Futboll Zone

[Altin111]

Shqipëria pa fat në short: Jemi në "grupin e ferrit"

Pa shanse përballë treshes Portugali, Suedi e Danimarkë

Kombëtarja shqiptare e futbollit vështirë se mund të pretendojë më shumë se vendin e katërt në grupin eliminator të Botërorit 2010. Shorti i hedhur dje në Durban të Afrikës së Jugut, vendi që do të organizojë turneun, ka qenë i pamëshirshëm me kuqezinjtë, që kanë rënë në "grupin e ferrit", përballë disa prej skuadrave më të forta të kontinentit. Portugalia, Suedia dhe Danimarka janë tre "gjigantët" e Grupit 1, ku bën pjesë edhe Shqipëria përkrah Hungarisë e Maltës. Një përfundim shumë i hidhur, që vështirëson edhe kërkimin e një trajneri të ri për kombëtaren, pasi pakkush mund të besojë se një emër i njohur mund të drejtojë kuqezinjtë me objektivin për të dalë në vendin e katërt.

Në hedhjen e vazos së pestë gjatë shortit të organizuar dje, Shqipëria ka rënë menjëherë në Grupin 1, ku ishte pozicionuar më parë Malta. Ekipi më i dobët i grupit ka në radhët e tij shumë pak futbollistë që luajnë në kampionate profesioniste, më i njohuri është sulmuesi Mifsud, që luan me Koventri në kategorinë e dytë angleze. Menjëherë pas Shqipërisë, në grupin tonë është përzgjedhur Hungaria, skuadra ndaj së cilës kemi regjistruar humbjen më të thellë në histori, 12-0 në vitin 1950, kur në radhët e saj luanin lojtarë të kalibrit të Ferenc Pushkash. Tani skuadra hungareze është shumë larg atyre viteve të lavdishme, por me një mesfushë ku aktivizohen Gera, Hajnal dhe Huzsti, pretendon të "ringjallet". Këta janë kundërshtarët direkt të Shqipërisë për vendin e katërt në grup, pasi pjesa tjetër e ekipeve duken shumë larg mundësive të kuqezinjve. Vazoja e tretë ka rezervuar për Shqipërinë ekipin e Danimarkës, kombëtare me të cilën jemi përballur edhe në eliminatoret e Botërorit 2006. Humbja 0-2 në Tiranë dhe ajo 1-3 në Kopenhagë tregojnë shumë mirë se kjo skuadër është superiore në të gjitha drejtimet dhe do të kërkojë vendet e para në grup. Me një grup që përbëhet nga lojtarë si Tomason, Helveg, Kroldrup, Poulsen, Jorgensen dhe Romedahl, danezët janë një prej pretendentëve për të fituar kualifikimin në Botërorin 2010. Vazoja e dytë e shortit na ka rezervuar një tjetër skuadër nordike, Suedinë e Zlatan Ibrahimoviç, Fredi Ljungberg dhe Kim Kallstrom. Ekipi i drejtuar nga Lars Lagerbak është kualifikuar në EURO 2008 dhe pretendon të kalojë fazën e grupeve, ndaj edhe kualifikimi në Botëror është një prej synimeve kryesore. Si për ironi të fatit, kuqezinjtë kanë fituar përballjen e fundit mes dy përfaqësueseve, në miqësoren e vitit 2004 në "Qemal Stafa", ku Skela dhe Aliaj përmbysën avantazhin e Selakoviç. Gjithsesi, rezultatet e fundit të Suedisë tregojnë shumë qartë se për të përsëritur një rezultat të tillë duhet një kombëtare e kohëve më të mira. Ndërkohë, vazoja e parë ka rezervuar një ekip shumë të fortë, më saktësisht një prej më të mirëve në Evropë, Portugalinë, që drejtohet nga Luis Felipe Skolari. Kristiano Ronaldo, Manike, Kuarezma, Deko dhe Nani janë disa nga emrat e lojtarëve që kanë siguruar pa vështirësi kualifikimin në Evropian dhe që shihen si pretendentë për fitoren e trofeut, pasi siguruan vendin e katërt në Botërorin e vitit 2010. Përballja e fundit me Shqipërinë ka qenë në miqësoren e vitit 2003, e përfunduar me rezultatin 5-3 për iberikët, ku pjesa e parë u mbyll në avantazhin 2-1 për kombëtaren shqiptare.

