Lajme të çuditshme nga e gjithë bota

[EMAUS]

Çifti kinez kërkon ta quaj vajzën "@"

Një çifti kinez po bën të pamundurën që vajzën ta thërrasë "@", ose më mirë "et", sipas simbolit të adresës së postës elektronike.

Prindërit e rinj thonë se ky simbol i bën jehonë dashurisë së tyre për fëmijën. Emri i pazakontë ka kuptim të veçantë, veçanërisht në gjuhën kineze, e cila nuk ka alfabet por përdor dhjetëra mijëra karaktere për të prezantuar fjalët.
"E gjithë bota e përdor për të shkruar "e-mail", dhe e përkthyer në gjuhën kineze do të thotë "duaje", shpjegon babai.

Ata shpesh e përdorin fjalën "et" për ta shqiptuar, e cila ngjan me fjalën kineze "ai ta", që do të thotë "duaje".

[EMAUS]

Malajzi, karriera 29-vjeçare e dentistit të rremë

Policia malajziane ka arrestuar një person, i cili ka praktikuar profesionin e dentistit për 29 vite, edhe pse nuk kishte asnjë trajnim mjekësor dhe i trajtonte pacientët në shtëpi, në një karrige që dikush tjetër e kishte hedhur.

Lidhja me profesionin dentar për mashtruesin nga Kuala Lumpuri, ishte gjatë viteve 1962 deri në 1978, kur asistoi një dentist të ushtrisë duke i mbajtur çantën gjatë vizitave në shtëpitë e punëtorëve të plantacioneve.
Policia ka sekuestruar ndenjësen e viteve 1940, të hedhur në plehra nga ushtria malajziane në vitin 1978.

[EMAUS]

Ha qëllimisht xham në restorant, padit për ushqimin

Një çift në Boston pranoi se ka mbledhur me qindra mijëra dollarë pagesa, pasi kanë ngrënë qëllimisht xham në restorante, hotele dhe ushqimore, duke i paditur më pas.

Ronald Evano, 49-vjeçar u shpall fajtor për 20 krime, komplot, mashtrim, përgjim, grabitje të identitetit, për shkak të pohimeve të rreme në lidhje me identitetin që i ka dhënë Sigurimeve Shoqërore.
Evano dhe gruaja, Mary, kanë marrë më shumë se 200 mijë dollarë nga restorantet dhe janë në borxh me 100 mijë dollarë me spitalet ku kanë shkuar të mjekohen pasi kanë ngrënë qelq.

Në një rast të vetëm kanë marrë 45 mijë dollarë nga një restorant.

[EMAUS]

Angli, prej 17 vitesh hanë tek “McDonald” 1 herë në ditë.

Mary dhe Lee Humphrey kanë ngrënë të paktën një vakt në restorantin “McDonald” në qytetin në jug të Anglisë, në Eastbourne çdo javë për gati 17 vjet”, raporton gazeta londineze “The Guardian”.

Çifti në fillim ra në dashuri me restorantin pas mbërritjes në Britani nga Kanadaja në vitin ’90. Gjatë gjithë këtyre viteve kanë bërë të njëjtën porosi.
Familja Humprey thotë se miqësia e shërbimit dhe atmosfera dhe bisedat i kanë tërhequr të shkojnë gjithnjë e më shpesh, dhe i referohen restorantit si “zyra”.
Por kjo familje është edhe më e kënaqur pasi pas gjithë këtyre viteve nuk kanë shtuar në peshë.

[EMAUS]

Britani, arrestohet gjykatësja që dëgjon muzikë gjyqit.

Një gjyqtare myslimane në jurinë popullore në Britaninë e Madhe është arrestur dhe po ndiqet penalisht, pasi kolegët e kanë zbuluar me kufje në vesh.
Gruaja, emri i të cilës nuk është bërë i ditur për arsye ligjore, është dëbuar menjëherë nga juria që po shqyrtonte një vrasje kur një prej anëtarëve të tjerë të jurisë ka parë të dalin telat e kufjeve jashtë shamisë së kokës.

