Kampionati Italian 2009-2010

[Kliton]

Milan barazon 1-1 me Livornon ne San Siro duke humbur mundesine per te shkurtuar ne -6 diferencen e pikeve me Interin kryesues.
Kuqezinjte e mbyllen pjesen e pare me avantazhin e 1 goli pas rrjetes se gjetur me ane te kapitenit Ambrozini ne minuten e 44. Vetem 7 minuta nga nisja e fraksionit te dyte te takimit Livorno shtang San Siron duke barazuar rezultatin ne 1-1 me ane te veteranit Lukareli.

Ne minutat e mbetura megjithe perpjekjet e Milanit per te gjetur golin e trepikeshit, ai nuk erdhi.

Perfiton me se miri Roma nga hapi fals i Milanit. Verdhekuqte fituan ndaj Sienes ne Olimpiko me rezultatin 2-1 duke u ngjitur ne kuoten e 41 pikeve, po aq sa kuqezinjte e Leonardos.

Nderkaq Sampdoria merr nje fitore te vyer ndaj Atalantes. Dorianeve u mjaftuan dy gola ne 45 minuteshin e pare e takimit per te sigluar trepikeshin.

Ne takimet e tjera Katania barazoi me Udinezen 1-1. Po kaq perfundoi edhe sfida Kievo-Bolonja, ndersa Fiorentina barazoi 2-2 ne transferte ndaj Kaljarit.

Ndeshja e mbremjes mes Juventusit dhe Lacios, ku debuton ne stolin bardhezi edhe trajneri Alberto Zakeroni, mbyll javen e 22-te te Serise A.

[Kliton]

Juventusi ka shënuar fitore me rezultat 3-2 kundër Genoas, në ndeshjen e zhvilluar të dielën në Stadiumin Olimpik të Torinos.

Të parët kaluan në epërsi mysafirët me anë të Marco Rossit (16’), ndërsa Amauri barazoi rezultatin (42’), pas një harkimi të bukur të Caceres, për të dërguar skuadrat në pushim me rezultat 1-1.
Pas një lëvizjeje të bukur, Alessandro Del Piero në bashkëpunim me Diegon, kapiteni legjendar i Juventusit kaloi vendasit në epërsi (61’).
Mirëpo, Genoa e barazoi shumë shpejt rezultatin (63’), kur një gabimi të portierit Gigi Buffon, e ndëshkoi sërish Marco Rossi.
Fitoren Zonjës së Vjetër ia solli ikona bardhezi, Alex Del Piero, i cili nxori një penallti, të cilën e shndërroi në gol (78’).
Ishte kjo një fitore shumë e rëndësishme e Juves drejt qëllimit për një vend që çon në Ligën e Kampionëve.


Ndeshjet e tjera te Seris-A te luajtuara perfunduan:

[mekaniku]

Me ne fund nje fitore edhe pse me nje penallti te dhuruar.3 pike te rendesishme keto per te synuar vendin e 4.FORZA JUVE!!!!!!!!!!!!!!

[ReniX]

Me ne fund! Urime dhe pse jam kundershtar!

[Kliton]

Interi barazon sërish




Pas barazimit kundër Parmës, kampioni i Italisë në fuqi, Inter, ka lëshuar sërish pikë.

Takim i zhvilluar të dielën mbrëma në stadiumin San Paolo, ndërmjet Napolit dhe Interit ka përfunduar pa gola.

Pas këtij barazimi, ngushtohet diferenca ndërmjet Nerazzurëve dhe Romës në shtatë pikë, dhe një lëshim i radhës i zikaltërve, ndoshta do ta rihapte garën për titull.

[Kliton]

Kampioni në fuqi i Serie A, Interi, ka arritur të ruajë portën e paprekur për të nxjerrë një barazim pa gola në ndeshjen si vendas i Sampdorias, edhe pse luajti pjesën më të madhe me dy lojtarë më pak.
Walter Samuel u përjashtua nga loja me karton të kuq pas 32 minutash lojë për të lënë nerazurët me 10 lojtarë, ndërsa gjashtë minuta më pas me kartonin e dytë të verdhë u përjashtua edhe Ivan Cordoba dhe nerazurët mbetën me vetëm nëntë lojtarë.
Në një ndeshje që shpesh prodhoi tensione në mes dy palëve dhe reagime ndaj arbitrit nga lojtarët dhe trajneri i Interit, Sampdoria nuk arriti të shfrytëzojë epërsinë numerike dhe nuk kërcënoi asnjëherë seriozisht portën e Julio Cesar, edhe pse pati posedimin më të madh të topit.
Edhe Mysafirët e përfunduan ndeshjen me një lojtar më pak, pasi Giampaulo Pazzini u përjashtua me kartonin e dytë të verdhë 15 minuta pa përfunduar ndeshja.
Në takimin tjetër të sotëm Genoa ka shënuar fitore 3-0 ndaj Udineses.
Interi vazhdon kryesimin në tabelë me 55 pikë, tetë më shumë se Roma, që nesër mund ta ngushtojë atë në pesë nëse shënon fitore si vendas i Cattanias.

