjithë lojtarët e mëdhenj - Volfgang Overat, Gynter Netzer, Karl-Heinz Rumenige, Paul Breitner... – më i madhi për mua është Gerd Myler. I pastopueshëm, i pandalueshëm. Pa golat e Gerdit, ne do të qëndronim edhe sot në bordurat e rrugës Sabener”.

[Altin111]

Te shikojme disa kampionate te tjera si ndodhen ne klasifikime.

Kampionati Francez

AS Nancy-Lorraine 19
Bordeaux 18
Valenciennes FC 17
O. Lyon 16
Le Mans UC 72 16
Stade Rennais FC 15
OGC Nice 14
AS Monaco FC 13
RC Strasbourg 12
FC Lorient 12
AS Saint-Etienne 11
Toulouse FC 11
PSG 11
Lille 10
AJ Auxerre 9
Marseille 7
FC Sochaux 7
RC Lens 6
FC Metz 5
SM Caen 4

Kampionati Hollandez

Ajax 13
PSV 13
Feyenoord 12
Twente 11
De Graafschap 10
Vitesse 9
NAC 9
Utrecht 8
Alkmaar 7
Groningen 7
Roda 7
Heerenveen 5
Willem II 5
Sparta Rotterdam 4
VVV Venlo 3
Heracles Almelo 1
NEC 1
SBV Excelsior 0

Kampionati Turk

Galatasaray 16
Sivasspor 15
Besiktas 14
Kayserispor 11
Ankaragücü MKE 11
Trabzonspor 9
Gaziantepspor 9
Fenerbahce 9
İstanbul Büyükşehir Belediyespor 9
V. Manisaspor 8
Bursaspor 6
Kasımpaşaspor 6
Denizlispor 5
Gençlerbirliği SK 5
Gençlerbirliği Oftaşspor 4
Konyaspor 4
Çaykur Rizespor 4
Ankaraspor A.Ş. 2

Kampionati Skocez

Glasgow Rangers 18
Celtic 16
Hibernian 15
Dundee Utd 13
Motherwell 12
Kilmarnock 11
Hearts 8
Falkirk 7
St. Mirren 7
Aberdeen 5
Gretna 4
Inverness 3

[Altin111]

Galiani: “U rikthye Milani qe njoh”

Fitorja 1-5 ndaj Lacios duket se i ka rikthyer identitetin skuadrës së Milanit. Kuqezintjë tani e kanë gjetur sërish besimin në vetvete dhe janë gati për tu përballur me sfidat e reja të rëndësishme. Vetë administrtori i deleguar i kampionëve të Evropës Adriano Galiani është entuziast për fitoren e arritur në trasfertë. Ai e quan këtë sukses si “ndeshja e kthesës”.

“Ajo kundër Lacios shpresoj që të jetë ndeshja e kthesës.

Edhe në ndeshjet e tjera ne kishim bërë paraqitje shumë të mira, por këtë rradhë ne fituam.”-dekalroi Galiani. Sipas tij skuadra ndaj Palermos madje luajti më mirë. “Duhet t’ju them që sipas meje në Palermo luajtëm edhe më mirë. Vetëm se në atë rast ne goditën traversën, por tani ne bëmë gol.”-vazhdoi administratori i deleguar. Galiani shton se edhe në Gllasgou paraqitja e tyre ishte e kënaqshme dhe nëse bëhet një krahasim me përballjen ndaj Romës, vetëm rezutlati është i ndryshëm.

“Sipas meje ne luajtëm mirë edhe në Gllasgou dhe midis asaj gare dhe ndeshjes së Romës ndryshoi vetëm rezultati. Në Gllasgou nuk meritonim të humbnim. Milani gjithmonë ka bërë paraqitje të mira në trasfertë, këtë ia kam thënë edhe Anccelotit. Më mirë kur ne kemi hapësira, por tani me rekuperimin e Ronaldos dhe pastaj me Paton do të arrijmë që të zgjidhim edhe këtë problem.”-shtoi ai. Më pas Galiani foli edhe për të ardhmen e skuadrës dhe blerjen më të fundit të saj, brazilianin Pato.

“Kemi edhe Paton që do të mund të luajë në janar. Mbi të kemi bërë një zgjedhje shumë të përpiktë. Kemi preferuar të marrim atë dhe ta presim, sesa të marrim të tjerët. Ai është një lojtar i rrezikshëm kur krijohen hapësira. Unë kam thënë që ai më ngjan si Del Piero kur ka qenë i ri, por Ancceloti më tha që ai është edhe më i shpejtë.”-përfundoi italiani. Një gëzim i madh për drejtuesit e Milanit ishte edhe shënimi i dygolëshit nga ana e Xhilardinjos. E gjithë skuadra bëri tifo për të. Madje edhe presidenti Berluskoni ishte tepër i kënaqur dhe e përqafoi që më në fund arriti të zhbllokohej. Tani për sulmuesin italian është mundësia më e mirë për ti treguar Milanit se ccfarë ai di të bëjë dhe të kompesojë besimine dhënë.

[Altin111]

Vangjeli kundër Bayern Munich në Kupën UEFA

Futbollisti i vetëm i kombëtares shqiptare që këtë edicion do të aktivizohet në fazën e grupeve të Kupës UEFA me skuadrën e Aris të Selanikut do të ketë përballë skuadrën më të fortë të kësaj gare, gjermanët e Bayern Munich, në kuadër të Grupit F të Kupës UEFA. Përveç bavarezëve favoritë të këtij kompeticioni Aris i Vangjelit do të ketë punë edhe me anglezët e Bolton Ëanderers, portugezët e Bragas dhe serbët e Crvena Zvezdës së Beogradit.

Grupi C është konsideruar si më i vështiri pasi shorti i ka vënë përballë skuadrat e Villareal, AEK Athinë, Fiorentina, Mlada Boleslav dhe Elfsborg.



