Lajme të çuditshme nga e gjithë bota

[EMAUS]

Nje dhi, nje grua

[attachment=0:1k12jqdk]dhia.jpg[/attachment:1k12jqdk]

Tani ju dua të qetë. Zgjidhja për moslindjet u gjend. Dhe ishte kaq e thjeshtë.Dhe kaq afër.

Bullgari Stoil Panaytov nga Plovdivi, shkëmbeu gruan në pazar me një dhi 8 vjeçe.

“ Një ditë më parë një shoku im më tha se , ishte i pa fat me gratë dhe i pëlqente mjaft e imja. Pyeta time shoqje dhe mora miratimin e saj”.
Nuk ke çfarë i thua, asgjë nuk ka bërë me kokën e tij.
Madje, për të përforcuar më tej faktet bindëse, ai shton se dhia kishte pjellë tre keca, kurse gruaja asnjë! Jo kec, fëmijë ma do mendja.

"Shkëmbimi qe me fitim për të zotin e dhisë, për faktin se ai mori grua nga dorë e parë kurse unë dhi nga dorë e dytë” shtoi zoti Panayotov.

[Kliton]

Lajmet më të çuditshme në botë


Mes tyre është gruaja që gabon autobusin dhe kthehet në shtëpi pas 5 vjetësh; një i verbër që gjobitet për shkak të shpejtësisë së madhe me të cilën ngiste makinën; ajo që jetoi me një laps në tru; apo burri indian që ka një familje rekord me 50 gra dhe 109 fëmijë. Barsoleta? Jo, aspak, janë lajme të vërteta që ndodhin anekënd botës, e që janë përzgjedhur me kujdes nga agjencitë e shtypit dhe përmbledhur në librin me titull Funny News. Lexojini, dhe po deshët mos i besoni. Janë të gjitha të vërteta!


Kandidatja premton 40 mijë raporte orale
Belgjike

Një kandidate për në Senat ka premtuar që në rast se do të zgjidhej, do të kryente rreth 40 mijë raporte orale me zgjedhësit. Për Tania Derveaux, e partisë "NEE" (Lëvizja e Protestave të Drejta) ky ishte një provokim për rivalët e saj që kishin premtuar 400 mijë vende të reja pune. Për të përfituar nga ky shërbim falas, zgjedhësit duhej të prenotonin në sajtin e kandidates që kishte deklaruar se 500 ditë i mjaftonin për ta mbajtur premtimin. Por, fatkeqësisht nuk arriti të zgjidhej.


Prej gjashtë vjetësh nuk ha ushqim,por gëzon shëndet të plotë
Londer Britani e Madhe

Nuk ha asnjë lloj ushqimi prej 6 vjetësh, por është në formë të shkëlqyer. 58-vjeçari Michael Werner pi vetëm kafe, lëngje frutash dhe ujë, që prej moshës 52 vjeç, dhe prapë gëzon shëndet të plotë. I diplomuar për kimi, burri tregon: "E bëj për dashurinë që kam për organizmin tim".


Gabon autobus,kthehet në shtëpi pas pesë vjetësh
Narathinwat, Tajlandë

Jaeyaena Beurraheng, një grua 76-vjeçare, flet vetëm gjuhën e saj. Në vitin 1982, kur po kthehej nga Malajzia, kishte hipur në një autobus, e bindur se do ta çonte në Narathinwat, provinca e origjinës së saj në jug të Tajlandës, ku flitet gjuha malajzeze, por çuditërisht e gjeti veten në veri të Bangkokut. Me një tjetër autobus mbërriti në Chinag Mai, 900 km në veri të kryeqytetit. Atje jetoi pesë vjet si endacake dhe në vitin 1987 u çua në një qendër pritjeje. Kur tregoi historinë e saj, e kthyen në shtëpi.


Lapsi në kokë, u hoq pas 55 vjetësh
Berlin, Gjermani

Për 55 vjet me radhë ka vuajtur nga dhimbja e kokës dhe gjakderdhja nga hunda, të shkaktuara nga një laps që i ishte futur në kokë gjatë një rënie në moshë të vogël. Gruaja, Margaret Wegner, tani është shumë mirë: me anë të një operacioni i hoqën lapsin rreth 8 centimetra të gjatë.


Njeriu-llogaritar, më i shpejtë se kompjuteri
Londër, Britani e Madhe

Një francez 27-vjeçar, Alexis Lemarie, ka qenë më i shpejtë se kompjuteri në llogaritjen e rrënjës së një numri me 200 shifra. Alexis-it iu deshën 70.21 sekonda për ta llogaritur, ndërsa kompjuterit pak më shumë.



I verbri gjobitet për shpejtësi të madhe
Barcelonë, Spanjë

Pasi ecte me një shpejtësi 154 kilometra/orë, një burrë ka përfunduar në dyert e policisë. Domingo Merino, i verbër që nga viti 1996, për shkak të një aksidenti rrugor, u justifikua përpara gjykatësve se ishte përfshirë nga nostalgjia për të drejtuar makinën, kështu që i kërkoi gruas ta linte të ngiste makinën në një rrugë të drejtë, të cilën ai e kujtonte mirë. Në vendin e pasagjerit gruaja e udhëzonte me zë të lartë se nga ta drejtonte timonin.


Kufomë në shtëpi? Jo, mbajnë erë këmbët
Kaiserslautern, Gjermani

Erë e keqe, dritare të mbyllura prej ditësh, posta plot me letra dhe asnjë shenjë jete. Banorët e një pallati në Kaiserslauten, që kishin frikë se mos fqinji tyre kishte ndërruar jetë, vendosën të lajmëronin policinë. Por, agjentët e policisë u habitën nga ajo që panë: i zoti i shtëpisë flinte për qejf, ndërsa era e keqe vinte nga çorapet dhe të brendshmet e palara të grumbulluara në shtëpi.



Në autostradë, mbi barelë
Aron, Spanjë

Policët arritën ta ndalonin vetëm pasi kishte përshkruar tre kilometra. Antoni, 42 vjeç, i paralizuar në 95 për qind të trupit, po udhëtonte mbi një barelë me rrota dhe motor, të cilën e kontrollonte me gojë. Burri, që jetonte në një qendër rehabilitimi, kishte dalë si zakonisht për të bërë një shëtitje, por kësaj radhe kishte gabuar drejtim

[Erlindi]

cfare nuk mban kjo bote lloj lloj njerezish

[Kliton]

Fëmija rastësisht e denoncon babanë

Një fëmijë 11 muajsh, i cili po luante me telefonin celular, rastësisht e ka thirrur policinë, por kjo ka rezultuar me arrestimin e babait të tij i cili po kultivonte marijuanë në shtëpi, ka njoftuar policia kanadeze.

