Shqipëri: Reshje dhe ftohtë ditët në vijim

[aurel]

Moti i vranët dhe reshjet e shiut duket se do të përcjellin Shqipërinë gjatë ditëve në vijim. Meteorologët parashikojnë jo vetëm mot të paqëndrueshëm por dhe rënie të ndjeshme të temperaturave duke i çuar ato deri në - 6 gradë në zonat veriore dhe 0-2 grade celsius në zonat e ulëta.
Rënia e temperaturave do të nisë gradualisht në orët e pasdites të së premtes dhe mëngjesin e së shtunës do të ndihen më shumë.

Për ditën e diel, e cila përkon dhe me ditën e të dashurve meteorologët parashikojnë ndërprerje të reshjeve të shiut, vranësira dhe deri diku kthjellime, por në orët e pasditës rikthehen reshjet duke bërë që edhe java që vjen të nisë me reshje shiu por me ngritje të temperaturave.