GRUPI A: AZ Alkmaar (Holandë), Zenit St Petersburg (Rusi), Everton (Angli), Nuremberg (Gjermani), Larissa (Greqi)

GRUPI B: Panathinaikos (Greqi), Lokomotiv Moskë (Rusi), Atletico Madrid (Spanjë), FC Copenhagen (Danimarkë), Aberdeen (Skoci)

GRUPI C: Villareal (Spanjë), AEK Athinë (Greqi), Fiorentina (Itali), Mlada Boleslav (Çeki), Elfsborg (Suedi)

GRUPI D: Basel (Zvicër), Hamburg (Gjermani), Rennes (Francë), Dinamo Zagreb (Kroaci), Brann Bergen (Norvegji)

GRUPI E: Bayer Leverkusen (Gjermani), Sparta Pragë (Çeki), Spartak Moskë (Rusi), Toulouse (Francë), FC Zurich (Zvicër)

GRUPI F: Bayern Munich (Gjermani), Bolton Wanderers (Angli), Braga (Portugali), C. Zvezda Beograd (Serbi), Aris Selanik (Greqi)

GRUPI G: Anderlecht (Belgjikë), Tottenham (Angli), Getafe (Spanjë), Hapoel Tel Aviv (Izrael), AaB Aalborg (Danimarkë)

GRUPI H: Bordeaux (Francë), Austria Vienë (Austri), Galatasaray (Turqi), Panionios (Greqi), Helsingborg (Suedi)

[Altin111]

Briatore pas Totit ëndërron edhe Del Pieron në QPR

Jo vetëm Francesco Toti. Edhe Alex Del Piero është një nga objektivat e Flavio Briatores për skuadrën e tij Queen's Park Rangers (QPR) që bën gara në kategorinë e dytë angleze. Sipas të përditshmes londineze “Daily Mirror”, Briatore ka bërë gati 20 milionë stërlina (afër 29 milionë euro) për të sjellë juventinin në QPR. Operacioni duket se favorizohet edhe nga arritja në klub e Franco Ceravolo, ish-bashkëpunëtor i Moggit te Juventus, si dhe nga kontaktet që tashmë kanë Del Piero dhe Caliendo, ish-pronari i QPR.

[Altin111]

Abramoviç gati 150 milion euro për Kakanë

Trajneri i Çelsit, Avram Grant, i kërkoi bosit të klubit, Roman Abramoviç, se dëshiron të ketë në grupin e tij yllin e Milanit, Kaka. Ndërkombëtari brazilian kushton 150 milion euro, një rekord botëror në trasnferimin e lojtarëve dhe Roman Abramoviç duket se ështrë i vetmi pronar klubi që mund të përballojë shpenzimet. Nënkampionët e Anglisë bënë dy tentativa për ta bërë të tyren Kakanë, por nuk patën asnjë shans real për të nëshkruar me mesfushorin e Milanit. Grant pohoi se është i gatshëm të shesë dyshen Frank Lampard-Dider Drogba, për ta zëvendësuar më pas Kakanë. Agjenti i yllit nga Bregu i Fildishtë pranoi se një numër i madh klubesh janë të interesuar për sulmuesin kryesor të “Bluve”. Edhe mesfushori i Anglisë, Lampard, është në valën e thashethemeve për një largim të mundshëm nga tri herë kampionët e Premier League pas shkarkimit të Hoze Mourinjos nga drejtimi i klubit londinez.

[Altin111]

Mutu: “Reali? Nuk e tradhëtoj Firencen”

Sulmuesi i Fiorentinës, Adrian Mutu, është shndërruar në një hero. Historia është mbushur me shkëlqim dhe dështim një kohësisht. “Kur zgjodha Fiorentinën, e mora vendimin në një moment të vështirë të jetës sime njërëzore dhe profesionale. Këtu mund t’i tregoj vetes dhe të tjerëve se sa vlej. Pas një momenti të shëmtuar në karrierën time futbollistike gjeta ambientin ideal”, - thotë Mutu për gazetën italiane “La Gazzetta dello Sport”. Për Fiorentinën gjatë këtij sezoni Mutu ka shënuar shtatë gola midis kampionatit dhe Kupës UEFA. Rumuni është venë në shenjëstrën e Mançester Sitit. “Në Angli nuk kthehem”, - tha Mutu disa ditë më parë. Tashmë në skenë kanë dalë zërat spanjollë. Gazetat iberike e përcaktojnë si një nga objektivat e Realit të Madridit. Oferta është faraonike: 20 milionë euro Fiorentinës, 5 milionë euro në vit lojtarit. “Jo, falëminderit”, - thotë 28-vjeçari. “Dëshiroj të respektoj zgjedhjen që kam bërë dy vjet më parë. Është bukur të ndihesh i vlerësuar, madje them se jam i nderuar që më kërkon Reali i Madridit”. Mutu thotë se dëshiron të rinovojë marrëveshjen me Fiorentinën, edhe pse nuk ka arsye pse të nxitohet pasi ka edhe katër vite të tjera kontratë. “Mund të flasim për kontratën kur të duam, zërat nuk më shqetësojnë. Për mua vlen vetëm bluza vjollcë, dua të fitoj këtu, me trajnerin Prandeli dhe shokët e mi. Jemi akoma prapa në raport me Milanin, Interin e Romën, por pas pak do të jemi në nivelin e tyre”.

[Altin111]

Sistemi i ri/ Shqipëria, në vazon e 6 për shortin e botërorit të 2010

UEFA “prish” planet e Federatës Shqiptare të Futbollit dhe trajnerit të kombëtares, Oto Bariç. Teksa prisnim të arrinim si objektiv vazon e katërt për kualifikueset e botërorit “Afrika e Jugut 2010” drejtuesit e institucionit më të lartë të futbollit kanë propozuar dhe miratuar një sistem krejt të ri për shortin e skuadrave evropiane për Kupën e Botës. Në mbledhjen e fundit para tri javësh në Stamboll të Turqisë UEFA vendosi të përdorë për të parën herë renditjen botërore të FIFA-s për të shpërndarë nëpër vazot e shortit 53 skuadrat që do të marrin pjesë në këto kualifikuese.

Sistemi i ri : Sipas drejtuesve të UEFA-s për ndeshjet eliminatore për Kupën e Botës “Afrikë e Jugut 2010” në kontinentin evropian do të krijohen 8 grupe me nga 6 skuadra dhe një grup me 5 skuadra. Nëntë skuadrat e para evropiane në renditjen e përgjithshme të FIFA-s do të jenë “koka” grupesh. Vazoja e parë do të ketë pesë skuadrat evropiane që vijnë në renditje direkt pas këtyre 9 më të mirave. Vazoja e dytë do të ketë pesë të tjerat që vijnë në renditjen botërore pas këtyre të fundit, e kështu me radhë. Vetëm vazoja e fundit, domethënë e nënta do të ketë 4 skuadra.

Shqipëria: Duhet theksuar se për bazë do të merret klasifikimi i FIFA-s për muajin tetor i cili mund të publikohet nga sot e deri në fund të këtij muaji. Pra, brenda kësaj jave. Më sipër gazeta “Tirana Observer” ju jep shembuj se në cilën vazo do të ndodhej kombëtarja shqiptare duke iu referuar renditjes së muajit shator, publikuar nga FIFA më 19 shator. Shqipëria sipas këtsaj renditje do të ishte në vazon e 6-të së bashku me Slloveninë, Islandën, Moldavinë dhe Lituaninë. Kombëtarja shqiptare e renditur në këtë vazo do të kishte dy skuadra evropiane më të dobëta se ajo.