Xhandarmëria mbretërore kanadeze ka dërguar një patrullë kur ka pranuar një thirrje në numrin e saj 911, derisa lidhje ishte këputur pa ndonjë fjalë të thënë.

Policët menjëherë janë nisur për në adresën e një paralagjeje të Vancouverit prej nga kishte ardhur thirrja, ka thënë për France Press përfaqësuesja e policisë.

"Babai ka qenë shumë i habitur kur na pa dhe tha se askush nuk e ka thirrur policinë", ka pohuar ajo.

Policët më pas kanë parë fëmijën se si po luante me telefonin celular duke shtypur tastet e tij.

Me një kontroll rutinor të banesës, megjithatë, janë zbuluar 500 bimë të marihuanës, që ka sjellë deri tek arrestimi i babait 29-vjeçar.


Papagalli shkakton kaos në ndeshjen e futbollit


Papagalli, Me-Tu ishte duke shoqëruar pronaren e tij Irene Kerrigan në një ndeshje në mes dy klubeve angleze të futbollit - Hertfordshire Rangers dhe Hatfield Town.

Arbitri 45-vjeçar i ndeshjes Gary Bailey, ka thënë për gazetën Daily Mirror: "Nuk kam parë ndonjëherë gjëra si kjo.

Kjo grua po qëndronte pranë vijës anësore dhe papritmas e nxori këtë papagall të madh të gjelbër”.

"Çdo herë që unë fishkëlleja zogu e lëshonte po të njëjtin zë. Të gjithë lojtarët ndaleshin dhe u desh që unë t’i lutem përgjegjësit të largojnë papagallin", ka shtuar ai.

"Nuk më ka ndodhë asnjëherë më parë që të largoj nga fusha një papagall", ka përfunduar arbitri.

Përveç fishkëllimës së tij, Me-Tu gjithashtu thërriste “bukuroshë” lojtarët nga kafazi i tij në vijën anësore.

"Ai e adhuron futbollin dhe do ta sjell sërish në ndeshjet tjera", ka thënë pronarja.



Fiton me 99 euro, një vilë prej 400 metrash katrorë


Ndonjëherë edhe dentisti të sjell fat. Në fakt ,kësaj radhe një 50 vjecar austriak ka mbetur vërtet me gojë hapur gjatë një vizite tek dentisti i tij, kur ka marrë lajmin se ka fituar një vilë prej 400 metrash katrorë, përmes një llotarie private, në të cilën kishte marrë pjesë duke blerë një biletë.

Me një biletë të thjeshtë që kushtonte 99 euro, Walter Egger ka bërë të tijën një vilë të mrekullueshme në brigjet e lumit Woerthersee.

Ka qenë një ditë me fat edhe për ish-pronarin e vilës, Traude Daniel, i cili pati idenë për të organizuar një llotari private me qëllim shitjen e shtëpisë së tij, për shkak se nuk kishte mundur ta shiste atë normalisht me çmimin e dëshiruar.

Ndërkohë ai ka fituar përmes llotarisë, 989.901 euro, përvec disa taksave, duke shitur përmes internetit 9.999 bileta për llotarinë, me 99 euro secilën.

Llotaritë për shitjen e shtëpive po bëhen të modës në Austri, edhe në kohën kur kriza ekonomike ka trokitur. Rruga e ndjekur është plotësisht brenda ligjeve të shtetit Austriak.



86 zhytes britanike hekurosin nen uje


Te hekurosesh nen uje tashme nuk eshte e paarritshme, por zhytesit e apasionuar u vune ne gare per te thyer rekordet e njeri-tjetrit.

Pas 78 zhytesash australiane, tashme jane 86 zhytes britanike qe hekurosen 20 metra nen uje per 10 minuta te gjithe se bashku.

Hekurosja nen uje eshte kthyer ne nje sport ekstrem dhe forme argetimi ne shume vende.

Britaniket arriten te thyenin rekordin e ri.

Per here te pare nje kampionat i tille u zhvillua ne vitin 2002 ne Berlin dhe tani ai eshte kthyer ne nje sport te perhapur ne shume kontinente, nga Afrika, Europa e deri ne Zelanden e Re.



Rri i qete, qe te mos cmendesh ne pleqeri!


Nese ruan qetesine, je me pak i rrezikuar te cmendesh ne pleqeri. Kerkimet e kryera nga revista “Neurology” kane marre ne pyetje 500 te moshuar dhe i kane pyetur per personalitetet e tyre.

Personat e qete ishin 50 perqind me pak te rrezikuar te cmendeshin. Specialistet britanike kane theksuar gjithashtu rendesine qe kane aktivitetet sociale gjate jetes. Personat qe stresohen shpejt ishin te paqendrueshem emocionalisht, negative dhe nervoze.

Ndryshime kishte edhe mes grupeve qe benin jete aktive, por ishin te stresuar dhe te qete. Keshtu, te kesh nje kalendar social je me i mbrojtur.

Stresi i vazhdueshem con ne demtimin e disa pjeseve te trurit, qe sjellin cmendurine. Keshtu, kombinimi i qetesise me aktivitetin social te mbron nga rreziku.

24 milione njerez ne bote kane probleme me humbjen e kujteses, orientimin dhe shfaqin simptoma te semundjes se Alzhajmerit.



Gjeniu i kompjuterit, 8-vjeçari nga Maqedonia


Ka mjaftuar kjo që ai të bëhej i famshëm në vendin e tij, duke u pritur edhe nga kryeministri në një takim të posaçëm, ndërkohë që shtypi lokal e ka pagëzuar me emrin "Mozarti i kompjuterit".

Që i vogël, Marko ka treguar aftësi jahstë të zakonshmes; në moshën 2-vjeçare dinte të lexonte e të shkruante, ndërkohë që katër vjeç dinte të fliste anglisht.

Prindërit e 8 vjeçarit drejtojnë një shkollë informatike dhe shpesh thërrasin djalin e tyre për të riparuar problemet me kompjuterat.

"Fëmijët në moshën e tij dinë ta përdorin kompjuterin, ndoshta më mirë nga sa mund ta imagjinojmë ne, por Marko është fëmijë me shumë dhunti"- ka treguar e ëma.