[Kliton]

Milani ka shënuar fitore prej 2-0 në ndeshjen e zhvilluar të dielën mbrëma në Stadio San Nicola kundër Barit.
Rossonerët kaluan në epërsi kur Ronaldinho pasoi te Marco Borriello, ndërsa sulmuesi i kthyer nga lëndimi shënoi në portën vendase (43’).
Mysafirët shënuan edhe në pjesën e dytë (69’), me anë të brazilianit Alexandre Pato.
Në minutat e fundit të kohës së rregullt, pas një ndërhyrjeje të Patos ndaj Salvatore Masiellos brenda gjashtëmbëdhjetëmetërshit, u akordua penallti në favor të Barit, mirëpo goditjen e Barretos e mbrojti portieri Abbiati (89’).
Me këtë fitore, Milani ngjitet në kuotën e 48-pikëve, dy më pak se Roma që mban vednin e dytë, dhe shtatë më pak se lideri Inter.



Juve në pozitën e katërt






Duket se Juventusi ka lënë pas vetes rezultatet e dobëta. Të dielën bardhezinjtë e kanë mposhtur Bolognan me rezultat 2-1 në takimin e zhvilluar në Stadio Dall’Ara.

Diego shënoi golin e parë për mysafirët në fillim të ndeshjes (5’) për të vendosur rezultatin përfundimtar të pjesës së parë.

Me të filluar pjesa e dytë (50’), vendasit barazuan rezultatin me anë të Antonio Busce.

Për fitoren e Juventusit u përkujdes zëvendësuesi i Diegos, Antonio Candreva, kur kapiteni Alessandro Del Piero nxori nga loja tre lojtarë për të pasuar te bashkëlojtari i tij që shënoi golin e avantazhit (66’), që rezultoi të ishte i fitores.

Pas kësaj fitoreje Juventusi ngjitet në pozitën e katërt, me katër pikë më pak se Milani që të dielën mbrëma zhvillon ndeshjen e javës së 25-të.


Rezultatet e Ndeshjeve te Perfunduara:

[Kliton]

Rossonerët kanë shënuar fitore prej 2-1 në ndeshjen e mbetur nga java e 17-të në Serie A, si mysafirë të Fiorentinas.
Ish- sulmuesi i Milanit, Alberto Gilardino, kaloi Violan në epërsi dhe me këtë rezultat përfundoi pjesa e parë.
Milani u tregua i efektshëm në dhjetë minutat e fundit të ndeshjes.
Fillimisht, pas një kombinimi me Ronaldinhon, Klaas-Jan Huntelaar barazoi rezultatin (81’).
Ndërsa për fitoren e kuqezinjve u kujdes Alexandre Pato, i cili shënoi në minutat shtesë të takimit (90’+2), ndërsa edhe në këtë gol ishte i përfshirë lojtari më i mirë në ndeshje, Ronaldinho.
Pas kësaj fitoreje, Milani ngushton diferencën në katër pikë me Interin, dhe tash mund të thuhet se gara për titull është rihapur.
Nderkoh ndeshja tjeter e prapambetur Udineze-Kaljari ka perfunduar me rezultatin 2-1 per skuadren vendesa.

[Kliton]

Keirrison ka shënuar një gol në minutat shtesë të ndeshjes për të nxjerrë një pikë për Fiorentinan në takimin në udhëtim te Lazio.
Vendasit kaluan në epërsi në minutën e shtatë të lojës me anë të Sebastiano Siviglia, avantazh të cilin e ruajtën deri në minutat e fundit të ndeshjes.
Por, në momentet kur u mendua se romakët do të nxjerrin tre pikë shumë të vlefshme nga ky takim, sulmuesi i Barcelonës i huazuar te Fiorentina, Keirrison, shënoi për t’i dhënë një pikë Violas.
Barazimi shkon në të keq të Lazios që pas fitores së Catanias ndaj Barit (4-0) tash bie edhe një pozitë më poshtë, në të 16-tën, një vend larg zonës së rrezikut. Madje Lazio rrezikon të zbresë edhe një pozitë tjetër nëse Livorno nesër shënon fitore ndaj Sienës.