Shorti: Shorti i botërorit “Afrika e Jugut 2010” do të hidhet më 25 nëntor në kryeqytetin e këtij vendi, Pretoria. Shqipëria do të përfaqësohet nga një delegacion i përbërë nga drejtues të Federatës Shqiptare të Futbollit dhe trajnerit të kombëtares shqiptare. Në këtë rast në Afrikë të Jugut do të ishte prezent, trajneri, Oto Bariç duke qenë se edhe nga FSHF pohohet se kroatit i është konfirmuar bileta dhe pjesëmarrja në short. Një gjë e tillë lë të kuptosh se 75-vjeçari pas shumë “tërhiq e mos e këput” do të rinovojë kontratën me ekipin tonë përfaqësues.

Ekipet “koka” grupi

Italia, Gjermania, Holanda, Franca, Spanja, Portugalia, Anglia, Kroacia, Çekia

Vazo 1

Rumania, Skocia, Greqia, Polonia, Ukraina

Vazo 2

Suedia, Turqia, Serbia, Rusia, Danimarka

Vazo 3

Norvegjia, Irlanda, Izraeli, Bullgaria, Irlanda e Veriut

Vazo 4

Bosnjë-Herzegovina, Zvicra, Finlanda, Sllovakia, Uellsi

Vazo 5

Hungaria, Belgjika, Maqedonia, Qipro, Bjellorusia

Vazo 6

Sllovenia, Shqipëria, Islanda, Moldavia, Lituania

Vazo 7

Austria, Armenia, Letonia, Gjeorgjia, Azerbajxhani

Vazo 8

Kazakistani, Malta, Estonia, Litenshtejn, Andora

Vazo 9

Luksemburgu, Mali i Zi, Ishujt Faroe, San Marino



53

federata do të marrin pjesë në shortin për botërorin “Afrika e Jugut 2010”. Kontinentit Evropian i është shtuar sivjet edhe Federata Malazeze e Futbollit.

9

skuadrat e para evropiane në renditjen e përgjithshme të FIFA-s për miajin tetor do të jenë “koka” grupi në shortin që do të hidhet më 25 nëntor 2007.

8

grupe përsa i përket ndeshjeve kualifikuese për kontinentin evropian do të përbëhen me nga 6 skuadra, ndërsa 1 grup do të ketë vetëm 5 skuadra.

6

Në rast se do të merrnim për bazë renditjen e FIFA-s për muajin shtator atëherë Shqipëria do ishte në vazon e 6 me Slloveninë, Islandën, Moldavinë dhe Lituaninë.

[Altin111]

Marca: “Ronaldinjo në janar te Milani”

Pas problemeve të shumta të kohëve të fundit mes tij dhe trajnerit Frenk Rajkard, klubi vendos ta shesë. Sulmuesi brazilian i Barcelonës mund të kalojë te Minali që në muajin janar të vitit 2008, pasi vetëm në këtë muaj është mundësia e transferimit gjatë merkatos dimërore. Lajmi i bujshëm bëhet i ditur nga e përditshmja sportive spanjolle Marca, në cilën shkruhet se Braziliani nuk po kalon një moment të mirë në Barcelonë dhe afrimi i divorcit të tij me klubin katalanas është më afër se kurrë. Krisja mes palëve ka filluar që kur në disa ndeshjet e fundit, trajneri Raikard e ka lënë jashtë ekipit brazilianin e Barçës, për shkak të disa parregullsive të shfaqura në stërvitje dhe thyerjes së disiplinës e rregullores së ekipit. Sipas të njëjta burimeve mësohet se presidenti aktual i Barcelonës Huan La Porta, ka filluar që të mos e përkrahë më gardën e vjetër dhe ka filluar prej kohësh që të simpatizojë dhe të përkrahë tre të rinjtë e ekipit që po shkëlqejnë në këtë sezon. Në të përditshmen spanjolle shkruhej: “La Porta nuk mendon më për Ronaldinjon dhe u ka dhënë shumë përparësi treshes së momentit në Spanjë Messi-Dos Santos dhe Kerkiç”. Për të ardhmen e ekipit të tij, La Poarta ka menduar që të nxjerrë në treg yllin brazilian të ekipit katalanas Ronaldinjo me një çmim fillestar prej 60 milionë euro. Kjo shifër është më se e pranueshme për drejtuesit e Milanit, të cilët më parë e kishin kërkuar me një çmim më të madh për ta pasur në skuadër yllin brazilian, por që kishin hasur në pengesën e vetë presidentit La Porta që deri deje e konsideronte të pashitshëm. Nëse Milani e ble Ronaldinjon, ata prapë se prapë nuk do të mund ta përdorin atë deri në qershor në ligën e kampioneve, pasi braziliani ka luajtur më parë me ekipin e Barcelonës në Champions. Presioni i klubit Londinez të Çelsit, për të blerë Ronaldinjon në ekipin e tyre, ka bërë që ekipi i Milanit të vihet në lëvizje të mëdha për ta bërë të tyrin futbollistin brazilian. Transferimi i Ronaldinjos është edhe më i mundshëm pas deklaratës së presidentit të kuqezinjve Berluskoni, i cili për Dinjon ka thënë se: “Është një sulmues shumë i mirë dhe na intereson shumë, e admiroj për kualitete që ka si sportist”, ka përfunduar bosi i Kuqezinjve të Milanit. Një transferim i Ronaldinjos drejt Milanit mund të bëhet edhe për një arsye tjetër, pasi, nëse kaka ikën në Madrid , brazilianit katalanas i hapen të gjitha dyert për transferimin e tij në Mialno. Mbeten për t’u parë zhvillimet e fundit në këto lëvizje. Aktualisht Ronaldinjo është i pavlefshëm për klubin e tij, por ai përsëri mund të bëhet i vlefshëm si La Porta. Ka thënë se është 27 vjeç dhe është herët që ai të largohet nga ekipi ynë.

[Altin111]

FIFA vendos: Boterori 2014, ne Brazil

E Merkure, 31 Tetor 2007

Brazili do te jete vendi prites per Boterorin e futbollit ne vitin 2014. Kete e ka vendosur komiteti ekzekutiv i FIFA-s, qe eshte mbledhur ne Zyrih. Brazili ishte i vetmi vend si kandidat. Kampionati Boteror do te rikthehet edhe nje here ne Brazil, ku per here te fundit ishte ne 1950 dhe verdheartet humben ne finale me Uruguain. “Ekzekutivi, ne kete mbledhje, ka vendosur qe t’i jape Brazilit jo vetem te drejten per te zhvilluar Boterorin, por edhe pergjegjesine per ta organizuar ate”,- ka deklaruar presidenti i FIFA-s, Sep Blater. Brazili eshte vendi i peste qe e pret dy here Boterorin, pas Meksikes (1970, 1986), Frances (1938, 199, Gjermanise (1974, 2006) dhe Italise (1934, 1990).