[Altin111]

Dite zie ne klubin Fiorentin: Ndahet nga jeta bashkeshortja e Parandelit



Pas nje semundje te gjate, sot ndahet nga jeta Manuela, bashkeshortja e teknikut Fiorentin, Cezare Parandeli, qe per te qendruar prane saj, kishte lene pankinen e Romes ne vitin 2004. Trajneri nuk kishte udhetuar dje me skuadren ne Rexhio Kalabria. Ne vendin e tij ishte zevendesi Gabriele Pin. Zyrtarisht, klubi kishte komunikuar mungesen e trajnerit Parandeli ne Kalabri, pasi kishte nje dhimbje te forte ne shpine. Ne sitin e klubit Fiorentin shkruhej nje komunikate-presidenti, keshilli administartiv, dirigjenca, skuadra dhe gjithe stafi bashkohen me dhimbjen e familjes Parandeli. Disa site interneti Fiorentin, pasi kane mesuar lajmin, jane mbyllur ne shenje zie per gjithe diten.

[Altin111]

Trajner “wanted”, 23 kandidatë për një post

Shafer, Sidka, Horsht, Zeman apo Skala, Xhentile, Maifredi? Italian apo gjerman? Të famshëm dhe me eksperiencë, apo të ri dhe plot energji? Një tjetër “Dosena” i famshëm në vendin e lindjes, por të pa vendosur për postin dhe punën e tij apo një të ashpër si Bariç dhe pothuajse rezultativ. Një Brigel, më shumë menaxher se sa trajner apo një shqiptar që njeh mirë mentalitetin e kuqezinjëve? Këto dhe të tjera dilema i duhet t’i zgjedhë presidenti i Federatës Shqiptare të Futbollit gjatë këtyre ditëve mbi figurën e “timonierit” të ri të kuqezinjëve. Por mes gjithë kësaj gjullurdie, një fakt është për t’u theksuar; të paktën kandidaturat për postin e trajnerit të kombëtares nuk mungojnë si asnjëherë tjetër. Një javë pas dorëheqjes së Bariç, më shumë se 23 trajnerë janë skeduar në federatë, duke shikuar edhe variant më të mirë. Duka prej ditës së djeshme është zhvendosur në Vjenë për takime me menaxherë të ndryshëm. Natyrisht synohet jo vetëm më i miri, por edhe më i përshtatshmi përsa i përket rrogës dhe premiove. Drejtuesit e FSHF-së edhe më parë patën deklaruar se nuk kanë ndërmend të harxhojnë më shumë se 200 mijë euro për trajnerit, kjo edhe për faktin se shorti i botërorit “Afrikë e Jugut 2010” nuk qe aq rezultativ përsa i përket parave që mund të fitohen nga e drejta televizive. Megjithëse në media dhe ambientet sportive përfliten skenare nga më të ndryshme kreu i federatës, Armand Duka ka theksuar se trajneri do të zgjidhet brenda këtij fund-viti dhe me 99 për qind do të jetë sërish një teknik i huaj.

Kandidatët e përfolur

1) Vinfrid Shafer (Gjerman)

2) Volfgang Sidka (Gjerman)

3) Klaus Horsht (Gjerman)

4) Zdenek Zeman (Çek)

5) Nevio Skala (Italian)

6) Klaudio Xhentile (Italian)

7) Xhixhi Maifredi (Italian)

Serçko Katanec (Slloven)

9) George Haxhi (Rumun)

10) Valter Zenga (Italian)

11) Antonio Konte (Italian)

12) Alberto Zakeroni (Italian)

13) Hristo Stoiçkov (Bullgar)

14) Bylbyl Sokoli (Kosovar)

15) Edmond Miha (Shqiptar)

16) Senol Gunesh (Turk)

17) Stefan Demol (Belg)

1 Piter Juriç, (Kroat)

19) Konstandin Kostadiniu (Rumun)

20) Xhejms Anderesen (Anglez)

21) Bertalan Bickei (Hungarez)

22) Eugen Genard (Holandez)

23) Migel Anderson Araue (Portugez)

[Altin111]

Shtypi: Ronaldinjo, drejt Çelsit!

06-12-2007

Në Angli dhe Spanjë flasin për kalimin e brazilianit në Londër. Menaxheri mohon vetëm pjesërisht