Sipas saj, ndryshe nga bashkëmoshatarët, Markos nuk i pëlqejnë videolojërat, por preferon matematikën dhe astronominë.

Për të informatika është si një lojë e thjeshtë fëmijësh, tregojnë për gjeniun e vogël. Ai i ka që tani idetë e qarta se çfarë do të bëjë në të ardhmen, që sigurisht kanë lidhje me këtë teknologji.

Marko i ka rrëmbyer rekordin një tjetër fëmije, një vajze indiane, e cila dhjetorin e shkuar kaloi testin "Microsoft Certified Professional".

Edhe indiania e vogël, që në moshën 3-vjeçare recitonte përmendësh 1300 strofa të poemes epike të Tamilit, e shkruar 2 mijë vjet më parë.



Formon kubin sipas ngjyrave pas 26 vjetesh



Për 26 vite është izoluar me mundim të madh të formonte kubin sipas ngjyrave. 'Lojë' që i kishte zaptuar krejt jetën; nuk dilte nga shtëpia për të gjetur zgjidhjen, nuk flinte gjatë natës duke menduar për një mundësi, ndërkohë që duart dhe shpina i dhembnin nga sforcimi i tepërt.

Tani Graham Parker, një murator britanik 45-vjeçar më së fundi ia ka dalë në krye. Arriti të formonte kubin që e kishte marrë që në vitin 1983.

"Lehtësimi që provoj është i papërshkrueshëm. Më kishte bërë gati të çmendesha dhe kontrollonte jetën time.

Kam humbur ceremoni dhe ngjarje shumë të rëndësishme pasi kam ndenjur në shtëpi, madje edhe zgjuar gjatë natës duke menduar... Kur kutia e fundit arriti të shkonte në vendin e vet dhe secila anë kishte të njëjtën ngjyrë, fillova të qaja"- ka treguar për "Sun" burri që ka kaluar 27 400 orë në tentativë për të zgjidhur enigmën e kubit.

Shoqata botërore e kubit Rubik ka konfirmuar se vepra e Parker ishte me shumë probabilitet një rekord. Ai që mundi të formojë me shumë shpejtësi kubin ka qenë holandezi Erik Akkersdijk, që e ka rikompozuar në 7, 08 sekonda.



Gruaja Monster


Chicago - Nje grua 90 vjecare jetonte ne shtepine e saj me trupat e vdekur te motrave dhe vellait te saj, nje prej te cileve mendohet te kete vdekur qe ne vitin 1980. Ata mendohet te kene vdekur nga shkaqe natyrale, po 90 vjecarja i ka mbajtur sekret vdekjet e tyre duke mos i thene te verteten komshinjve, te cilet thone per te se ajo dukej nje grua e mire dhe normale.

[Kliton]

Tajvan: Një restorant në tokë, me imazh të aeroplanit



Mendoni të hipni në një aeroplan pa kontrollet e sigurisë, turbulencat e mundshme në ajër dhe më e rëndësishmja– me zgjedhje më të mëdha ushqimi përveç sandviçëve me mish pule.
Një kuzhinier nga Tajvani prej katër muajsh ofron një shërbim të tillë vizitorëve në restorantin e tij “A 380 – kuzhina fluturuese” e cila gjendet në Tajpej. Kështu që, në vend të karrigeve të restorantit, mysafirët ulen në karrige të buta e të kaltra të avionit me jastëkë të bardhë e deri në dritare ovale. Nga gjithsej 84 vende, 20 janë të klasit biznes dhe janë vetëm me rezervime.

“Ky restorant duket si një avion i vërtetë, është shumë interesante këtu”, thotë Ven Ju, kliente.

“Vijmë shpesh këtu. Vajza ime do të udhëtojë me avion, por nuk kemi mundësi për një gjë të tillë, kështu që vizita e restorantit i jep mundësi që të shijon një gjë të ngjashme”, shtoi Vu Shu Hua, klient.
Kamarieret janë të veshura si stjuardesa, kurse ushqimin e shërbejnë si në aeroplan, në pjata plastike. Dekori i “A 380” pronarëve i ka kushtuar më shumë se 200 mijë dollarë, por paratë e investimit janë nxjerrë pasi në të shumtën e rasteve restoranti avion është plot me klientë.



Tetënjakë lindin në Kaliforni

Amerikania nga Kalifornia ka lindur të hënën tetënjakë, për të cilët besohet se janë vetëm të dytët me radhë të cilët kanë lindur në Shtetet e Bashkuara të Amerikës, kanë njoftuar agjencitë botërore të lajmeve.
Gjashtë djemtë dhe dy vajzat janë në gjendje stabile, nën përkujdesje intensive në njësinë neonatale, ka njoftuar doktoresha Karen Maples nga qendra mjekësore Kaiser Permanente, në paralagjen e Los Angelesit - Bellflauer. Dy foshnje, për shkak të vështirësive me frymëmarrje, janë kyçur në aparate, ka shtuar ajo.

Tetënjakët kanë lindur nëntë javë para kohe, me prerje cezariane, me dallim kohor prej pesë minutash, nën asistencën e ekipit mjekësor prej 46 anëtarësh.

Të porsalindurit kanë qenë në mes peshave 680 e 1.470 gramë, derisa mjekët, ashtu si kanë ardhur në jetë, i kanë shënuar me shkronja të alfabetit duke filluar nga A.

Identiteti i nënës nuk është bërë i njohur, mirëpo është thënë se shtatzënia e saj ka qenë e natyrshme dhe se ajo nuk ka përdorë ilaçe steriliteti.

[Kliton]

Gjen prezervativ ne pije, demshperblehet




Nje shtetas indian eshte demshperblyer me 450 euro, pasi disa vite me pare kishte gjetur prezervativ ne nje pije. Kompania Pepsi Co ia pagoi parate indianit, qe ne 2003 kishte konsumuar pijen dhe me pas ishte ndier keq.
Sudesh Sharma kishte treguar se e kishte blere Pepsin ne nje dyqan prane nje stacioni autobusesh dhe pas konsumit ishte derguar ne spital. Pasi kishte vezhguar me kujdes shishen, kishte vene re se ne fund te saj gjendeshin mbetje te cuditshme dhe shoku erdhi kur pa prezervativin. Ai vendosi t’i drejtohet gjykates se Konsumatoreve, qe ka pak kohe qe eshte ngritur ne Indi. Duke qene se ishte e pamundur te vertetohej se ai i kishte blere shishet ne dyqan, gjykata e denoi Pepsin vetem me 450 euro. Nuk eshte hera e pare qe kompani te tilla ndodhen perballe akuzave. Dy vjet me pare qeveria indiane ndaloi prodhimin e pijeve te dy prej tyre, sepse permbanin nivel te larte pesticidesh, pasi perdornin uje te ndotur.