Incidenti ka ndodhur gjatë një gjyqi në Gjykatën Kriminale në Londër, ku një burrë akuzohej se kishte qëlluar për vdekje me thikë bashkëshorten e tij.
Çështja është pezulluar menjëherë kur gruaja është diktuar dhe është arrestuar.
Nëse hetuesit gjejnë provat e duhura kundër saj ajo mund të burgoset deri në 100 vite burg.

Shërbimi i Prokurorëve të Kurorës thotë se ka pasur raste kur njerëzit kanë marrë foto të seancës duke përdorur telefona celularë brenda në sallën e gjyqit, por besohet se ky është rasti i parë në llojin e vet që përfshin një gjykatëse që dëgjon muzikë.

[EMAUS]

Kroaci, aktori serb zihet “prej vërteti” me aktorin kroat në skenë.


Një aktor serb dhe një kroat e goditën njëri-tjetrin me të vërtetë me thika gjatë një shfaqjeje në teatër.
Edhe pse të dy po gjakoseshin, shfaqja vazhdoi dhe askush s’i ndali, të paktën jo për një farë kohe.

Me qindra njerëz dolën nga skena, ndërsa një gruaje i ra të fikët pas incidentin në një teatër në portin kroat të Zadarit.

Aktorët, të ulur nën flamurët e tyre kombëtarë, vendosën duart në tavolinë dhe goditën drurin mes gishtërinjve të tyre mes thika të vërteta kuzhine.
Pas pesë goditjeve të tilla, tavolina u mbush me gjak, dhe njërit prej aktorëve i mungonte një pjesë gishti.
Të dy aktorët, kroati Boris Kadin dhe serbi Kristian Al-Droubi, kishin nevojë të shtroheshin në spital për t’u qepur plagët, dhe Kadin humbi pjesë të një prej gishtërinjve.
Shfaqja teatrale e quajtur “Jo si unë”, po luhej nga trupa “Via Negativa”. Ajo përqendrohej në marrëdhëniet mes kroatëve dhe serbëve në krahinën e Kroacisë.

[EMAUS]

Vajza nga Babrruja: I rrah gjithë tropojanët e klasës.



Vjen nga Babrruja çdo ditë me autobusë deri te Komuna e Parisit për të grushtuar, shkelmuar, shfryrë gjithë zemërimin e saj prej 13- vjeçareje.

Është e forta e lagjes dhe e klasës, por nuk e ka të lehtë me ushtrinë e të fortëve të Babrrusë, të ardhurit nga Tropoja.
Ajo vetë është nga Pogradeci dhe tregon se i ka ardhur në majë të hundës me ata që e konsiderojnë atë dhe „jugsat” qullsa, prandaj po përgatit revanshin.

Dhe në fakt e ka nisur atë shumë më herët se të niste të merrej me WingTsun. Jo vetëm kundër vajzave tropojane që siç thotë duan të jenë ato komandante të klasës, por edhe djemve që e shohin si shenjestër të lehtë për t’u ngacmuar. Klebeta Çaushllari është shndërruar nga vajza e urtë që ishte deri në klasën e katërt, në „të fortën” e shkollës që guxon të çojë mësuesen kujdestare në drejtori dhe të rrahë edhe djemtë.
Sidomos ata që janë nga Tropoja, na thotë. Peshon vetëm 38 kilogramë, por ka një krah të fortë, cilësi të cilën e konfirmon edhe instruktori i saj. Megjithëse deri tani është grindur pa marrë instruksione, thotë se asnjëherë nuk ka lejuar ta mundin, por do të bëhet e pathyeshme. Sherri i fundit i saj është kur i ka dalë në mbrojtje djalit të dajës, të cilin ka edhe në klasë.