[Altin111]

Flamurtari-Barcelona, Epopeja ‘86

Ka ndodhur 21 vjet me pare, me 1 tetor te vitit 1986. Ne “Kamp Noun” 115 mije vendesh, ku ndodheshin 35 mije tifoze katalanas, Flamurtari i Vlores shkroi nje nga faqet me te ndritshme te historise jo te pasur te klubeve shqiptare ne kupat evropiane. Nje 0-0 i shkelqyer ndaj Barcelones se frikshme, nenkampione e Evropes, dhe qe kishte ne radhet e veta yje te tille si Lineker, Hjuzhs, Zubizarreta, Arciballd, Zhulio Alberto, Viktor, Moratalja e te tjere. E gjitha kjo per Kupen UEFA, turi i pare, ndeshja e dyte.

Dy jave me pare, me 17 shtator, ishte zhvilluar “Lufta e Vlores”, barazimi i pare, 1-1, ne stadiumin “Flamurtari”, ku Vasil Ruci shenoi nje supergol dhe fitorja u iku vlonjateve nga dora vetem ne minuten shtese, pas rrjetes se Estebanit. Ne porte ishte durrsaku Artur Lekbello, ne mbrojtje ishin gjigante si Taho, Petro Ruci apo kapiteni Cipi, ne mesfushe Gjondeda, Ferko, Zijai, ne sulm Petro Ruci e Bubeqi, por jo Sokol Kushta, qe ate sezon do dilte kampion me Partizanin.

Kur shorti vuri perballe Barcelonen, trajneri Leonidha Curri, nisi t’u shpjegonte lojtareve te tij se perballe kujt do te luanin. Vecanerisht, trajneri ishte i shqetesuar per sulmuesin me te mire te Boterorit Meksike ’86, Geri Lineker, qe kishte kaluar te Barcelona, po ate vere.

Me shume merak e vemendje, Curri mori vec Rrapo Tahon, i cili duhej te mbulonte anglezin. “Rrapo, perballe teje do jete sulmuesi me i mire i botes, - tha trajneri, sipas deshmive qe dolen ne ate kohe, - duhet kujdes, sepse Lineker luan keshtu e ashtu”. Trajneri po mbante nje ligjerate pak te gjere per durimin e Tahos qe thuhet se ia preu shkurt duke i thene: “Presor, boll me hape koken, me thuaj c’numer ka se e di vete pastaj”.

Ne Vlore, stadiumi aspak komod “Flamurtari” duhej te behej gati per te pritur nje vale te madhe gazetaresh spanjolle, qofte nga Madridi apo katalane. Ishte ndeshje per Kupen UEFA, jo shaka. Problemi me i madh ishin vendet. “Nuk kishte vende sa duhet, - tregon shume vite me vone, ish-specialisti i Radio Tiranes, Sokol Bllaca, - dhe, per dreq, mbeti pa kabine pikerisht komentatori i radios kryesore te Spanjes”.

Ne ato caste gjenia shqiptare e prakticitetit e tregoi gjithe madheshtine e saj. Italianet kane nje shprehje per te tilla situata, “fai da te”, pra “bej si te dish”, apo “dil vete nga situata”. Keshtu bene edhe shqiptaret. Spanjollit te Radios Mbreterore i pershtaten si radio-transmetuese nje radio te vjeter “Iliria”, prodhim i Uzines se Radio-Televizoreve (URT), Durres.

Spanjolli nuk pranonte te ulej dhe as nuk besonte se ajo sajese do ta lejonte te transmetonte dhe se sinjali do arrinte deri ne Madrid. Me ne fund u ul dhe nisi te transmetonte, me dyshim, frike dhe zemerim. Tjeter priste, tjeter i doli. Nga krahu tjeter i linjes, qe nga Spanja, i erdhi verejtja: “Ule pak zerin se na shurdhove”. Radio “Iliria” ishte pershtatur qe c’ke me ate pune, madje me mire sesa duhej.

Kjo ishte histori Shqiperie, histori Vlore, ndersa ne “Kamp Nou” ishte akti i dyte. Qe ne avion, futbollistet vlonjate benin shaka, pa e care shume koken. Gazetari Ahmet Shqarri, deshmitar okular i atij udhetimi si dhe komentatori zyrtar i Radio Tiranes, tregonte se c’flitej. “Njeri nga futbollistet thoshte sesi do te bejme nese nuk dalin te na presin ne aeroport, - tregon Shqarri, - kurse nje tjeter ia kthente se “edhe atje ka njerez te mire”, do na e hape dikush porten, po na lane ne mes te kater rrugeve”. Ishin biseda normale per vitin 1986, kur shqiptaret ishin nje popull i paditur dhe i padale.

Shqarri pranon se u godit nga pamja e “Kamp Nout”, nje stadium qe jo ai, por asnje shqiptar nuk e kishte pare as ne enderr. Ne nje interviste, dhene ne 2003-in per revisten “Spekter”, gazetari pranon: “Kam nje gafe qe e mbaj mend shume mire. Kur ishim ne Barcelone, stadiumi 120 mije-vendesh ishte mbushur plot me 35 mije vete, qe kishin ardhur te shihnin Flamurtarin, nuk kishte ndodhur ndonjehere ne historine e futbollit shqiptar dhe ndeshja perfundoi 0-0. Ishte ndeshja qe eshte degjuar me shume. Une qe komentoja ne mikrofon, ne vend qe te thosha Geri Lineker, thashe Geri Kuper, aktori i madh i Hollivudit dhe te nesermen ne mengjes te gjithe me therrisnin 'Ku je Geri Kuper?'. Por keto nuk jane shaka me zarar. Ne ate kohe te nderroje ndonje emer ne politike dhe diku tjeter ishte me e keqja".

Ne kohen kur do i dilte perballe Flamurtari, Barca ishte ne nje nga momentet me te mire te historise se saj. Kampione e Spajes me 1985, nenkampione e Evropes me 1986, me trajner anglezin Terri Venejbells dhe disa nga lojtaret me te mire ne bote. Me 1985 eleminoi Juventusin e madh te Platinise, ish-kampionen ne fuqi te Evropes, ndersa ato dite te gusht-shtatorit 1986 fitoi 3-1 me Milanin, barazoi 1-1 me Mancester Junajtid, 4-1 me Seviljen, 1-0 me PSV Ajndhovenin, 2-1 me Kruzeiron braziliane dhe, 9 dite pas 0-0 me vlonjatet, mori nje 1-1 ne “Santiago Bernabeu”, perballe Realit te Madridit te Cendos, Kamacos, Sancisit, Gordijos, Butragenjos, Micelit, Hugo Sancesit, Valdanos e Galjegos. Ai Lineker qe u ndal nga Rrapo Taho, nuk e pati problem qe pak muaj me vone, me 31 janar 1987, t’i shenonte tre gola Realit te Madridit, ne “Kamp Nou”, ne fitoren e famshme 3-2 te katalaneve.