[ReniX]

U be interesant kampionati italian, flm qe na mban te azhonruar.

[Kliton]

Shume interesant eshte bere vertet,te shohim si do te mbyllen ndeshjet sot,pasi tani Interi dhe Milani jane duke fituar ne pjeset e para.

[Kliton]

Një gol i shënuar në fund të ndeshjes nga pika e bardhë, ia ka mohuar Romës fitoren kundër Napolit, në takimin e zhvilluar në San Paolo.
Giallorossët krijuan avantazh të dyfishtë, me anë të Julio Baptistas nga pika e bardhë (59’) dhe Mirko Vucinic (65’), mirëpo nuk arritën ta ruajnë avantazhin deri në fund të ndeshjes.
Pesëmbëdhjetë minuta pa përfunduar koha e rregullt, German Gustavo Denis ngushtoi rezultatin në 2-1, ndërsa në minutën e fundit Marek Hamsik barazoi nga pika e bardhë.


Fitore e vështirë e Inter



Zikaltrit kanë arritur të arkëtojnë tre pikë të plota në ndeshjen e zhvilluar si mysafirë të Udineses, edhe pse gjysma e dytë e lojës u zhvillua kryesisht në fushën e tyre.

Vendasit krijuan epërsi të hershme me anë të Simone Pepe (2’), mirëpo shpejtë reagoi Mario Balotelli për të barazuar rezultatin (6’).

Pa përfunduar pjesa e parë, Interi shënoi edhe dy herë, me anë të Maicon (21’) dhe Diego Milito (45’), për të ngritur epërsinë në 3-1.

Gjysma e dytë e takimit i takoi kryesisht Udineses, mirëpo vendasit nuk patën fatin ta barazonin rezultatin, por arritën vetëm ta ngushtojnë atë, pas golit të Antonio Di Natales nga pika e bardhë (52’).


Fitore e radhës e Milan



Atalanta ishte viktima e radhës e Milanit. Në ndeshjen e zhvilluar të dielën në San Siro, Rossonerët kanë shënuar fitore me rezultat 3-1 përballë bergamasve.

Alexandre Pato krijoi epërsi të dyfishtë në pjesën e parë (30’ dhe 41’) dhe me këtë rezultat skuadrat shkuan në pushim.

Në pjesën e dytë (56’), mysafirët ngushtuan rezultatin në 2-1 me golin e shënuar nga Valdes.

Në minutën e 61-të u akordua penallti në favor të Milanit, ndërsa goditjen e Ronaldinhos e mbrojti portieri Consigli, por aty ishte Marco Borriello për të vendosur rezultatin përfundimtar, 3-1.

[Kliton]

Derbi i Serie A në mes të Romës dhe Milanit ka përfunduar pa fitues dhe pa asnjë gol të shënuar.

Pjesa e parë e ndeshjes ishte më e ekuilibruar me edhe gjallorosët dhe rosonerët që kishin rastet e tyre, ndërsa pjesa e dytë ishte më shumë në favor të mysafirëve nga Milani, por që nuk arritën t’i konkretizojnë.

Vendasit patën rastin të shënojnë në çastet e fundit të takimit, por goditja nga distanca e John Arne Riise u mbrojt nga portieri Christian Abbiati.

Me nga një pikë të fituar nga secili ekip, renditja në tabelë nuk do të ndryshojë. Milani do të qëndrojë në pozitën e dytë me 55 pikë, tre më shumë se Roma që ka 52 pikë.

Interi mund të jetë fituesi më i madh nga ky barazim, pasi ka mundësi të shtojë avantazhin ndaj dy ndjekësve në gjashtë respektivisht nëntë pikë, nëse nesër shënon fitore në takimin si vendas i Genoas.

[Kliton]

Juventus ka shënuar fitore me rezultat 2-1 ndaj Fiorentinas në Artemio Franki, për t’u ngjitur në pozitën e katërt të tabelës.

Biankonerët kaluan në epërsi me të filluar ndeshja me golin e mesfushorit brazilian Diego (2’), por vendasit barazuan pas gjysmë ore lojë kur Marco Marchionni shënoi me kokë në portën e Alex Manninger.