[Kliton]

Ndihmë, vajza qesh pa pushim prej 12 vitesh




Një çift kinez kërkon me dëshpërim një kurë për vajzën 12- vjeçare, që qesh pa pushim që kur ka lindur. Nëna, Yang Longying, nga Chongqing, thotë se gjithçka nisi kur fëmija i dytë, Xu Pinghui, zuri ethet kur ishte 8-muajshe.
"Që nga ajo ditë ajo qesh pa e kontrolluar veten", thotë për "Chongqing Evening Post". Familja thotë se situata u përkeqësua kur mbushi dy vjeç, sepse humbi aftësinë për të folur ngaqë vetëm qesh. Babai i vajzës, një punëtor ndërtimi, ka shpenzuar gjithçka për një kurë, por pa rezultat. "Kur e shoh që qesh ndjej edhe më shumë trishtim se kur qan", thotë ai

[Kliton]

Në rrjedhën e çuditshme të ngjarjeve e cila ka ngjarë si në skenarin e filmit “Zona e Mugëtirës” policia në qytetin indian Khajekalan gabimisht e ka shpallur mashkullin me gjysmë vetëdije të vdekur dhe e ka dërguar në autopsi.

Abdul Raza, vozitës i një shërbimi shtetëror, është gjetur në gjendje me gjysmë vetëdije, por para se t’i bëjnë kontroll të duhur të funksioneve vitale e kanë shpallur të vdekur, shkruajnë mediat aziatike.

“Policia ka njoftuar familjen se Raza kishte vdekur dhe se mund të vinin për të marrë trupin e tij në spitalin lokal. Familja ka qenë e shokuar me lajmin, por kemi shkuar atje. Mirëpo kur kemi arritur një polic na ka thënë se Abdul në fakt është gjallë dhe se është transferuar në njësinë e ndihmës së parë”, ka thënë kushëriri Hameed Intiaz.

Policia indiane nuk dëshiron të pranojë gabimin, por supozon se deri tek ngatërrimi ka ardhur gjatë shkëmbimit të informatave. Për çdo rast më mirë është se i kanë harmonizuar informacionet mirë derisa ishin në dhomën për autopsi.



Burimi:CdoDite.com

[Kliton]

Një i ri nga Spanja, i cili ka vendosur të heq dorë nga fejesa vetëm tri javë para martesës së caktuar, do të duhet që ish të fejuarës t’i paguajë dëmshpërblimin prej 15.000 eurosh.

Çifti është dashur të kurorëzohet në kishën e qytetit Mursia, por 20 ditë para se të shkoj para altarit Josefi i ka thënë të dashurës se megjithatë nuk është i gatshëm për martesë dhe se dëshiron të shkëpusë lidhjen e tyre.

Ajo ka vendosur ta padis dhe të kërkojë dëmshpërblim, duke pohuar se për përgatitjen e dasmës dhe mobilimin e banesës në të cilën është dashur të banojnë kishte shpenzuar gati 20.000 euro.

Gjykatësi ka vendosur që kërkesa e saj është e arsyeshme dhe ka gjykuar se Josefi duhet t’i paguajë asaj 15.000 euro, sepse pa arsyetim e ka lënë të fejuarën e tij.

"Josefi e ka lënë të dashurën pa ndonjë sqarim. I ka premtuar asaj jetë të përbashkët, e është kujtuar për ndarje vetëm atëherë kur përgatitjet për dasmën kanë qenë të kryera. Mu për këtë përcaktoj se ai duhet t’i paguaj asaj 15.000 dëmshpërblim”, ka njoftuar gjykatësi.


Burimi:CdoDite.com

[Insomnia]

Ndihmë, vajza qesh pa pushim prej 12 vitesh




Një çift kinez kërkon me dëshpërim një kurë për vajzën 12- vjeçare, që qesh pa pushim që kur ka lindur. Nëna, Yang Longying, nga Chongqing, thotë se gjithçka nisi kur fëmija i dytë, Xu Pinghui, zuri ethet kur ishte 8-muajshe.
"Që nga ajo ditë ajo qesh pa e kontrolluar veten", thotë për "Chongqing Evening Post". Familja thotë se situata u përkeqësua kur mbushi dy vjeç, sepse humbi aftësinë për të folur ngaqë vetëm qesh. Babai i vajzës, një punëtor ndërtimi, ka shpenzuar gjithçka për një kurë, por pa rezultat. "Kur e shoh që qesh ndjej edhe më shumë trishtim se kur qan", thotë ai

Epo......... Lumsi kjo qe qesh: patjeter qe te pakten 200 vjet mund te jetoje, nese nuk e kap nje infrakt perpara!

[Kliton]

Diskriminohej për gjatësinë

Një grua pakistaneze e gjatë 2 metër e 20cm ka fituar azil politik në Britani, sepse diskriminohej në vendin e saj të lindjes për shkak të gjatësisë. Gruaja, me emrin Zainab Bibi, deri në vitin 2004 ka mbajtur rekordin e gruas më të gjatë në botë.

Bibi, 35-vjeç, në kohën që bëri kërkesën për azil politik, deklaroi se kishte frikë të kthehej në Pakistan, sepse të rinjtë e kishin gjuajtur shumë herë me gurë. Ajo ka qenë në qendër të diskriminimit për shkak të gjatësisë dhe si ka treguar edhe vetë, shumë herë i tërhiqnin shaminë, ose teshat dhe për këtë ka pësuar edhe dëmtime fizike, pasi ka rënë disa herë.

Kërkesën e bëri pak kohë pasi erdhi për herë të parë në Britani, gjatë një turi promocional, ku mes të tjerash ishte edhe ajo e pranishme. Funksionarët, pas kësaj kërkese jo fort të zakontë u detyruantë bënin një sërë investigimesh për të vërtetuar atë që thoshte gruaja dhe kështu morën të dhënë nga vendi i saj i lindjes, duke takuar miq, familjarë e të afërm.