Ronaldinjo mund të shkojë te Çelsi, sipas pjesës më të madhe të gazetave që kanë dalë dje nëpër Europë. Braziliani është në periudhën e tij më të zezë te Barcelona, dhe jeta në "Kamp Nou" është bërë shumë e vështirë për të. Numri 10 ka qenë në stol gjatë tri ndeshjeve të fundit dhe "Topi i Artë 2005" duket vetëm një kujtim i largët. Kjo është arsyeja, për të cilën shtypi spanjoll dhe ai britanik kanë përfolur një kalim të "Dinjos" në "Stemford Bridxh". Gazeta "Marca" citonte një burim sekret, i cili konfirmoi marrëveshjen e fantazistit me drejtuesit e Çelsit, në bazë të së cilës ai do të përfitonte 10 milionë euro në sezon. Anglezja "The Sun" shkonte më tej. Sipas saj, Ronaldinjo do të përfitojë 17 milionë euro në sezon dhe në arkat e Barcelonës do të derdheshin plot 70 milonë euro. Edhe Milani është në garë për të marrë shërbimet e tij. Ndryshimi këtë herë qëndron edhe në shtypin katalanas, i cili tradicionalisht ka bërë propagandë për qëndrimin e Ronaldinjos në Barcelonës. Këtë herë, e përditshmja "Sport" u referohej fjalëve të Roberto de Asis, menaxheri dhe njëkohësisht vëllai i fantazistit. "Ronaldinjo është shumë mirë te Barcelona, por, nëse drejtuesit vendosin ta shesin, atëherë ai ka të drejtë të largohet ku të dëshirojë, dhe klubi nuk do të përfitojë asgjë." Fjalët e tij nuk janë shumë të qarta, por gjithsesi presidenti Laporta duhet të matet mirë për të vendosur të ardhmen e futbollistit të tij të preferuar. Ndërkohë, trajneri i Barcelonës, Frenk Rajkard, ka dashur t'u japë fund spekulimeve, në lidhje me historinë e dashurisë ndërmjet Ronaldinjos dhe vajzës së tij Linsej Rajkard. "Ajo ka një të dashur që është nga Brazili, por ky nuk është Ronaldinjo," tha trajneri holandez për të përditshmen "El Periodico", në rubrikën e kësaj të fundit, "Jeta pas futbollit."

[Altin111]

Maradona: “Kaka nuk e meritonte Topin e artë”


Ishte i pritshëm reagimi i Diego Armando Maradonës, sapo Kaka morri zyrtarisht trofeun të dielën në Paris. Legjenda argjentinase nuk ka nguruar aspak të nisë një debat në lidhje me meritat e superyllit brazilian që morri edhe çmimin prestigjioz.
Edhe pse në Ligën e Kampioneve Kaka është në formë të madhe, fantazisti i Milanit është thuajse inekzistent në Serinë A gjatë këtij sezoni, duke bërë një paraqitje shumë të varfër. Ish-kampioni i botës, Diego Maradona – i cili e ka bërë publik pozicionin e tij përkrah Lionel Mesit - nisi sulmin. “Runi, Ronaldinjo dhe Mesi mund të ishin fituesit më me vlerë të trofeut. Është e vështirë të marrësh një vendim se cili prej tyre, por nuk është e vështirë të ndash Kakanë nga këta lojtarë. Disa prej tyre janë më të mirë. Unë nuk e di mirë se si është bërë përzgjedhja, por unë mendoj se Runi është më i mirë se Kaka”, - lëshon siluret e tij Maradona. “Milani është një ekip që varet gjatë gjithë kohës nga Kaka, por kjo nuk e bën atë lojtarin më të mirë në botë”. “El Diego” shpreh edhe opinionin e tij për ndeshjet e ardhshme të Botërorit të Klubeve, që vendos klubin e tij të dashur, Boka Juniors kundër Milanit. “Është një ndeshje e vështirë dhe nuk mund të parashikosh rezultatin, por Milani vare nga Kaka. Unë nuk i frikësohem Milanit, por dëshiroj vetëm që Boka të fitojë kompeticionin në gjendje të mirë fizike”. Duke folur për favoritët në futboll, Maradona pa dyshim veçon lojtarët nga vendi i tij. “Për momentin më të mirët në botë janë tre lojtarë argjentinas: Lionel Mesi, Serxho Aguero dhe Huan Roman Rikelme”.

[Altin111]

Hënes: “Bajerni, kampion me çdo çmim”

Drejtori i përgjithshëm i Bajernit të Munihut është i bindur se do të skuadra e tij do të fitojë tillin kampion edhe pse Bundesliga po bëhet gjithmonë e më e vështirë. Henes kërkon me çdo kusht titullin kampion pas sezonit të mallkuar që kaloi Bajerni një vit më parë. “Në dëshirojmë të përpiqemi të bëhemi kampionë të Gjermanisë më çdo çmim”, - deklaroi Henës. “Titulli shtëpiak është prioriteti unë pas dështimit në sezonin e kaluar. Ne e pranojmë këtë sfidë falë edhe ekipit që kemi ndërtuar gjatë kësaj vere”. Bajeni investoi shuma të mëdha për të blerë Miroslav Klozen, Frank Riberinë, Luka Tonin dhe Hamit Altintopin. Për momentin klubi bavarez është në krye të Bundesligës duke humbur vetëm një nga 15 takimet e luajtura.