Autori i golit ne Vlore, Vasil Ruci, eshte rrefyer disa here per ate moment. Ne nje interviste botuar ne faqen jozyrtare, “skflamurtari.com”, “Cilja” thote: “Zhvilluam nje ndeshje te madhe dhe moren nje barazim “vrastar”, qe praktikisht na eleminoi, vetem ngaqe ne ndeshjen e kthimit ne Spanje dolem barazim pa gola dhe me gol ne fushen kundershtare, u kualifikuan katalanet. E mbaj mend ate takim sepse shenova nje gol qe komentatoret e asaj kohe e kane quajtur “gol te arte”. Dhe per me teper ja shenova golin jo nje portieri do si do, por vete Zubizaretes se madh e me nam mbareboteror.

Ruci tregon se katalanet kishin ardhur me ushqime me vete. “Pastaj, (por mos qeshni) e mbaj mend (ndeshjen) sepse spanjollet, te trembur nga socializmi shqiptar, i kishin marre me vete edhe ushqimet qe do te konsumonin para dhe pas mbarimit te ndeshjes dhe nuk futen ne goje asgje nga gatimet tona, - u shpreh ish-sulmuesi, - E mbaj mend sepse Partia e asaj kohe, me rastin e kesaj ndeshjeje i ndryshoi fytyren qytetit tone, sepse pervec te tjerave, u ndertua edhe bulevardi Vlore- Skele, qe edhe sot e kesaj dite eshte i vetmi i qytetit tone”.

“Bilancin qe ka me ne, Barcelona rrezik nuk e ka as me ekipet me te mire te Evropes”, - thote Ruci, po ne ate interviste”. Ka te drejte, sepse jane nga nje fitore per koke dhe 2 barazime. Ne kater ndeshje (perfshi edhe ato te 1987-es), vlonjatet dolen 1-1, 0-0, 1-4 dhe 1-0. Edhe sulmuesi tjeter i famshem vlonjat, Kushta, e vlereson si me te famshmin ne karriere pikerisht golin e shenuar ne fitoren 1-0 ndaj Barcelones.

“Ai mbetet goli me i rendesishem i karrieres, - thote, - sepse u shenua ndaj Barcelones, njerit prej ekipeve me te medhenj te botes. Per me teper, fituam ndeshjen, duke synuar edhe kualifikimin, por kishim humbur 1-4 ne “Kamp Nou”. Tifozet na thoshin “shenoni golin e dyte se te tretin e shenojme na”.

Ruci flet edhe per ndeshjen ne Barcelone, ne nje interviste dhene per median shqiptare me 16 tetor 2004. “Kur kemi zbritur ne "Kamp Nou" per ne ishte ftohtesire, - u shpreh ai, - Nje stadium kundohej oshtima larg, perpara stadiumeve tona te vegjel, ai ishte hijerende. Me Barcelonen jemi ndare te barabarte. Ne "Kamp Nou" permes asaj zhaurime per here te pare kemi degjuar edhe thirrjen shqip. Ishin ca djem kosovare te shperndare neper Evrope qe na therrisnin me emer”.

Si rendom ne ate raste, politika nuk mund te rrinte pa bere ligjin. “Ne Barcelone ekipi yne shkoi pa portierin e tij Luan Birce, - tregon Ruci, - Ishin shkaqet absurde te biografise. Bircen nuk e futen fare ne te dy takimet. Ne fakt thuajse 70% e ekipit ishte regjistruar me "ftome", sic i thone vlonjatet biografise. Nga kjo ftome, jo pak kane vuajtur te Flamurtari: Luan Birce deri sa u detyrua te largohet, por edhe Fred Zijaj, Kreshnik Cipi, Fred Ferko, Bifsha, Bubeqi, edhe une. Kur shkonim jashte na pyesnin sa e kishim pagesen. 2 dollare thoshim ne. Ishte e pa imagjinueshme. Madje ne shtypin e asaj kohe eshte thene ekipi i fukarenjve mundi ekipin e miliardereve. Ne te gjitha ndeshjet na shoqeronin “komisaret e partise”. Perpara se te shkonin jashte, therriteshim ne Ministrine e Jashtme. Aty porositeshin, degjoni, do t’ju hedhin dollare tek kembet, por ju s’duhet t’i pranoni”.

[Altin111]

Sportistët më të paguar në botë

Minimumi i fitimeve që të jesh në listën e 25 sportistëve më të paguar në botë ishte këtë vit 23 milionë dollarë

Revista e famshme amerikane “Forbes”, duke ruajtur zakonin e saj për të vlerësuar gjithçka me vlerë në planet dhe në mënyrë të veçantë njerëzit më të pasur, kësaj radhe (të enjten) publikoi renditjen e 25 sportistëve më të pasur të planetit.

Golfisti Tajgër Uds kryeson listën me një fitim prej 100 milionë dollarësh brenda 12 muajve të fundit, nga fillimi i qershorit të vitit 2006 deri në fund të qershorit të vitit 2007. Kjo është shuma më e madhe që ndonjë sportist ka arritur të fitojë ndonjëherë brenda një viti. Nëse do t’i riktheheshim kësaj liste të hartuar tre vjet më parë, do të vërenim se Tajgër Uds kryesonte të pasurit me një diferencë shumë të vogël nga të legjendës së Formula 1, Majkëll Shumakerit. Sot, Uds qëndron në majë duke pasur një diferencë të qartë fitimesh me sportistët e tjerë. Uds arkëtoi 13 milionë dollarë të fituar nga garat që ai ka zhvilluar dhe 87 milionë dollarë nga fushata e reklamave dhe shpenzimeve që kishin të bënin me praninë e tij në ceremoni dhe aktivitete të ndryshme. Uds nënshkroi së fundi një kontratë me “Pepsico Gatorade”, në vlerën e 100 milionë dollarëve, që është njëherësh edhe kontrata më e madhe për një sportist.

Golfisti amerikan fitoi më shumë se dy herë se shuma e fituar nga atleti i dytë më i paguar në botë, boksieri Oskar De La Hoja. “Golden Boy” (Djaloshi i artë) futi në xhep 43 milionë dollarë nga dyluftimi i tij me Flojd Mejuedhër Xhunjor gjatë muajit maj të këtij viti. Vetëm tre sportistë shumë të paguar ishin joamerikanë në vitin 2004, ndërsa në vitin 2007 ky numër është rritur në nëntë sportistë, të udhëhequr nga finlandezi i Formula 1, Kimi Raikonen, i cili fitoi 40 milionë dollarë, duke u renditur i katërti në botë. Emra të tjerë të njohur në listën e paraqitur nga “Forbes” janë: ylli britanik i futbollit, Devid Bekam, i cili me 33 milionë dollarët e fituar renditet i gjashti; braziliani Ronaldinjo, me 31 milionë dollarë, renditet i nënti; Valentino Rosi, kampioni italian i motoçiklizmit, me 30 milionë dollarët e tij renditet i 11-ti. Basketbollisti Jao Ming, eksporti më i famshëm kinez, i cili arkëtoi 26.3 milionë dollarë nga NBA është i 17-ti në botë.