Mamaja e saj, tashmë një grua e ve, 72-vjeç, Iqbal Bibi, puth foton e së bijës teksa flet. “Ajo është e sigurt dhe nëse është edhe e lumtur, pasi në Britani njerëzit me të janë shumë të sjellshëm, atëherë lumturia e saj është padyshim edhe e jona”- thotë ajo.




Patate rekord në Liban, peshon 11.3 kilogram


Fermeri, Khalil Semhat nuk u ka besuar syve kur ka nxjerrë nga toka pataten gjigande. Nuk dihet ende nëse mund të cilësohet një rekord zyrtar, por në Liban është ‘zbuluar’ një patate që peshon 11.3 kg.

Fermeri, Khalil Semhat nuk u ka besuar syve kur ka nxjerrë nga toka pataten gjigande, që ndonëse merrej vite të tëra me bujqësi, një prodhim të tillë nuk ia kishin zënë sytë më parë.

Tani shpreson që së paku të futet në librin e rekordeve Guinness. Lajmi është bërë i ditur nga BBC dhe më pas është shpërndarë gjithandej, ndërkohë që fotoja ka shëtitur nëpër ëebsite të ndryshme.

"Nuk kam përdorur ndonjë preparat kimik që mund të shkaktonte një gjë të tillë”- ka thënë ai për AFP-në. Ai ka treguar se ka punuar tokën që në kohën që ka qenë vetëm një çunak dhe kjo është hera e parë që shikon një patate të tillë.

Ekspertët e thirrur nga “Scientific American Kermode” thonë që nuk ka asgjë kaq shumë të hatashme. Por, ata që e kanë parë, e pranojnë se një patate kaq e madhe nuk është parë në arat e tyre.



U tha nxënësve se Babagjyshi nuk ekziston, pushohet mësuesja

Gjatë një diskutimi me fëmijët, ajo u ka thënë atyre se dhuratat që i gjejnë poshtë pemës nuk janë sjellë nga babagjyshi, pasi ky personazh nuk ekziston.

Babagjyshi i Vitit të Ri, ai burri me pak bark dhe me mjekër të bardhë që shpërndan dhurat, mbi slitën që e tërheqin drerët eksiston. Dhe mjerë kush e vë në dyshim. Të mohosh ekzistencën e tij, në fakt në disa vende europiane mund të të kushtojë shtrenjtë, aq sa mund të humbasësh edhe vendin e punës. Kjo i ka ndodhur një mësueseje në një shkollë fillore angleze.

Gjatë një diskutimi me fëmijët, ajo u ka thënë atyre se dhuratat që i gjejnë poshtë pemës nuk janë sjellë nga babagjyshi, pasi ky personazh nuk ekziston. Nxënësit, të tronditur nga deklarata ua kanë thënë këtë prindërve të tyre. pas kësaj, kanë qenë prindërit që janë ankuar tek drejtoresha e shkollës.

Mësuesja u thirr me urgjencë në drejtori dhe më pas iu komunikua vendimi për pushim nga puna. Ndërkohë që puna me fëmijët u zgjidh shpejt e shpejt. Një mësues tjetër u tha atyre që mësuesja e parë ishte gabuar, kurseprindërve iu shkrua një letër ndjese, firmmosur nga vetë drejtoresha e shkollës. Vetëm kështu, shumë fëmijë nisën të shkruanin letra e tyre me kërkesa drejtuar plakut të Vitit të Ri.


Indiania 70-vjeçare sjell në jetë në vajzë


Gruaja indiane është mamaja më e moshuar e botës. Para saj, rekordin e mbante spanjollja 67-vjeçare.

Është indiane, quhet Rajo Devi dhe numëron plot 70 vjet jetë. Asgjë e pazakontë deri këtu. Interesantja vjen më pas. Gruaja indiane është mamaja më e moshuar e botës. Në datën 28 nëntor ajo ka sjellë në jetë një vajzë, pas një trajtimi të zgjatur për farëzimin artificial. Ndërhyrja u bë në një qendër fertiliteti në Hisar të shtetit të Haryanas, në veri të Indisë. Lajmin e njofton ëebsiti online i “Daily Telegraph”.

Pasi u trajtua nga mjekët specialistë, embrioni iu vendos gruas indiane, Rajo Devi në datën 19 prill. “Dëshironim shumë një fëmijë. Kishte vite që e ëndërronim dhe jemi shumë të lumtur që tani e kemi në duar”- kanë thënë prindërit e ‘rinj’. Ata kanë treguar se familja e tyre është e madhe dhe vjen nga zonat rurale të Haryanas.

Të emocionuar jashtë mase ata premtojnë se edhe pse janë të shkuar në moshë, për të sapolindurën dp të vazhdojë të kujdeset pjesa tjetër e familjes, e cila e ka pritur gjithashtu me gëzim lindjen e së voglës. Pak kohë para kësaj lindjeje, në vendin e parë për gruan më të moshuar që solli në jetë një bebe e mbante spanjollja 67-vjeçare, e cila nxori në dritë dy binjakë në vitin 2006.

[Kliton]

Një shitës i moshuar i qumështit është paditur këto ditë për shitjen e marihuanës së bashku me shishet e qumështit për myshterinjtë të cilat kanë pasur kërkesa të veçanta.

Robert Holding, 72 vjeçar, në qytetin veriperëndimor anglez Burnely, pos qumështit, çdo ditë myshterinjve të vet u ka shitur edhe sasi të caktuara të marihuanës.

Gjykatësja Sarah Statham të premten në gjykatë ka thënë se Holding u ka ofruar marihuanën njerëzve të moshuar si ilaç për dhimbje dhe telashe tjera. Myshterinjtë potencial ia kishin lënë atij porosinë para derës, njofton Yahoo.

Holding ka pranuar fajin dhe është dënuar me 36 muaj dënim me kusht.

[Kliton]

Një amerikan nga Spring Creek, i cili u gjobit me 62 dollarë për tejkalim shpejtësie, nuk do ta paguajë gjobën, për arsye se u justifikua në gjykatë se tabela ishte shumë e vogël. James Killian, një inxhinier civil në Departamentin e Transportit në Nevada, argumentoi se gjoba që mori në prill se udhëtonte me 39 milje në orë në një zonë ku limiti i shpejtësisë ishte 25 milje në orë, ishte e padrejtë, sepse tabela që shënonte limitin e shpejtësisë nuk dukej mirë. Ajo nuk përputhej me kodin e trafikut të vendosur në vitin 2003.