Pjesa e dytë solli raste për të dyja palët, por që shkoi në favor të mysafirëve që shënuan golin e radhës në minutën e 68-të me anë të mbrojtësit Fabio Grosso, gol që edhe i dha fitoren Juventusit.




Ndeshja pati edhe disa raste të diskutueshme, me edhe dy penalti të kërkuara nga vendasit, por të shikuara me sy tjetër nga arbitri i ndeshjes.

Fitorja ngre Juventusin në pozitën e katërt me 44 pikë, një më shumë se Palermo që nesër pret në fushë të vet Livornon.

[Kliton]

Sicilianët kanë shënuar fitore minimale prej 1-0 kundër Livornos, e cila mjaftoi për ta kthyer pozitën e katërt në tabelën e Serie A, me dy pikë më shumë se Juventusi që u zhvendos në pozitën e pestë.

Heroi i Palermos në këtë takim ishte Fabrizio Miccoli, i cili realizoi golin e vetëm në minutën e 81-të.

Fitore me rezultat identik prej 1-0, ka shënuar edhe Bari kundër Chievos, ndërsa me rezultat të barabartë kanë përfunduar takimet ndërmjet Sienas dhe Parmës (1-1), dhe Cagliarit dhe Catanias (2-2).

[ReniX]

Rezultatet e Serise A per te dielen e 11 Prille:

Siena 3 - 2 Bari
Juventus 1 - 0 Cagliari
Livorno 0 - 2 Udinese
Milan 2 - 2 Catania
Roma 2 - 1 Atalanta
Palermo 3 - 1 Chievo
Bologna 2 - 3 Lazio
Sampdoria 1 - 0 Genoa

Kryeson Roma 68 pike, vendi dyte eshte Inter 67 duke vazhduar me Milan 64 Pike.

Kush mendoni se e fiton kesaj radhe?

[Kliton]

Interi ka shënuar fitore me rezultat 2-0 kundër Juventusit në Derby d’Italia, që u zhvillua të premten mbrëma në Giuseppe Meazza.

Të dyja skuadrat kishin nevojë për pikë maksimale, duke qenë se zikaltrit janë në garë për titull, ndërsa bardhezinjtë luftojnë për pozitën e katërt që çon në Ligën e Kampionëve.
Juventusi e filloi më mirë takimin duke pasur iniciativën në minutat e para të ndeshjes, ndërkohë që Interi dalëngadalë baraspeshoi lojën.
Në minutën e 37-të, Momo Sissoko ia vështirësoi punët ekipit të tij, pasi që u përjashtua me kartonin e dytë të verdhë, ndërsa Zaccheroni ‘sakrifikoi’ Del Pieron për të inkuadruar Christian Poulsenin në mesfushë (41’).
Në pjesën e dytë, Juventusi arriti të mbahet me një lojtar më pak, përkundër dominimit të Interit në fushë. Vlen të përmendet një rast i mirë i Samuel Eto’o dhe dy raste të Diego Militos, të cilët nuk u treguan konkretë.
Qëndrimi i mysafirëve zgjati deri në minutën e 75-të, kur Douglas Maicon me një goditje të bukur mposhti portierin Buffon, për t’i dhënë avantazh kampionit në fuqi.
Dhjetë minuta pa përfunduar koha e rregullt e takimit, Mario Balotelli goditi transversalen pas një gjuajtje të lirë, ndërsa nga ana tjetër goditjen e Diegos e mbrojti portieri Cesar (88’).
Në minutat shtesë të takimit (90’+2), pas një kombinimi ndërmjet Militos e Balotellit, topi arriti te kamerunasi Eto’o, i cili shënoi për rezultatin përfundimtar prej 2-0.
Pas kësaj fitoreje, Interi rikthen kreun me dy pikë më shumë se Roma, që të dielën zhvillon derbin e kryeqytetit kundër Lazios.
Ndërkohë, nëse Palermo e Sampdoria shënojnë fitore në ndeshjet e tyre respektive, atëherë Zonja e Vjetër mund të përshëndetet me Ligën e Kampionëve, duke qenë se kanë mbetur edhe katër xhiro pa u zhvilluar, kurse Juve do të mbetej gjashtë pikë prapa pozitës së katërt

[ReniX]

Milan 3 - Juventus 0

Momentet me te bukura! dhe golat

[Berii]

edhe pse Milan kampion... Inter Mbetet Fuqija kryesore ne Itali