Box:
Sharapova, e vetmja femër

Bukuroshja ruse, tenistja 20-vjeçare Maria Sharapova, ka një të ardhur prej 23 milionë dollarësh në vit. Sharapova renditet e 25-ta në botë dhe është e vetmja femër në listë. Në vitin 2004 nuk kishte asnjë sportiste.

Palmer, më i vjetri

Në anën e pasme të spektrit të të pasurve është golfisti 78-vjeçar, legjenda Arnold Palmer. Edhe pse ai është tërhequr prej garave vitin e kaluar, Palmer fitoi 25 milionë dollarë nga sponsorët si Callaway, Rayovac and Rolex.

Minimumi, 23 milionë dollarë

Minimumi i fitimeve që të jesh në listën e 25 sportistëve më të paguar në botë ishte këtë vit 23 milionë dollarë, nga 19 milionë dollarë që ishte vitin e kaluar. Shuma e sportistëve të këtij viti arriti në 813 milionë dollarë.

NBA-ja, më shumë milionerë

Basketbolli amerikan është edhe sporti më i përfaqësuar në listën e milionerëve. Janë shtatë lojtarë të NBA-së, të udhëhequr nga basketbollisti i Los Anxheles “Laker”, Kobi Brajant, që fitoi 32.9 milionë dollarë dhe është i shtati.

Lista e 25 më të pasurve

1.Tajgër Uds (golf), 100
2.Oskar De La Hoya (boks), 43
3.Fil Mikelson (golf) 42
4.Kimi Raikkonen (F1), 40
5.Majkëll Shumaker (F1), 36
6.Devid Bekam (futboll). 33
7.Kobi Brajant (basketboll) 32.9
8.Shak O’Nil (basketboll), 31.9
9.Majkëll Xhordan (basketboll), 31
10.Ronalidnjo (futboll), 31
11.Valentino Rosi (MotoGp), 30
12.Aleks Rodriguez (bejzboll), 29
13.Roxher Federer (tenis), 29
14.Derek Xhetër (bejzboll), 28.3
15.Lë Bron Xhejms (basketboll), 27.3
16.Flojd Mejuidhër (boks), 26.5
17.Jao Ming (basketboll), 26.3
18.Vijaj Sing (golf), 25.8
19.Leonard Dejvis (futboll amerikan), 25.4
20.Arnold Palmer (golf), 25
21.Xhef Gordon (autopilot), 24.5
22.Kevin Garnet (basketboll), 24.3
23.Rexhi Bush (futboll amerikan), 23.8
24.Alen Iverson (baskteboll), 23.3
25.Maria Sharapova (tenis), 23
* Shifrat janë në milionë dollarë

[Altin111]

Trazira në Romë, policia thotë se nuk është fajtore

Gjendje jo e qetë e përcjell Italinë, pjesërisht edhe Romën, si pasojë e vrasjes së adhuruesit të Lazios, Gabriele Sandri, të dielen, nga policia. Sardini u qëllua në pjesën e pasme të qafës nga një oficer i policisë, i cili supozohej se ka qëlluar në ajër për të shpërndarë turmën.
Që nga mëngjesi i djeshëm, kur edhe ndodhi ngjarja tragjike, tifozët po shprehin zemërimin ndaj forcave të rendit. Qyteti i Romës po përjeton krizën më të keqe, me tifozët e Lazios dhe Romës, që të dyja grupet janë bashkuara duke shprehur pakënaqësinë me policinë.

Me qëllim që të shmangin problemet e ardhshme, zyrtarët policorë, në Arezzo, kanë dalë me deklaratë, ku thuhet: “Të dielën, në ora 9.10 para dite, dy vetura trafiku të policisë ishin të alarmuara nga zëri i britmave dhe zhurmave që vinin nga parku i veturave”.

“Duke parë që kishte përleshje të dhunshme në mes të udhëtarëve të tri veturave të fundit, agjentët kanë intervenuar duke lëshuar sirenën dhe duke iu afruar skenës. Një prej agjentëve, me qëllim të bind grindësit të pushojnë, ka gjuajtur me dy të shtëna”.

Por, ndryshe nga deklarata e zyrtarëve, e vërteta është se plumbi i dytë ishte qëlluar në drejtim të turmës dhe jo në ajër, dhe gjeti Sardinin, që rrinte në veturë dhe nuk ishte i kyçur në përleshje.

Si rezultat i këtij rasti tragjik, ndeshja mes Interit dhe Lazios është anuluar, derisa ajo mes Atalantas dhe Milanit u detyrua të ndërpritej, pas shtatë minutash loje, pasi që adhuruesit u turrën në brendi të stadiumit, në Bergamo, në protestë kundër mos anulimit të ndeshjes.

Edhe ndeshja e mbrëmshme, mes Romës dhe Cagliarit, po ashtu është anuluar si rezultat i trazirave në afërsi stadiumit Olimpico, ku duhej të zhvillohej ndeshja.

[Altin111]

Pele me i miri i te gjitha koherave, Roni kalon Maradonen

Eshte bere per te disaten here studimi mbi 100 futbollistet me te forte te gjitha koherave: sipas l’Association of Football Statisticians “Pibe de oro” qendron ne vend te katert, perpara tij ka kaluar edhe Romario, Platini eshte vendosur ne vend te 13, Maldini ne te 15, i pari i italianeve. Anglezet jane nxehur per perjashtimin e George Best.

Eshte cilesuar Pele lojtari me i mire i te gjitha koherave. E ka percaktuar per te disaten here studimi i bere nga “Association of Football Statisticians”, qe ka vene ne radhe 100 me te miret, vleresuar ne baze te cdo aspekti te vecante te nje ndeshje: golat e shenuar nga sulmuesit, ndeshjet e perfunduara me rrjeta te paprekura (per te gjykuar paketen mbrojtese), shiritin e kapitenit te veshur, nivelin e arritur ne karriere dhe trofete e fituar. Pra, 100 vitet e fundit te futbollit ne 100 emra. Edhe pse Pele ne krye te gjithe te tjereve nuk paraqet ndonje surprize (ka mbledhur nje shume pikesh prej 16,799,44) duke shfletuar listen, medyshjet nuk mungojne.

DOMINON BRAZILI – Tre vendet e para jane te gjithe Braziliane, me Ronaldon ne vend te (2) dhe Romario ne te 3-in (mbyll bllokun ngjyre jeshilarte Kafu, i 10). Maradona eshte vendosur ne vendin e (6), i kaluar edhe nga Figo qe ze vendin e (4) dhe Zidan te (5). Ndersa Platini eshte jashte 10 me te mireve, ne vendin e (13). I pari i italianeve eshte cilesuar Paulo Maldini, i (15), i pozicionuar me mire se Ziko, i (16), Gullit i (1, Krujf i (21), dhe per tu habitur Ronaldinho, ka perfunduar ne vend te (57). Nente italianet e tjere jane vendosur ne vendet si me poshte, Paulo Rossi i (43), Alesandro Kostakurta i (49), Dino Zof i (51), Alesandro Del Piero i (60), Demetrio Albertini i (64), Giacinto Faccheti i (75), Franko Barezi i (77), Giani Rivera i (7, dhe Roberto Baggio i (79).