E ëma, Dhurata, që e shoqëron çdo ditë deri në leksionet e arteve marciale, tregon se shpesh i vijnë prindër e mësues t’i ankohen për Klebetën, por nuk e mohon megjithatë që i jep kënaqësi fakti që vajza di të mbrojë veten dhe madje edhe të dobtit e tjerë që ka afër. Në familje janë pesë vajza, pa vëlla dhe duket se më e vogla është djali i munguar.

Dëshira e saj është ëndërr e parealizuar e të ëmës, të bëhet police. Tani sanitare, nuk është e vështirë që përtej pamjes së një gruaje të zakonshme tek Dhurata të dallosh të fortën e dikurshme. Mund ta vëresh edhe në qëndrimin dhe vështrimin e saj kur pozon, por vetë na rrëfen se dikur ka qenë e pathyeshme dhe se nuk ua ka kursyer dajakun as meshkujve, ndërsa përmend me të qeshur „drurin” që hëngri një zetorist dikur prej saj.

Edhe tani nuk heziton t’i dalë në mbrojtje pronave të saj në Babrru ndaj të ardhurve, kur tregon bëmën më të fundit me një komshi nga Tropoja që hyri me çifte në oborrin e shtëpisë së saj dhe si arriti e vetme t’ia largonte armën nga dora. Nënë e bijë duken të vendosura për t’i shkuar deri në fund luftës së tyre për të realizuar ëndrrën e përbashkët, që Klebeta të jetë një ditë në krah të të dobtëve, në anën e ligjit megjithatë.

[ReniX]

6 vite gjyq, 100 mijë euro gjobe

Toreadori më i famshëm lusitan, Pedrito de Portugal, është dënuar me gjobën prej 100 mijë euro pasi ka vrarë një dem në arenën e Moitas, në jug të Lisbonës, gjashtë vite më parë. Sipas ligjeve portugeze, në kundërshtim me ato spanjolle, e ashtuquajtura “vrasje në pasdite” nuk lejohet. Ndërsa në Spanjë është parashikuar që kafsha të mund të goditet me shpatë në


zemër në mes të arenës. Në Portugali demi nuk mund të vritet përpara publikut, por vetëm pas “duelit”. Pas gjashtë vitesh seanca gjyqësore ka fituar ligji kundër toreadorit. Dhe publiku ka qenë shumë i ndarë në gjykimin tij, disa e kanë cilësuar të pafajshëm, ndërsa disa fajtor, madje edhe vrasës. Tashmë atij i duhet të paguajë 100 mijë euro.


Britani, kërkon vajzën në tërë botën, kur e kishte në të njëjtën lagje

Një baba i dëshpëruar e shfaqi foton e tij në të gjithë vendin vetëm për të gjetur vajzën që s’e kishte parë prej 10 vitesh. “Michael Dick kërkoi në rrugët e Anglisë dhe në të gjithë regjistrat zgjedhorë për Lizën, 31-vjeçare”, raporton gazeta “Metro”. Kur nuk kishte gjetur gjë, atëherë kërkon ndihmë tek gazeta “Suffold Fre e"

Press”, e cila shkroi një artikull në kërkim të saj. Gazeta mori një foto për artikullin të Michael dhe dy vajzave të tij, Samantha, 22-vjeç dhe Shannon 10-vjeç. Lisa, nëna e tre fëmijëve zbuloi se babai i saj 58-vjeçar po e kërkonte kur miqtë i treguan historinë. Dhe kur ajo pa fotografinë, e kuptoi se ajo banonte vetëm disa metra larg tij.

[EMAUS]

Indi, majmunët pushtojnë kryeqytetin.

Qendra e Nju Dehlit dhe pallatet e mëdha janë pushtuar nga majmunët. Më 14 mars të vitit të kaluar Gjykata e Lartë indiane i ka kërkuar autoriteteve të kryeqytetit indian të transferojnë në tre muaj të gjithë majmunët nga zonat e banuara në zonën natyraliste të Asolas, por nga vështirësia ata kanë kërkuar që afati të shtyhet në një vit.