Nuk me pushon dot nga puna, jam i dehur

Të gjithë në Peru! Gjykata kushtetuese e këtij shteti të Amerikës Jugore ua ndalon punëdhënësve të pushojnë punëtorët e tyre nga puna për shkak të dehjes në vendin e punës. “Në vendimin pa precedent në histori”, ka reaguar qeveria duke tërhequr vëmendjen për pasojat e mundshme me rrezik. Shkak për këtë është bërë Pablo Cayo, i cili punonte në drejtorinë komunale të qytetit Chorrillos dhe është përjashtuar nga puna sepse është kapur i dehur në vendin e punës. Gjykata kushtetuese ka vlerësuar se largimi nga puna ka qenë i padrejtë, pasi i dehuri Pablo nuk i ka bërë askujt dëm me pak alkool në gjak.


Banka i hedh para gabimisht, blejne shtepi dhe lene punen

Një çift nga Bloomsburg, Pensilvania, përfundoi në burg kur policia zbuloi se kishin përfituar 175 mijë dollarë që banka hodhi gabimisht në llogarinë e tyre. Autoritetet thonë se 50-vjeçari Randy Pratt dhe 36-vjeçarja Melissa Pratt, në vend që të raportonin në bankë shumën e parave, i tërhoqën ato, lanë punën dhe lëvizën nga Pensilvania në Florida. Ata po kërkonin të blinin një shtëpi në Orlando, kur gabimi u diktua. Që të dy u akuzua për grabitje të sajuar dhe akuza të tjera, por dolën kur paguan 100 mijë dollarë garanci. Ata kishin hedhur në llogari 1772,50 dollarë, por gabimisht arkëtarja kishte regjistruar 177 250 dollarë.


Gjykatesja e dehur pezullohet se puth avokatin ne gjykate

Një gjykatëse e dehur duhej të shoqërohej jashtë sallës, pasi puthi avokatin mbrojtës, bërtiti dhe ofendoi avokatin paditës. Gjykatësja Esther Cunningham shkaktoi rrëmuja gjatë seancës. Ajo përplaste duart në tavolinë dhe përgjigjej duke bërtitur. Të gjithë e kuptuan se ishte e dehur, dhe më vonë pranoi se kishte pirë ca gota më shumë me brandi. Ajo pranoi haptas se donte të godiste avokatin paditës. Cunningham, 54-vjeçare, është ndaluar të praktikojë profesionin për gjashtë muaj dhe është gjobitur me 6200 paund, por nuk e pranoi se ishte dehur. Sipas saj fajin e kishte çamçakëzi që mbante erë alkooli.



Te burgosurit furnizohen me droge nga helikopteri me telekomande

Rojet në një burg britanik janë të hutuar për shkak se panë një helikopter me telekomandim të fluturojë mbi pistën ku të dënuarit ajrosen dhe nuk mundën të bëjnë asgjë. Rojet thonë se helikopteri, që mbante një pak to vogël që besohet të ketë qenë drogë, është dalluar nga kamerat vëzhguese në burgun “Elmley”, në Sheerness, Angli. “Përdorimi i minihelikopterit për të futur drogë brenda burgjeve nuk ka precedentë”, thotë kryegardiani. “Kur vëzhguesit e kamerave e vunë re gati ranë nga karrigia”, shton ai. Megjithatë, nuk mundën të gjenin gjurmë të lodrës dhe as të ngarkesës.



I bie infarkt se doktori nuk ia thote diagnozen me takt

Një grua nga Beaumont pretendon se doktor Howard Wilcox u tregua kaq i ashpër me të, sa ajo pësoi infarkt në zyrën e tij. Sipas padisë, Amy Michelle Modica shkoi në zyrën e doktorit disa javë më parë për t’u ankuar nga probleme qarkullimi. “Kisha probleme me kyçet kur flija dhe nuk ndihesha mirë”, thotë ajo në padi. “Kur tentova t’ia shpjegoja simptomat doktorit, ai më tha se mund të pësoja infarkt. Në ato momente më ra infarkti”, thotë ajo. Ajo pretendon se gjithçka mund të ishte shmangur nëse doktori do të sillej si profesionist dhe nuk do t’ia komunikonte lajmin ashtu.



Policet arrestojne njeri-tjetrin, hajdutet largohen

Skuadrat e policisë së Berlinit arrestuan njëri-tjetrin, ndërsa hajdutët u larguan me paratë. Dy hajdutë kërcënuan një punonjës femër me një thikë në banakun e pijeve alkoolike, në qytetin Charlottenburg, distrikti Wilmersdorf. Kur gruaja hapi arkën dhe u dha 5 mijë paund, alarmi i heshtur i dyqanit u aktivizua. Polica me veshje civilësh mbërriti në dyqan disa minuta më vonë, por përfundoi në arrest kur uniformat erdhën disa sekonda pas tyre. Hajdutët u larguan dhe policia u ka kërkuar falje me shkrim skuadrës tjetër. Manaxheri thotë: “Kur policët civilë tentuan t’ia shpjegojnë, ata i thanë të heshtin”.


Pas divorcit burri i kerkon gruas veshken qe i kishte dhene

Një doktor nga Nju Jorku kërkon nga gruaja që e braktisi, t’i japë veshkën që i dhuroi kur ishin të martuar. Doktori i përfshirë në një divorc të ngatërruar, ka punësuar avokatët më të mirë. Richard Batista, i diplomuar në Cornwell, është doktor zemre në Long Island, baba i tre fëmijëve që është martuar me një infermiere. Kur gruaja, Dawnell duhet të operohej në vitin 2001, Batista nuk hezitoi t’i dhurojë një veshkë. “Ishte gruaja ime. E kisha për detyrë ta shpëtoja”, thotë ai. Kjo histori sakrifice ka marrë një tjetër kthesë kur ata u divorcuan. Tani ai kërkon t’i rikthehet veshka ose 1.5 milionë dollarë.

Burimi: Tirana Observer

[Kliton]

Një ishull i vogël në formë të zemrës në detin Adriatik është bërë një hit i pushimeve për Shën Valentin, pasi që është zbuluar në Google Earth.

As vet pronari i ishullit të pabanuar nuk e dinte se sa bukur ishte i formësuar si zemër ishulli në bregdetin kroat, derisa nuk është vërshuar nga kërkesat prej të dashuruarve për të qëndruar aty.