[Altin111]

Milan-Boca Juniors, finalja e Botërorit

Milani mundi 1-0 japonezët e Uraua Red Diamond dhe u kualifikua për në finalet e Botërorit të klubeve kundër argjentinasve të Boca Juniors. Goli u shënua në minutën e 23-të të pjesës së dytë nga Seedorf. Finalja do të luhet të dielën e ardhshme 11:30 shqiptare.

GALIANI – “U treguam të zotë, Milani është në finale”, - deklaroi administratori i deleguar, Adriano Galiani. “Nuk ishte e lehtë kundër Uruaas në pjesën e parë,- shtoi ai, - ishin agresivëm t përqendruar, për futbollin japonez kjo ndeshja ishte historike”.

BERLSUKONI - I pari që telefonoi Galianin ishte bosi i Milanit, Silvio Berluskoni: “Sapo fola me presidentin, ishte shumë i kënaqur me rezultatin dhe provën e skuadrës”. Së fundi edhe një mendim të shkurtër për Kaka: “Një ndeshje e jashtëzakonshme”.

[Altin111]

Inzagi: Milani ka nderuar gjithe Italine

Pa asnje shenje modestie edhe Inzagi, qe ka shenuar nje dopiete ndaj Bokes. “Mbyllet nje cikel fantastik, – ka thene ai, – kjo skuader ka nderuar Italine. I thosha trajnerit perpara ndeshjes se ne Athine nuk ndjehesha mire, por shenova dy gola, shpresoj te mos ndodhe e kunderta sot (dje), te ndjehem mire. E ne fakt, me kete skuader gjithcka behet e lehte.” Ne festen e Yokohames ishte edhe Ronaldo, qe gezohej bashke me shoket e tij ne festen kuqezi. “Jam i lumtur per shoket e mi, – tha braziliani, - Kaka nuk po rresht duke me befasuar, por ben gjera te jashtezakonshme, tani me duhet te sherohem sa me shpejt, qe te jap edhe une kontributin tim. Kam shume deshire te rikthehem”.

[Altin111]

Maldini: Me kete trofe e mbylla ciklin tim

E Hene, 17 Dhjetor 2007

Paolo Maldini po shijon fitoren me fanellen kuqezi, edhe sepse titulli Boteror i fituar kunder Bokes, 17 vjet pas Kupes Nderkontinentale, mund te jete nje nga trofete e fundit ne karriere. “Ndjehem i kenaqur per ate qe kam bere, – ka shpjeguar, – eshte e bukur, sepse beson se eshte e veshtire te shkosh 39 vjec dhe te vazhdosh te luash me nje skuader te madhe si Milani. Ne qershor, me siguri do ta le futbollin pa asnje pishmanllek. Tashme ndjehem i lodhur dhe dhimbjet me jane shtuar, duke e mposhtur deshiren per te luajtur”. Megjithate mbetet nje karriere per t’u vene ne kornize me 5 perfaqesime ne Kupen Nderkontinentale, duke barazuar Kostakurten.

[Altin111]

Bota nen kembet Perandorise se Milanit

E Hene, 17 Dhjetor 2007

Jeton Selimi

Boka Juniors - Milan 2-4

Shenues: Palasio 23’, Ledezma 85’,\ Inzagi 21’, 70’, Nesta 50’, Kaka 61’

Boka Juniors: Karanta; Ibarra, Maidana, Paleta, Rodriguez; Gonzalez (Ledesma 67’), Batajlia, Banega, Kardozo (Grasian 68’); Palermo, Palasio.

Trajner: Ruso

Milan: Dida; Bonera, Nesta, Kalaxe, Maldini; Gatuzo (Emerson 65’), Pirlo, Ambrozini; Kaka, Sedorf (Broki 87’); Inzagi (Kafu 76’).

Trajner: Anceloti

Gjyqtar: Rodriguez (MEX)

Kartone te verdhe: Ambrozini, Ibarra, Batajlia, Paleta

Kartone te kuq: Kalaxe, Ledezma

Spektatore: 72.000

Te gjithe nen kembet e Milanit. Per here te katert ne historine e tyre, kuqezinjte jane kampione te botes. Kaka edhe njehere ben nje ndeshje hyjnore, qe amplifikon me tej madheshtine e tij. Perandoria godet edhe njehere, fale klasit dhe eksperiences, ndaj te cilave argjentinasit nuk mund te bejne asgje. Nje pjese e pare dehese, ku Inzagit i pergjigjet Palasio. Nje pjese e dyte spektakolare, ku Pipo replikon, Kaka ndricon dhe Nesta heq nje kenaqesi te madhe. Eshte mbremja e Maldinit. Triumfi i radhes i Pipo Inzagit, qe shenon nje dopiete dhe konfirmohet si sulmuesi me i pameshirshem ne qarkullim: askush me pare se ai nuk kishte shenuar ne te gjitha kompeticionet. Milani me triumfin e Jokohames fiton kupen e tij te 18-te dhe behet skuadra me fitimtare e botes.