Babuinët kanë filluar të hyjnë në zyrat publike dhe ato private. Numri i kafshëve është rritur shumë. Ndërkohë pronarët e langurëve, majmunët që arrijnë të përzënë babuinët, po pasurohen dita-ditës. Organizatat ambientaliste kanë kërkuar që majmunët të mos transferohen gjatë verës, periudha kur ata shumohen.

[ReniX]

Vdes prane gomarit

Tri dite me pare, ujku qe bashkejetonte me gomarin ne fshatin Gurres te rrethit te Kurbinit, eshte rikthyer prane kafazit te tij. Nderkohe qe vizita e tij ne banesen ku ka bashkejetuar me gomarin ka qene e fundit, pasi ai ka arritur ne gjendje te rende shendetesore. Sipas Rrok Hotit, pronarit te tij, ujku ishte rikthyer para tri ditesh prane kafazit ne grahmat e fundit te jetes. Pronari ka sqaruar se ai e dyshonte nje fund te tille tragjik per kafshen jo te zakonte, per t’u mbajtur ne shtepi, pasi ujku nuk ishte grabitqar, qe te mund te gjente ushqim vete, duke shqyer kafshe te tjera te pyllit. Ujku ka qene ne gjendje te mjerueshme, aq sa as serumet dy here ne dite, te bera nga veterineri i zones, nuk e kane kthyer dot ne jete dy dite me pare.

[EMAUS]

Shiten për 200 mijë paund pikturat e 6-vjeçares

6-vjeçarja, Marla Olmstead, është bërë e pasur që në moshë të re duke shitur pikturat që bën me gishta.
Talenti që ende nuk arrin as një metërshin ka mbledhur 200 mijë paund (400 mijë dollarë) nga veprat abstrakte që ajo bën me duar.

Njujorkezja vepron kështu që në moshën 4-vjeçare, por tani një prezantues televiziv akuzon babanë e saj se e ndihmon.
"Pëlhura e pikturës është shumë herë më e madhe se ajo dhe boja e hedhur vend e pa vend formon nuanca të përpunuara", thotë ai.
Edhe pse studiuesit vërtetojnë origjinalitetin e pikturave, polemikat ende vazhdojnë.

[EMAUS]

Kinë, pasagjeri "bën dush" në aeroplan


Një pasagjer i linjë ajrore kineze nga Nanning për në Chongqin, e habiti stafin kur ata e gjetën me sfungjer në dorë në banjën e avionit.
Pasagjerët e linjës u ankuan se udhëtari po vonohej shumë.

Një stjuard trokiti në derë, më pas vuri re ujin që dilte poshtë saj. "Na duhet ta hapnim derën me një çelës, dhe pamë se burri ishte gjysmë i zhveshur", thotë stjuardi.
"Kur ai më pa, më kërkoi shampo", shton ai. Pasagjeri, Jin Sheng, thotë se ishte hera e parë që hipte në avion.

"Pashë se banja kishte ujë të ngrohtë, prandaj me që kisha gati një javë pa u larë, thashë të bëja një dush", shpjegoi ai.

[EMAUS]

Kryebashkiaku boksier rreh 5 këshilltarët


Një ish-boksier, i cili tani është kryetari i Bashkisë së Teslui-it, në Rumani pret të dalë në seancën e parë gjyqësore, pasi ka rrahur pesë këshilltarë të cilët nuk ishin dakord me planet e tij të shpenzimeve.
Ai është arrestuar pas denoncimit që ata i kanë bërë dhe rrezikon të dënohet jo pak. Kryebashkiaku, Iulian Florea, nga qyteti Teslui në Rumaninë jug-perëndimore, sulmoi këshilltarin lokal, Mircea Chirita pas një zënke në lidhje me buxhetin e qytetit në një mbledhje të këshillit.

Florea, një ish-boksier profesionist, më pas sulmoi edhe katër këshilltarë të tjerë të cilët u përpoqën ta ndalnin, duke i goditur me një të majtë të shpejtë.
Ai shtriu një tjetër këshilltar në tokë me një goditje nga poshtë dhe një të majtë, duke e lënë çiftin të tronditur me një kombinim grushtesh.