"Ka qenë e pabesueshme. Ne mendojmë se është ishulli më i përsosur në formë të zemrës në botë", ka thënë Vlado Juresko familja e të cilit ka pronë 108.696 metrave katrorë të ishullit Galesnjak, i cili ka filluar të thirret me të madhe si “Ishulli i Dashnorëve.

"Askush nuk jeton këtu, prandaj nëse të dashuruarit me të vërtetë dëshirojnë të kalojnë vetëm për vete ai është ishulli më i përsosur i braktisur”, ka shtuar ai.

"Ne gjithmonë kemi menduar se duket si zemër, por qëkur është parë në Google Earth çdokush e ka parë dhe e mbarë bota duket se po ka dëshirë të qëndroj këtu", ka përfunduar pronari me fat.


Burimi:CdoDite.com

[ReniX]

Nga me te çuditeshmet u degjoka ketu teper interesante.

[Kliton]

Grabit peshkaqenin nga akuariumi, e fsheh nen xhakete

Policia në kontenë Nasasu, Nju Jork, thotë se ka arrestuar një person që grabiti një peshkaqen nga akuariumi i peshqve, dhe e fshehu atë nën xhaketë. Hetuesit thonë se Elbert Starks, 30-vjeçar, hyri në dyqanin e kafshëve në Lynbrook, dhe mori peshkaqenin 350 dollarësh nga akuariumi me duar. Ai u largua nga dyqani me peshkaqenin e fshehur nën xhaketë. Starks gjithashtu akuzohet për grabitjen e një karte krediti në janar dhe me të para ka blerë një ngjalë 300 dollarëshe disa orë më vonë. I apasionuari ndaj kafshëve të ujit që nuk ka frikë t’i prekë me duar, rrezikon të dënohet me 3 vjet burg.


Plumbi ben rikoshet ne celular dhe e shpeton nga vdekja

Një person nga Louisiana thotë se shpëtoi shëndoshë e mirë nga goditja e një plumbi të rastësishëm, pasi telefoni celular që mbante në xhepin e kraharorit i priti plumbin. Ronald Richard thotë se po kosiste barin kur ndjeu diçka të fortë t’i prekte gjoksin. Richard fillimisht mendoi se ishte goditur nga ndonjë gur që doli nga kositësja, por kur hoqi kapakun e celularit “Motorola Razr” nga xhepi një plumb i kalibrit 45 ra në tokë. “Nuk besoj se është koincidencë”, thotë Richard, i cili shpëtoi me një gërvishtje. “Një zë i brendshëm më tha ta vija celularin në xhep dhe jam shumë falënderues”, thotë ai.


Thyen vezen per mengjes, i del pula me kater kembe
Një kinez theu një vezë që ta gatuante për mëngjes dhe brenda saj gjeti një pulë me katër këmbë. Zoti Cao, nga Changchun, thotë se bleu një duzinë vezësh katër muaj më parë dhe theu një që ta gatuante. Ai thotë se u trondit kur brenda saj gjeti një zog të gjallë; madje u habit edhe më shumë kur vuri re se kishte disa këmbë të tepërta. “Njerëzit thoshin se nuk do të mbijetonte, por mua më erdhi keq dhe e mbajta. Çuditërisht është rritur e shëndetshme”, thotë ai për “People’s Daily”. “Ndoshta temperaturat e verës e ndihmuan të çelë”, shton ai.


Ushtari burgoset, se hap gojen per gjume gjate parades

Një ushtar izraelit u dënua me 3 javë burg se hapi gojën gjatë një ceremonie, për nder të ish-kryeministrit Yitzhak Rabin. Nëna e ushtarit thotë se djali hapi gojën për gjumë “pa vënë dorën në gojë”, ndërsa komandanti i bazës së forcave ajrore po fliste gjatë ngjarjes përkujtimore në Jeruzalem. “Kur komandanti e diktoi, ai ndali fjalimin dhe më vonë urdhëroi që ushtari të kalojë 21 ditë në burg për këtë “akt mos respekti””, thotë nëna e tij. Rabin është vrarë në vitin 1995 nga ekstremistët hebrenj, që kundërshtonin paqen me palestinezët.

Nena del nga materniteti me beben e gabuar

Një grua nga Rumania, e cila lindi një vajzë, kur u kthye në shtëpi pas maternitetit, pa që me vete i kishin dhënë një djalë. Cristina Zahariuc, 35-vjeçare nga Horlesti në kontenë Iasi, e kuptoi gabimin vetëm kur i ndërroi bebes pelenat. Ajo thotë: “Infermieret më sollën beben me rrobat që u kisha dhënë, prandaj nuk dyshova asgjë. Kur mbërrita në shtëpi dhe ftova disa miq dhe gjyshërit e fëmijës, atëherë e vura re. U paralizova”. Stafi në spitalin “Sfanta Maria” në Iasi thotë se ngatërresa erdhi për faktin se bebet kishin emra të ngjashëm, Zahariuc dhe Zaharia.


Gjykatesin e ze gjumi ne sallen e gjyqit

Gjykata e Lartë në Australi e ktheu vendimin e dy trafikantëve të drogës, pasi gjykatësin e kishte zënë gjumi rregullisht, ndërsa ata gjykoheshin. Gjykata dëgjoi se Ian Dodd kishte fjetur për një periudhë deri në 20 minuta, disa herë kishte gërhitur dhe disa herë të tjera kishte parë ëndrra. Anëtarë të jurisë nuk e kishin mendjen dhe ndonjëherë bënin muhabet, ndonjëri prej tyre madje zgjidhte fjalëkryqe, ndërsa autoritetet e gjykatës bënin zhurmë duke hedhur dokumente në tokë, me qëllimin që të zgjonin gjykatësin e përgjumur. Dodd thotë se vuan nga një sëmundje gjumi dhe që pas incidentit të fundit vendosi të dalë në pension.

[Kliton]

Një vajzë nga një fshat i varfër në Indi është martuar me një qen endacak në mënyrë që t’i largojnë shpirtrat e keq të cilët ia kanë pushtuar trupin.

Prindërit dhe familja e vajzës së pafat kanë vlerësuar se shpirti i keq ka hyrë në trupin e saj dhe ia ka sjellë jetën asaj në rrezik.

Sipas tyre, mënyra e vetme për ta mbrojtur ka qenë ta martojnë atë për ndonjë qen i cili do të mund të largojë shpirtrat e këqij dhe të heq mallkimin, kanë njoftuar agjencitë botërore.