POLEMIKAT E ANGLEZEVE – I pari i portiereve eshte cilesuar Peter Schmeichel i (36), ndersa David Beckham fatkeqsisht eshte ne vendin e (44). Nje klasifikim qe i ka bere te nxehen keq anglezet (The Sun ironizon mbi “ekspertet” qe kane perzgjedhur listen, Daily Star flet hapur per fansat e nxehur jashte mase) jo me shume se perpara pozicionimit te madherise se tij Boby Charlton qe meritonte vendin e (23), se sa per mbi te gjithe kampionet qe mungojne ne apel. Nje mbi te gjithe sipas anglezeve, eshte George Best, e pashpjegueshme i hequr nga lista e 100-shes.

ALI DAEI – E drejte per te mos qene te heshtur, gazetat angleze u kapen edhe me mungesen e francezit Erik Kantona, ashtu si edhe per prezencen e iranianit Ali Daei qe fale 109 golave te tij ne 149 ndeshje, eshte vleresuar ne te 26-in pozicion, duke u shkeputur nga Denis Bergkamp i (31), Thierry Henry i (33), dhe Trezeguet i 63, sa per te permendur keta te tre per golat jane mjeshtra. Kombi me i mire i perfaqsuar eshte Franca me 16 lojtare, i ndjekur nga Brazili me 11, ndersa Italia dhe Gjermania numurojne nga 10 lojtare secila. Anglia ka 7 ndersa Argjentina 5 (nder keta nuk eshte Messi). Pervec Iranit me Daei, permendet edhe Nigeria (Kanu-76), Turqia (Akan Shukur-42), dhe per Meksiken (Hugo Sanchez-72).

[Altin111]

Panuçi akuzon Kakanë: Ty të joshin vetëm paratë!

“Kur vjen momenti, të gjithë janë moralistë, por duhet t’i themi mjaft kësaj sjelljeje. Kaka ka thënë se kampionët do të largohen nëse vazhdohet me dhunën? E ka gabim, por edhe ai është i vetëdijshëm për këtë. Mjafton që të paguhen mirë dhe keni për ta parë se si do të vijnë të luajnë në Itali. Përpara parave të gjithë përulen...!”. Kristian Panuçi i replikon shfryrjes së Kakasë, i cili përpara episodeve të dhunës nuk ka përjashtuar se mund të largohet nga Italia. Mbrojtësi i Romës tha: “Edhe unë, përpara skenash të shëmtuara provova një hidhërim të madh brenda meje dhe u mundova që djali im të mos i shihte. Më mirë filmat vizatimorë. Por, t’ia vësh fajin futbollit për atë që po ndodh, është e padrejtë. Problemi është më kompleks dhe dhuna nuk është vetëm të dielën, por çdo ditë. Për fat të keq, Italia po jeton një momenty të vështirë, shumë njerëz mezi arrijnë që të mbyllin muajin, sepse s’kanë para. Babai im ka qenë postier dhe e di se stadiumi, për shumë persona, bëhet një valvul e shfryrjes. Por nuk jemi ne futbollistët që duhet të zgjidhim gjithçka. Për shembull, unë nuk e njoh botën e ultrasve, sepse s’kam pasur asnjë lidhje me ata, por disa klube kanë marrëdhënie me këta persona. Tani më shumë se kurrë tifozët e vërtetë duhet t’i japin një dorë institucioneve në mënyrë që të përpilojnë ligje edhe më të forta dhe të dënojnë ata që nuk i respektojnë. Të ndalojmë të gjithë? Ne nuk duhet të ndalojmë, por të jemi sa më aktiv, duke e kthyer të dielën në një ditë feste dhe ajo që ndodh jashtë të ndodhë edhe këtu. Nëse shumë vende kanë arritur që të kenë një kulturë sportive, nuk shoh se pse s’mund t’ia arrijmë edhe ne. Nuk jemi të dytët, karshi askujt!”.

[Altin111]

Turp kuqezi, Bjellorusia tallet në Tiranë


Shqipëri-Bjellorusi 2-4. Shqipëria bëri paraqitjen më të shëmtuar pikërisht atëherë kur të gjithë ne, tifozët kuqezi, shpresonim se do të ishte mbrëmja e rekordeve: 14 pikë dhe arritjen e vazos së katërt. Skuadra që i rezistoi për 90 minuta Holandës dhe i mori barazim Bullgarisë në “Qemal Stafa”, ishte një shëmbëlltyrë e shëmtuar e skuadrave shqiptare të viteve 1960-2000. Një turp i madh. Për fanellën kuqezi, por edhe një tradhti e madhe për të gjithë ata tifozë që lanë shtëpitë e tyre për të ndjekur nën shiun e rrëmbyeshëm skuadrën e tyre në një “Qemal Stafa” të baltosur. Të gjithë të dobët, përveç dy golave të Bogdanit dhe Kapllanit.

Në nën një shi të rrëmbyer është duke u zhvilluar takimi Shqipëri-Bjellorusi. Numër i konsiderueshëm shikuesish në “Qemal Stafa”, që po i japin mbështetje skuadrën kuqezi së drejtuar zyrtarisht në bankinë nga Kovaçiç.

Dhjetë minutat e para ishin të barabarta, me ndonjë ngacmim të Kapllanit dhe Skelës (të dyja nga larg), por dhe bjellorusët i kanë dhënë tonin takimit. Kutuzov (11’) pati rastin më të mirë për të kaluar Bjellorusinë në avantazh, por gjuajtja e tij nga rreth 16 metra u devijua nga Beqaj.

Bjellorusia iu shfaq më kërkuese në lojë, madje duke rrezikoi disa herë nga afër.

Bogdani ndërmori një aksion nga e djathta e sulmit, pasoi për Kapllanin në zonën e vogël, por sulmuesi i Karslruhes gjuajti dobët duke humbur një mundësi të shkëlqyer për të shënuar golin e parë në minutën e 14-të.

Në minutën e 16-të Cana ekzekutoi një goditje të lirë nga 20 metra por topi përfundoi disa metra sipër traut. Minuta e 25-të solli edhe dëmtimin e portierit Beqaj, i ci,i pas ndihmës së marrë nga stafi mjekësor vazhdoi lojën. Kirengin u ndëshkua me karton të verdhe për ndërhyrjen ndaj Beqaj.

Minuta e 32-të ishte fatale, kur nga një gjuajtje prej 25 metrash Romashenko shënoi golin e parë, edhe pse Beqaj në tentativë për ta grushtuar topin vetëm sa e shtyhu në rrjetë. E pabesueshme 0-1.