Eshte menjehere Inzagi ai qe ne minuten e 5-te me nje diagonale te hidhur qeth shtyllen e djathte te Karantes. Por Boka nuk trembet. Te shkathet dhe te shpejte shfrytezojne superioritetin numerik ne mesfushe, ku Sedorfi nuk mbeshtet si duhet, duke vene ne krize shoket e repartit. Por gjithcka ndryshon ne minuten e 23-te. Kaka sulmon nje mbrojtes, godet, topi i rikthehet ne kembe, por kesaj radhe braziliani pason per Inzagin, qe nuk fal. Milani ne avantazh. Megjithate, Milani tronditet shpejt. Vala e gezimit kthehet ne cunami. Mbrojtja kuqezi zberthehet ne minuten e 24-et nga nje goditje kendi e shkurter dhe qe transformohet me pas ne kros per Palasion, qe ka te gjithe kohen e duhur per te shenuar me koke ne mes te 6 fanellave kuqezi te palevizshme. Mesa duket, duhet dicka tjeter per te mposhtur Boken. E ketu fillon Kaka-shoe, qe me shpejtesine e tij asfikson dhe alarmon krejt mbrojtjen kundershtare. Ne minuten e 50-te Pirlo harkon nje top ne zone pas nje goditjeje denimi dhe Ambrozini del huq, por gabimin e tij e ndreq Nesta, qe kontrollon topin dhe godet rrepte brenda zones, 2-1 per Milanin. Ende pa u shuar mire ethet e golit te pare eshte Kaka qe shperthen, hyn ne zone dhe me te majten mposht Karranten e palevizshem; 3-1 dhe kuqezinjte nisin festen. Por, si per ta bere akoma me te embel fitoren, eshte nje tjeter kombinim, Kaka-Inzagi, mes mbrojtjes argjentinase, qe nxjerr te lire kete te fundit dhe rezultati merret lehte me mend, topi ne rrjete dhe 4-1. Ketu perfundon gjithcka dhe goli i dyte i Bokes ne minuten e 85-te eshte thjesht sa per statistike.

[Altin111]

Kaka, “Lojtari më i mirë në Botë”

“Më mirë se edhe në ëndrrat e mia” . Mesfushori i Brazilit dhe i Milanit, Riki Kaka, kompletoi një vit të artë duke fituar edhe çmimin “FIFA World Player 2007 (Lojtari më i mirë i vitit) duke fituar 1047 vota nga trajnerët dhe kapitenët e 165 ekipeve të kombëtareve nga e gjithë bota. Pas Kakasë u rendit, talenti i Barcelonës, Lionel Mesi dhe në vend të tretë, Kristano Raonaldo. “Kur isha i ri dëshiroja të luaja me Sao Paolon dhe një ndeshje të vetme me Brazilin. Por zoti dëshironte të më jepte me shumë. Dhe e realizova ëndrrën time”.

25-vjeçari i cili fitoi gjatë këtij viti edhe çmimet “Topi i artë” dhe lojtari më i mirë i revistës “World Soccer” pohoi: “Është një vit i madh për mua. Kam arritur shumë duke luajtur për Milanin. Nuk ekziston një lojtar i madh pa një skuadër të madhe. Nëse paraqitjet e mia kanë që të larta duhet të falënderoj parasëgjithash shokët e mi, të cilët më kanë ndihmuar për të bërë më të mirën. Në Tokio ishte fitorja e Milanit, jo fitorja e Kakasë”, - pohoi braziliani gjatë marrjes së çmimit.

Braziliani Kaka, argjentinasi Lionel Mesi dhe portugezi Kristiano Ronaldo ishin edhe tre më të mirët e një liste prej 30 kandidatësh të nominuar nga FIFA, për të cilët votuan trajnerët e ekipeve kombëtare dhe kapitenët e tyre. Nga Shqipëria votuan ish-trajneri Oto Bariç dhe kapiteni i Kombëtares, Altin Lala. Të dy gjatë konferencës së fundit për shtyp, përpara ndeshjes me Bjellorusinë, më 17 nëntor, pohuan se kishin votuar me notën më të lartë për Kakanë.