Martesa është kryer në prani të banorëve të fshatit dhe muzikën e zhurmshme të baterive.

Edhe pse, vajza kur të rritet do të mund të martohet me ndonjë mashkull pa obligim të shkurorëzohet nga qeni.



Burimi:CdoDite.Com

[Kliton]

Benzinë e lirë si pasojë e gabimit softuerik

Si pasojë e gabimit softuerik në pompën automatike të benzinës në qytetin holandez Henderen, litra e benzinës ka kushtuar gjithsej një cent, që i bie lirim prej më shumë se 99 për qind.

Lajmi për çmimin e përshtatshëm është përhapur shpejt, prandaj shitja e benzinës në këtë pompë të premten ka lulëzuar, shkruajnë mediat holandeze.

"Fillimisht kemi menduar se tabela me çmimin është e thyer, por kur kanë vërshuar myshterinjtë, i kemi alarmuar përgjegjësit”, ka deklaruar pronarja e pompës.

Kompania e cila furnizon pompën të nesërmen e ka rregulluar makinën dhe ka njoftuar se humbjet financiare janë “të kufizuara".



Tarzani jeton me të vërtetë

Tarzani jeton me të vërtetë. Quhet Oliver Houlete, është 28 vjeç dhe jeton prej 10 vjetësh në Namibi. Jeton në mes të luanëve, leopardëve, tigrave, pumave, etj. Por shokët e tij më të mirë janë geopardët (lloji i leopardit). Oliver thotë se ka gjetur një "fjalor" dhe komunikon lehtësisht me këto kafshë.

Francezi thotë se ka shpenzuar 8 muaj për tu miqësuar me geopardin dhe më në fund i sfidoi. "Mjafton që ju të rrini gjatë me to dhe nuk do të keni më frikë dhe do ta shihni se ata nuk kanë për t'iu sulmuar. Kjo do të faktojë të kundërtën e atyre që ju kishin thënë për geopardët". Kështu shprehet Oliver për stacionin televizion ATV, i cili ishte i pari kanal që përmes një dokumentari zbuloi djaloshin që jetonte me kafshët e egra në malet e afrikane.

Ai thotë se duart dhe sytë janë shumë të rëndësishme gjatë komunikimit me geopardët. I pyetur për atë çka do të ngjallte kureshtjen e të gjithëve, se si nuk ka frikë. Ai thotë "Unë kam fuqi për ta përballuar rrezikun, por më e rëndësishmja është miqësia. Për tu miqësuar me kafshë nuk duhet të kesh frikë prej tyre".

Oliver la Francën për Afrikën kur ishte 18 vjeç, ai iu përkushtua ëndrrës së tij për të mbrojtur natyrën. Ai nisi të adaptohet fillimisht me macet e egra dhe më pas me geopardët (lloji i leopardit). Djaloshi shpenzoi vite për të observuar kafshët dhe tani është eksperti i njohjes së tyre, por nuk ka kualifikime. Pra nuk ka lexuar.

"Janë shkencëtarët ata që merren me studimin e geopardëve por ata nuk kanë kohë për të ndenjur me to sepse janë gjithnjë mbi librat. " Unë mund ti ndihmoj të hyjnë në brendinë e kësaj kafshe dhe ata mund të më tregojmë mua detaje nga laboratorët dhe i siguroj se do të gjejnë tek unë një eksperiencë të vlefshme", thotë Oliver.


Por cili është misioni i tij. Të mësojë kafshët që të ruhen nga rreziku që iu kanoset nga njerëzit. "Unë do të ki nga këtu kur geopardët të mësojnë të kujdesen për veten", shprehet Oliver. "Unë kujdesem për geopardët që janë jetim deri sa ata të rriten dhe ti bashkohen kopesë", shton ai.

Oliver në filmin dokumentar që i është kushtuar sensibilizon për të mbrojtur natyrën. Duhet të kuptojmë se ne (njerëzit) nuk jemi sunduesit e botës. Ne duhet ë kuptojmë se nuk mund të jetojmë pa natyrën.

Dhe në fund thotë "Duhet të zgjohemi sa nuk është vonë".

[Kliton]

Kryeministri suedez ben tatuazh ti pelqeje te rinjve

Një artist i ka sugjeruar kryeministrit suedez, Fredrik Reinfeldt, se do të kishte më shumë sukses nëse do të bënte një tatuazh. Mjafton një akt i vogël për të tërhequr të rinjtë dhe për të siguruar mandatin. Mediat vendase kohët e fundit kanë shkruar se ka humbur vota nëpër sondazhe. “Me tatuazhin e ri në krahë do të fitonte më shumë besim dhe popullaritet me të rinjve”, thotë Sebastian Norde. Tatuazhi i sugjeruar është një anije e stilit viking, një mburojë zjarri ose patkua kali. Por gruaja e kryeministrit mendon ndryshe, ajo kërkon emrin e saj, Filippa.


Perplaset me makine, nuk ndalet se i iken orari ne permanent

Policia thotë se një grua e moshuar vazhdoi të udhëtonte edhe pse përplasi një motor, se ishte vonë në takimin e permanentit. Amerikania nga konteja Palm Beach, përplasi makinën e saj me një djalë në motor, por vazhdoi përpara sikur të mos kishte ndodhur gjë. Louise Davidson, 77-vjeçare, u arrestua se u largua nga vendngjarja. Zëdhënësja e policisë thotë se gruaja po kthehej në të djathtë kur doli në rrugën e motorit me shpejtësi. Autoritetet më vonë dalluan makinën e saj të parkuar para permanentit.





Babai shkon te jape provimin ne vend te djalit

Një baba 54-vjeçar japonez është zbuluar se është shtirur si i biri 20-vjeçar, që të bënte provimin se djali nuk kishte mësuar. Babai i guximshëm madje shkoi në permanent që të rregullonte flokët e të dukej më i ri. Babai, i cili drejton një kompani për shpërndarjen e mjekimeve, shkoi të bënte provimin për licencën e shitësit të ilaçeve. Ai donte që i biri të punonte me të, por e dinte se nuk ishte i përgatitur për provim. “Një djalë 20-vjeçar dhe një 54-vjeçar duken ndryshe”, thotë shefi i policisë në Japoninë veriore. “Kokën e mbante të ulur mbi letrën e provimit por kur mbikëqyrësi iu afrua, i kërkoi falje menjëherë”, shton ai.

[Nicole]

Shume interesante, te lumte Kliton, pune mire