Rregullat mjedisore ‘mbysin” Honda Civic Type-R

[vaaldr1n]

Për shkak të rregullave mjedisore automjeti brutal kompakt i Hondas Civic Type-R do të ndërpresë prodhimin për tregun evropian në fund të këtij viti, ka konfirmuar prodhuesi japonez.
Honda Civic Type-R fillimisht na është paraqitur në panairin e automjeteve në Paris para katër vitesh. Automjeti ka motor të njëjtë atmosferik prej dy cilindrash me benzinë nga gjenerata paraprake i cili zhvillon 200 kuaj fuqi me 8.000 rrotullime në minutë. Për fat të keq, ky motor nuk përmbushë normat mjedisore Euro V të cilat hyn në fuqi vitin e ardhshëm, e në Honda vlerësojnë se nuk u shpaguhet të investojnë mjete të shumta financiare në avancimin e tij.

Megjithatë, Civic Type-R do të vazhdojë të prodhohet në fabrikën britanike të Hondas në Swindon, mirëpo do t’i dedikohet ekskluzivisht tregjeve për të cilat ai i përmbushë normat mjedisore, siç është ai australian dhe jugafrikan.

Gjeneratën e ardhshme të Civic do të duhej ta presim gjatë vitit të ardhshëm, mirëpo tani për tani nuk dihet nëse në planet e Hondas do të gjendet hapësirë edhe për të riun Type-R.