Përleshja u ndal vetëm kur një tjetër këshilltar kërcënoi të thërrasë policinë, e cila mbërriti gjithsesi.
Të pesë këshilltarët e lënduar kanë paditur kryebashkiakun dhe kërkojnë që për krimin e kryer të hakmerret drejtësia.

[EMAUS]

Dyqani refuzon t'i shesë verë 72-vjeçarit


Stafi i një supermarkate në Britani refuzoi t'i shesë verë një 72-vjeçari, pasi ai nuk e vërtetonte se ishte mbi moshën 21.

Shitësit e dyqanit "Morrisons" i kërkuan Tony Ralls të tregonte se ishte mjaft i pjekur sa të blinte dy shishe "Cabernet Sauvignon".

Gjyshi me flokë të bardhë tha se nuk kishte dëshirë ta bindte se ishte mbi 21 vjeç, pasi kjo i dukej "një pyetje koti".

Zoti Ralls kërkoi të shohë menaxherin e dyqanit, në West Kirby Wirral. Më erdhi për të thënë: "Si të dukem ty. Mos je gjë budallaqe?", thotë ai.
Pensionisti doli nga dyqani vetëm pasi kishte plotësuar formularin e ankesave.

[EMAUS]

Plas sherri, shpërndarësi i “Coca-Cola”-s zihet me grushte me shpërndarësin e “Pepsi”-t.

[color=brown]Rivaliteti i vjetër mes “Coca-Cola”-s dhe “Pepsi”-t u kthye në ndeshje fizike kur ditën e djeshme një shpërndarës si “Pepsi”-t goditi me grusht rivalin e “Coca-Cola”-s në fytyrë në një dyqan Wal-Mart në Pensilvani.

“Të dy shpërndarësit po grindeshin me fjalë, ndërsa po shkarkonin mallrat e tyre në qyqanin e kontesë Indiana”, thotë policia. Kur shpërndarësi i “Coke”-s u largua nga dyqani, kolegu i tij e goditi në fytyrë tri herë, duke i thyer hundën dhe duke i lënë shenjë në sy”, shkruhet në raportin e policisë.

Deri tani nuk është ngritur asnjë padi, por policia e quajti incidentin “një akt kriminal i thjeshtë”.


SHBA, arrestohet shoferi i dehur i ambulancës

Një shofer ambulance në Kentakin veri-lindor është akuzuar për ngjarje në gjendje të dehur të automjetit.

Policia thotë se shoferi kaloi dy drita të kuqe në semafor me një pacient në pjesën e prapme.

Kreu i policisë në Ashland, Todd Kelley thotë se Steven Marcuk po transportonte një pacient ditën e djeshme kur kaloi semaforë.
Shefi i policisë thotë se sirena e ambulancës nuk ishte ndezur ndërkohë që ambulanca udhëtonte me shpejtësi.
Menjëherë shoferi u ndal iu bënë analizat e alkoolit dhe të gjakut për të verifikuar nëse kishte marrë substanca narkotike.
Pacienti u transferua në një tjetër ambulancë.

[EMAUS]

SHBA, dënohet 8 vite më vonë për ngjarje në gjendje të dehur

Një burrë është dënuar me arrest shtëpie për ngjarje në gjendje të dehur dhe mbajtje droge tetë vjet pas shkeljes. Douglas Gast, 33-vjeçar u dënua me 30 ditë burg për ngjarje në gjendje të dehur, posedim të marijuanës në kontenë Cumberland edhe pse letrat e akuzës kishin humbur.

“Kujtoi se ia hodhi. Por një ditë të bukur i erdhi letra të paraqitet në gjyq”, thotë gjykatësi Edgar B. Bayley.
Gast duhet të dënohej me 23 muaj burg pasi u dënua në vitin 1998.

