Të na trashëgohet Kongresi i Lushnjës

[kuklla]

89-vjetori i Kongresit të Lushnjës këtë vit u festua në mënyrë më origjinale. Bashkia nuk e mbante mend datën e mbajtjes së tij dhe në rrugë kishte vënë vetëm parulla, “Gëzuar Vitin e Ri”. Prej ditësh flitej për një dokumentar që ishte realizuar nga artistët e qytetit për të kujtuar këtë ditë historike. Njerëzit u shtynë një orë të mirë në hyrje të kinemasë. E teksa prisnin të dilte ndonjë figurë historike e asaj kohë, në ekran doli një burrë me një gotë rakie në dorë. Shikuesit menduan se ishte Sulejman Delvina, ose Ali Kolonja, në fund të fundit, në kongrese te ne lejohet alkooli. Pastaj ai burri me gotë në dorë tha: “Të dashur miq dhe të ftuar! Ju faleminderit që kini ardhur! Dasmën e deklaroj të hapur”! Më pas nisi ahengu dhe një që ngjante me Sinan Hoxhën filloi: “Ke ura e Shijakut mblodha ca bajame...”. Më pas u sqarua se përgjegjësi i arkivit të filmit kish ngatërruar kasetën e Kongresit me kasetën e dasmës së çunit të xhaxhit ku kish qenë kameraman. Të pranishmin protestuan ashpër, gratë thanë se do ish më mirë që të ish vendosur telenovela e orës 7 që nuk e panë dot sot. Të tjerë kishin dhe kërkesa më pikante.

Shkruar nga Qamil Xhani

[anna]

shume interesante dhe komike gjithashtu !