Tomi, qeni që pret padronin e mbytur në liqen

[smocking2]

20111231_18459_tommy_labrador-300x225.jpg

Berlin, 2 janar, NOA- Padroni i tij është mbytur një muaj më parë në një liqen të ngrirë ndërsa e shoqëronte atë për një shëtitje. Që atëherë Tomi është protagonist i një histori që ka prekur të gjithë Gjermaninë. Qeni qëndron në vendin e tragjedisë, duke pritur kthimin e pronarit të tij. Imazhet janë duke bërë xhiro në televizionet gjermane, ku jepet pamja e trishtuar e tij. Edhe pse ai ka edhe nje padrone (gruaja e viktimës), ai qëndron i palëvizshëm deri në mbrëmje, pavarësisht temperaturave të ulëta.

Historia e Tomit të kujton një film dramatik të bazuar në historinë e vërtetë të një qeni me emrin Hachiko. Ky mik shumë i veçantë për çdo ditë shoqëronte pronarin e tij, profesor universiteti, në stacionin e trenit dhe kthehej për ta marrë kur kthehej nga puna. Për fat të keq, një ditë profesori vdiq nga një atak kardiak, ndërsa ai ishte në universitet. Hachiko besnik u kthye në stacion, dhe çdo ditë për nëntë vite rresht për të pritur pronarin e tij të dashur. Me kalimin e kohës, Hachiko prek jetën e shumë njerëzve që punonin aty pranë. I mëson kështu vendasve, dashurinë, dhembshurinë dhe mbi të gjitha besnikërinë.

Sot, një statujë bronzi e Hachiko ulur në vendin e tij duke pritur jashtë stacionit Shibuya në Japoni, qëndron si një kujtesë e përhershme e përkushtimit dhe dashurisë.

[ReniX]

Sa e dhimbshme!