Bariç kuptoi se mbrojtja nuk funksiononte si duhet dhe zëvendësoi Rustemin me Vangjelin në minutën e 37-të.

Minuta e 42-të solli edhe barazimin e Shqipërisë, kur Erion Bogdani falë sprintit të fuqishëm të tij hyri në zonë dhe goditi me forcë në trekëndëshin e majtë. Goli i parë i sulmuesit të Livornos në këto eliminatore. Ashtu siç edhe kishte premtuar ish-sulmuesi i Sienës.

Pas dy minutash erdhi radha e Kapllanit për të treguar aftësitë e tij, kur brenda zonës dhe harkoi topin me zgjuarsi mbi portierin kundërshtar. Goli i katërt i tij me fanellën e Shqipërisë, duke u konfirmuar edhe si golashënuesi më i mirë shqiptar i këtyre eliminatoreve.

Kur pritej që pjesa e parë të përfundonte me fitoren tonë, Kutuzov duke përfituar edhe nga një mbulim jo i mirë i Vangjelit shënoi golin e barazimit në minutën e 45-të.

PJESA E DYTË - Tri minuta pas fillimit të pjesës së dytë, Nevil Dede humbi një rast ideal kur mbrojtësi i Tiranës shumë pranë portës e goditi tipin jashtë në rënie e sipër. Vangjeli në minutën e 50-të gjuajti nga larg por jashtë.

Skela u ndëshkua me karton të verdhë në minutën e 53-të.

Në minutën e 55-të, Aleksandër Hleb u fut në zonën tonë, i lëshoi një top Kutuzovit, i cili shmang edhe ndërhyrjen e Dedes, që rrëshqet e më pas edhe Dallkun dhe ndëshkoi për herë të tretë Beqajn.

Në minutën e 60-të Dallku dha një top të bukur për Skelën, i cili pas disa manovrimesh të bukura brenda zonës goditi, por topi përfundoi ngjitur me shtyllën transversale. Një rast shumë i mirë për të barazuar.

Tri minuta më pas Maksim Romashenko tentoi të hyjë në zonë, por aty pengohet nga Dallku dhe gjyqtari turk Demirlek tregoi pikën e bardhë duke ndëshkuar edhe Dallkun me karton të verdhë. Romashenko ekzekutoi me qetësi 11-metërshin që e fiksoi rezultatin 2-4. Pas kësaj edhe një tjetër rast për bjellorusët për të shënuar golin e pestë.

Kovaçiç zëvendësoi në minutën e 70-të Edmond Kapllanin duke hedhur në fushë Hamdi Salihin.

Në minutën e 76-të Kova provon të luajë me tri sulmues duke hedhur në fushë Bushin në vend të mesfushorit Altin Lala, jashtë forme në këtë takim.

Një ditë e dobët e Kombëtares sonë, një nga më të errëtat në historinë e saj në “Qemal Stafa”, pikërisht atëhere kur dukej se do Bariç do të vendoste rekordin me 14 pikë në grup dhe vendin në vazon e katërt. Është turp.

Të tallet Bjellorusia në Tiranë. Mund të shënojnë golin e pestë, por as Hleb dhe as Romashenko nuk duan ta shënojnë atë edhe pse i kanë mundësitë. Lorik Cana, i cili mori shiritin e kapitenit pas largimit të Lalës, u ndëshkua me karton të verdhë. Në minutën e 87-të, rasti më i mirë për Shqipërinë për të shënuar golin e tretë.

Duro harkoi topin drejt portës dhe aty Salihi goditi fuqishëm me kokë, por pa mundur të shënojë. Duro pati edhe mundësinë e fundit por portieri bjellorus e priti topin.

Përfundimisht 2-4, por dhe në vendin e katërt me pikë të barabarta me Slloveninë, nga 11 në 11 ndeshje. Shqipëria luantë mërkurën e ardhshme në Bukuresht me Rumaninë, ndërsa Bjellorusia pret Holandën në shtëpi.



Shqipëri-Bjellorusi 2-4

Golat: 0-1 Romashenko 32, 1-1 Bogdani 42’, 2-1 Kapllani 44’, Kutuzov 2-2 45’, 2-3 Kutuzov 55, 2-4 Romashenko 63 (11-m)

[Altin111]

Starton kampionati i Minifutbollit

Ndërkohë që kampionatet e futbollit - ai 11 kundër 11 - të të gjitha kategorive kanë disa muaj që kanë filluar, sot do të nisë për të pestin vit radhazi kampionati i Minifutbollit, apo siç njihet shkurt, i “sallave të mbyllura” (5 kundër 5). Në këtë kampionat, i ndarë në tri faza, do të marrin pjesë 14 skuadra të ndara në dy grupe. Ndeshjet do të luhen mes skuadrave të çdo grupi dhe pastaj në fazën e dytë me sistem vajtje-ardhje. Në përfundim të fazës së dytë do të mblidhen skuadrat më të mira të dy grupeve, tetë skuadra dhe të gjitha këto do të ndeshen me sistem vajtje-ardhje, ku do të përcaktohen më të mirat dhe nga këto skuadra do të nxirren edhe lojtarët që do të përfaqësojnë Shqipërinë në eliminatoret e Kampionatit Botëror. Skuadrat pjesëmarrëse në këtë kampionat janë: Ali Demi, 1 Maji, Teuta, Vllaznia, Partizani, Elbasani, dhe Skampa në grupin A, ndërsa në grupin B janë: Flamurtari, Antena Nord, Tirana, Besëlidhja, Pogradeci, Olimpik dhe Skënderbej.

[Altin111]

Sozia e Ronaldinjos: “Femrat besojnë se bëjnë seks me të”
Jeta e Moasir Alves Santosit ndryshoi katërçipërisht kur pa se i ngjante kryekëput idhullit të tij dhe njërit prej futbollistëve më të paguar në botë, Ronaldinjos. Santos është sozia e yllit të Barcelonës dhe bën në publik të njëjtat gjeste, madje ka të njëjtën buzëqeshje dhe zbardhje dhëmbësh. Braziliani tregon se ngjashmëria me asin e “seleçaos” e ka ndihmuar shumë, madje edhe në jetën sentimentale. “Ndodh shpesh me të vërtetë. Ka akoma femra që besojnë edhe sot e kësaj dite se kanë pasur marrëdhënie me Ronaldinjon”, - tha Santos për një uebsajt brazilian. Por ngjashmëria me Ronaldinjon nuk i ka dhënë vetëm kënaqësi sozisë së tij. “Dy herë janë përpjekur të më plaçkisin. Herën e parë më futën brenda një makine dhe shpëtova pasi këmbëngula dhe u shpjegova se nuk isha Ronaldinjo i vërtetë. Herën tjetër fillova të vrapoj për të shpëtuar”, - tregon i “klonuari”.

E Shtune, 24 Nentor 2007