Kur ai shkoi në burg, autoritetet i thanë se nuk kishin dokumentet e duhura për ta pranuar se ato kishin humbur. *
I dënuari nuk do të bëjë burg, por do të qëndrojë në shtëpi, me përjashtim të kohës kur duhet të shkojë në punë.



Manila, pushohet i tërë rajoni se grabitet makina e patrullës

Pesëmbëdhjetë policë janë pushuar nga puna ditën e enjte, pasi humbën një prej makinave të patrullimit që qëndronte para stacionit të tyre në Manila.

Grabitja ndodhi gjatë pasdites së në qytetin Quezon, kur dy policë lanë makinën e tyre të patrullimit me motorin e ndezur para stacionit”, thotë shefi i rajonit, Raymundo Equibal.
Djali i një polici në pension, një vizitor i rregullt i atij rajoni, hipi mbi automjet dhe shëtiti me të në të gjithë qytetin.

Policia e zbuloi automjetin të parkuar në garazhin e shtëpisë së vizitorit. Equibal tha se ai urdhëroi lirimin e 15 policëve të atij rajoni për shkak të incidentit.

[EMAUS]

Shitësi i lotarive blen gjithë biletat, fiton 16 milionë dollarë


Shumë shitës dyqanesh ëndërrojnë të fitojnë shumë para nga biznesi i tyre. Blair Knutshon e bëri këtë në një mënyrë origjinale. Ai bleu biletat e lotarisë të serisë 6-49, të cilat i shiste në dyqanin e tij në Gimli. Blerja e bëri të zotin e 16 milionë dollarëve të lotarisë.

Çështja e tij ngriti vetullat e autoriteteve të “Western Canada Lottery Corp.”, të cilët nxorën mandatin e hetimeve dhe zbuluan se veprimi i Knutson ishte i ligjshëm. “Jam njeri i drejtë, prandaj nuk u shqetësova”, thotë ai. Kur fituesi i lotarisë është vetë shitësi i biletave, hetuesit shohin në historinë e personit, nëse kanë fituar apo jo çmime të tilla më parë.




Policia i përgjigjet alarmit, zbulon se hajduti ishte ari


Policët, që iu përgjigjën një telefonate që raportonte një grabitje në proces, gjetën një ari në vendin e krimit. Një rezident zbuloi shpërthimin e derës kur u kthye në shtëpi në mbrëmje dhe menjëherë telefonoi departamentin e sherifit. Rreshteri Roberta Granek thotë se skuadra e policëve e rrethoi të paftuarin dhe i tha të dilte me duart lart.

Atëherë kur nuk morën përgjigje, u futën brenda dhe zbuluan se i paftuari nuk ishte person, por një ari i murrmë. Duke mos ditur çfarë të bënin, njoftuan Departamentin e Peshkimit dhe Gjahut, të cilët e trembën ariun dhe e larguan brenda disa minutash.

[ReniX]

Denohet Kryetari Bashkise per prerjen e pemes

Firenze (Itali) - Denohet Kryetari Bashkise per prerjen e tre pemeve ne vitin 2003.

[ReniX]

Mesuesja amerikane 25 vjeare flirt me nje nxenes vetem 13 vjec.

Arrestohet nga policia meksikane mesuesja shkolles messme ne Lexington, nje vend i vogel ne Nebraske, pasi ishte arratisur me nje nxenesin e saj vetem 13 vjec me akuzen abuzim mbi minorenet.

[Alb-Angel]

Operacioni plastik edhe te shpeton jeten

Bullgarja 24 vjecare Elena Marinova nga Sofia, ka shpetuar per mrekulli nga nje aksident automobilistik i rrezikshem per jeten. Gjithcka ka ndodhur fale dy gjinjve te saj extra large. Vajza ishte operuar prej pak kohesh nga nje kirurg estetik duke rritur gjoksin me disa numra. Askush nuk mund ta imagjinonte qe kjo nderhyrje mund t"i shpetonte jeten. Gjoksi i ka sherbyer si nje air bag i vertete. Kesaj i thone, ti perballosh problemet me gjoks.