Kaka udhëhoqi Milanin në fitimin e Ligës së Kampioneve, Superkupën e Europës dhe të dielën në pronësimin e trofeut të Botëorit të Klubeve të zhvilluar në Japoni, ku braziliani fitoi edhe çmimin e futbollistit më të mirë të turneut.

Kaka pohoi besnikërinë ndaj Milanit, duke hedhur poshtë zërat që e shihnin në të ardhmen te Reali i Madridit.

Gjatë ceremonisë “Gala”, që u zhvillua në Zurih të Zvicrës, Pele morrin nga presidenti i FIFA-s, Jozef Blater ‘medaljen presidenciale”, ndërsa Marta, ylli i kombëtares braziliane për femra, fitoi trofeun “Fifa World Player 2007” në kategorinë e femrave.

[Altin111]

[ingal]

NUK E MERITONTE KY.

IBRAHIMOVIC DUHET TE KISHTE FITUAR.

[daku323]

Ik mer Gent se nuk merr vesh shume nga keto pune ti! Kaka Nr 1!

[Altin111]

Festa e Mancesterit, vajza denoncon perdhunimin

E Merkure, 19 Dhjetor 2007

Hijet e nje perdhunimi dalin rreth festes se Krishtlindjeve te Mancester Junajtid. Kete e tregon “The Sun”, duke cituar raportin e policise se Mancesterit, qe ka hapur nje hetim pasi nje grua, rreth 26 vjece, ka denoncuar se eshte perdhunuar gjate festes ekskluzive ne “Great John Street Hotel”, i prenotuar teresisht nga “Red Devils” per kete rast. “Rreth ores 04:15 te mengjesit te se martes, lexohet ne deklaratat zyrtare te nje zedhenesi te “Greater Manchester Police”, jemi telefonuar nga Great John Street Hotel, sepse nje grua ishte perdhunuar. Hetimet po vijojne, por deri tani nuk kemi asnje arrestim”. Me sa eshte mesuar, stafi i hotelit (i mbyllur deri ne nje urdher te dyte) eshte pyetur nga disa agjente civile, ne tentative per te hedhur drite rreth ngjarjes qe ndodhi ne nje nga 35 dhomat e hotelit. Sipas asaj qe tregon tabloidi, lojtaret (qe mund te sillnin ne feste ndonje mik nese kishin qejf) jane ne gjendje shoku, edhe pse asnje prej tyre nuk duket i perfshire ne perdhunim.

Ishin 90 vajza te mrekullueshme ne feste qe e donte kaq shume Rio Ferdinand per te festuar Krishtlindjet bashke me shoket, ku nuk ishin ftuar grate dhe drejtuesit e klubit. Nje burim anonim ka treguar per “Sun” se ne hotel ishin 90 vajza bukuroshe te ardhura nga cdo cep i Anglise. “Ishin te gjitha bukuroshe dhe mosha shkonte nga 18 ne 30 vjece dhe kane qene ato qe u jane hedhur ne qafe lojtareve. Pijet alkoolike derdheshin lume, tregon nje deshmitar, dhe kamerieret u jepnin shampanje roze te gjitheve pa perjashtim. Shume nga vajzat kishin dale jashte lufte, ndersa lojtaret pinin birre, vodka dhe uiski. Runi e Rio e kane kaluar thuajse te gjithe mbremjen ne pisten e vallezimit, por ishte Rajan Gigs, ai qe u vodhi skenen, kur filloi te imitoje Elvis Preslin. Filloi duke kenduar nje kenge dhe gjithe te tjeret u bene qark rreth tij dhe duartrokisnin si te cmendur. Nuk e besoj per ate qe mund te kete ndodhur, sepse ne fillim ishte nje feste e bukur”. Ne te gdhire, nje telefonate ne rajonin e policise e transformoi partin ne nje makth dhe tani lojtaret e Mancesterit nuk mund te bejne asgje tjeter, por te presin perfundimin e hetimeve, ndersa tabloidet jane hedhur ne kerkim te informacioneve te tjera, duke ftuar kedo qe ishte prezent te tregoje c’ka ndodhur.

[Altin111]

Champions/ Arsenal - Milan, deklaratat

Trajneri i Arsenalit, Arsen Venger pohoi: “Është një sfidë e madhe, por nëse ju do të më pyesnit mua se nëse ne kemi shanse për të mposhtur ata, unë do të thoshja ‘po’. Ne kemi një punë për të përfunduar dhe ne do të përpiqemi ta kryejmë atë, pasi nuk jemi ne përgjegjës për shortin. Të fitoni (Ligën e Kampioneve) ju duhet të mundni ekipe të mëdha dhe Milani është një ekip i madh, kampion i Europës dhe i botës”.

