LumiRead – lexues i librave elektronike nga Acer

[MAJDI]

Acer ka paraqitur lexuesin e vet të parë të librave elektronike me diagonale prej 6 inçësh të emërtuar LumiRead për të cilin pohon se veçmë ka bërë marrëveshje për shitje të përmbajtjeve me shtëpitë botuese kryesore në Shtetet e Bashkuara të Amerikës, Kinë dhe Gjermani.



Kjo pajisje e cila në treg vjen gjatë vjeshtës është e bazuar në dizajnin referent E-ink. Bëhet fjalë për një lexues i cili gjoja si opsione lidhjeje do të ofrojë si 3G ashtu edhe WiFi, si dhe qasje për kartela MicroSD, pos 2 gigabajtësh memorie të integruara në të.



Tani për tani nuk ka asnjë të dhënë konkrete për rezolucionin e ekranin apo peshën e pajisje, por dihet se janë arritur marrëveshje me Barnes & Noble, Libri.de dhe shërbimin kinez për shitjen e librave elektronike në mënyrë që prej fillimit të ketë sa më shumë tituj librash për këtë pajisje.

Risi në këtë pajisje është skaneri ISBN, i cili mundëson skanimin e shenjave ISBN nga librat fizike, të letrës, si dhe kërkimin online për to si dhe blerjen e tyre në formë elektronike.