Arrestohet oficeri i policisë së Durrësit, informonte Dajtin

[aurel]

Është arrestuar në orët e paradites së sotme oficeri i policisë së Durrësit, Marenglen Muça, i cili dyshohet se ishte informator i Dritan Dajtit.
Marenglen Muça, punonte si inspektor policie në zonën e plazhit, pikërisht aty ku ndodhi tragjedia, ditën qe u kap Dajti.

Ai u arrestua në Tiranë pas një hetimi nga Shërbimi i Kontrollit të Brendshëm dhe Prokuroria e Krimeve të Rënda, ndërkohë që Gjykata e Durresit në bazë të provave dha masën e sigurisë "arrest me burg".

Paraprakisht thuhet se Muça informonte Dajtin, kur i shumëkërkuari i policisë ishte në arrati.

Dritan Dajti u arrestua nga policia në gusht të këtij viti, por operacioni shkaktoi 5 viktima, katër prej të cilëve oficerë të policisë.