Trajneri i Milanit, Karlo Ançeloti e di shumë mirë se përballë ka një kundërshtar shumë të fortë. “Arsenali ishte një nga ekipet më të forta në short”, - tha Ançeloti. “Ata kanë shumë kualitet dhe më shumë teknikë se Liverpuli, por jo të njëjtën eksperiencë. Gjatë viteve të fundit ne nuk jemi përballur me ndonjë ekip londinez. Arsenali është një ekip i ri dhe me shumë lojtarë cilësorë. Janë liderit e Premier Ligës dhe kanë bërë një start shumë të mirë gjatë këtij sezoni edhe pse janë duke treguar disa shenja lodhje tani. Unë mendoj se Sesk Fabregas është një nga mesfushorët më të mirë në Europë”. Kuqezinjtë kanë dalë të pamundur në 11 vizitat e tyre të fundit kundër kundërshtarëve anglezë në ishullin britanik.

[Altin111]

Shorti i Ligës së Kampioneve, më i forti për italianet

16 më të mirat e ligës së kampioneve. Short shumë i fortë për skuadrat italiane. Skuadrat milaneze do të përballen me anglezet, ndërsa verdhëkuqte e Romës me skuadrën e Shusterit.

Shorti i sapo hedhur në Nyon të Zvicrës në këto momente për turin e 16 më të mirave të ligës së kampioneve, vuri italianet përballë anglezëve por edhe përballë spanjolleve. Pra me keq se kështu nuk mund të shkonte. Inter ka gjetur Liverpulin, kundërshtarin e vitit të shkuar të kushërinjve të tyre Milan, ndërkohë që kuqezitë do të përballen me Arsenal, një nga formacionet më brilante në Evropë në këtë sezon, pas lamtumirës së Henrisë. I vendosur në fashën e dytë, verdhëkuqte e Romës kanë gjetur mes grupit të mëdhenjve të Evropës, Real Madrid, rivale që në edicionin e dy viteve më përpara, por atëhere në fazën e grupeve. Në këtë fazë bëhet fjalë për eliminim direkt, me vajtje në 19-20 shkurt dhe ardhje 4-5 mars. Roma do të luajë e para në shtëpi, ndryshe nga Inter dhe Milan që falë kryesimit në grupe do ta luajnë të parën jashtë shtëpisë.

[Altin111]

Interi dhe Dida nenshtrojne Milanin

E Hene, 24 Dhjetor 2007

Ka qene ndeshja me e pritur ne Serine A dhe e ka justifikuar teresisht historine qe mbart ne shpine. Derbi i "Madonines", Inter-Milan, edhe kesaj here u ka buzeqeshur zikalterve, qe ashtu, si pak muaj me pare, kane permbysur disavantazhin, duke marre tre piket e radhes. Ne fillim kalojne ne avantazh kuqezinjte, ku Andrea Pirlo ekzekuton mjeshterisht nje goditje denimi ne hyrje te zones. Ne minuten e 38-te, baraspeshon Hulio Kruz, qe pasi driblon disa kundershtare ne zone, befason Diden, qe mposhtet ne krahun e tij. Pjesa e dyte sheh nje Inter me te vendosur, ndersa Milani ka veshtiresi te krijoje rrezikshmeri, edhe pse ne jo pak raste zbret me furi nga krahet. Per t'i vene kapak gjithckaje mendon portieri Dida. Braziliani ben gafen e radhes, duke e ndeshkuar rende Milanin e tij, qe nuk e meritonte humbjen ne kete perballje. Kambiaso godet ne qender te portes, por Dida ka fluturuar ne krahun e majte te tij, duke shtangur te gjithe ne stadium. Ne ndeshjet e tjera, Juventusi fiton 2-0 ndaj Sienes dhe ruan hapat e Romes e Interit, ndonese eshte 8 pike larg zikalterve kryesues.

[Altin111]

Reali fiton "El Clasico"-n

E Hene, 24 Dhjetor 2007

Zhulio Baptista i ka dhene fitoren Realit te Madridit ne perballjen e mbremshme ne "Kamp Nou" ndaj Barcelones. "El clasico" eshte vendosur ne minuten e 36-te te takimit nga nje supergol i brazilianit pas nje kombinimi perfekt me holandezin Rud Van Nistelroi. Pas ketij triumfi, Reali i Madrdit konsolidon pozitat e tij ne vendin e pare me 41 pike, duke thelluar diferencen ne shtate pike me Barcelonen qe mban vendin e dyte.

[Altin111]

I jashtëzakonshmi Inter

As dhe kampionët e botës nuk ia arritën të frenonin Interin. “Banda” e Mançinit i “ekzekutoi” edhe Milanin duke fituar titullin simbolik kampion i dimrit kur duhen edhe dy ndeshje për t’u luajtur nga përfundimi i fazës së parë. Kishte ndodhur vetëm dy herë në epokën e tri pikëve për një fitore dhe pikërisht në dy kampionatet e fundit: Juventusi në sezonin 2005-2006 dhe Interi në sezonin 2006-2007.

Klubi i Moratit duket se nuk ka asnjë pengesë për të fituar titullin e tretë rresht. Titujt dimërorë kanë vetëm një vlerë simbolikem, edhe pse ato hapin rrugën drejt fitimit të kampionatit. Në kampionatet me 20 skuadra, fitimi i dyfishtë kampion dimri dhe kampion sezoni ka ndodhur 6 herë: Torino 1948-49, Juventus 1949-50, 1951-52, 2004-05, 2005-06 dhe Interi 2006-07). Vetëm dy herë kampioni i dimrit nuk është shpallur kampion kombëtar: Juve në sezonin 1946-47 dhe Interi në sezonin 1950-51.

Në përgjithësi, kjo e vitit 2007 është për Interin hera e 15-të që zilkaltërit shpallen kampion dimri.

Tetë herë ia kanë në 14 raste ia kanë dalë të fitojnë kampionatin: në sezonet 1929- 30, 1937- 38, 1952- 53, 1953-54, 1965-66, 1979-80, 1988-89 dhe sezonin e kaluar. Zikaltërit kanë dështuar në këto sezone: 1933-34 (fitoi kampionatin Juventusi), 1950-51 (Milani), 1960-61 (Juventusi), 1961- 62 ( Milani), 1966- 67 ( Juventusi) dhe 1990-91 (Sampdoria).

REKORDET “ZIKALTËR”



Mesatarja e pikëve: 2.48



Një marshim triumfal i kampionëve të Italisë. Të jashtëzakonshëm, si viti i tyre 2007. Në 37 ndeshje të luajtura, duke u nisur nga 13 janari i vitit 2007 (20 në sezonin e kaluar dhe 17 në këtë aktual), zikaltërit kanë grumbulluar 92 pikë, 22 më shumë se Roma, e dyta, që është edhe e vetmja skuadër që ka mundur Interin (3-1, më 18 prill në “San Siro”). 92 pikë në 37 ndeshje, që do të thotë 2.48 pikë në çdo 90 minuta lojë. Askush, qysh kur janë vendosur tri pikët, nuk ka pasur një rendiment të tillë. Juventusi e kishte mbyllur me një mesatare pikësh: 2.38, 93 pikë në 39 ndeshje.

REKORDET

Nuk humbet prej 23 ndeshjesh

Interi është e vetmja skuadër në Itali, nga Seria A deri te ajo C2, që nuk është mposhtur. Me suksesin në derbi (i treti rresht, përshirë edhe dy takimet e fituara sezonin e kaluar), e çoi serinë e rezultateve pozitive në 23 takime. Pas humbjes me Romën gjatë sezonit të kaluar, ka arritur 18 fitore dhe 5 barazime.

28 transferta pa humbje

Interi ka serinë më të gjatë pozitive në transfertë: 28 ndeshje. Humbjen e fundit në kampionat zikaltërit e kanë pësuar, më 30 prill 2006 në Empoli, pas një autogoli të Materacit në kohën shtesë. Pas kësaj: 20 fitore dhe 8 barazime.

10 fitore resht

Falë fitores me Milanin, Interi regjistroi fitoren e dhjetë pa ndërprerje midis kampionatit (6), Ligës së Kampioneve (3) dhe Kupës së Italisë (1). Skuadra e fundit, që Interi nuk arriti të mundë është Juventusi (1-1, më 4 nëntor në Torino). Mançini është vetëm një ndeshje larg rekordit të tij të vendosur sezonin e kaluar me 11 suksese.

Interi, 112 gola rresht

Zikaltërit janë mitikë, parasëgjithash në “San Siro”. Jo vetëm se kanë fituar 25 pikë nga 27 të mundshmet (8 fitore dhe një barazim), por sistematikisht shënojnë prej 47 ndeshjesh: 112 gola në total. Ndeshja e fundit kur Interi nuk ka shënuar është ajo kundër Rexhinës(0-0), më 9 maj 2005.

Kruz, gol në nëntë ndeshje

Për temën “gol”, rekordi i fundit i përket Hulio Kruzit, i cili vazhdon të shënojë me një rregullis impresionuese. Në nëntë ndeshjet e fundit si titullar, argjentinasi nuk ka dështuar asnjëherë: 9 ndeshje, 9 gola.