Kritika kundër shërbimit të Google Street View

[vaaldr1n]

Njoftimi i koncernit të internetit, Google për nisjen e shërbimit Street View edhe në Gjermani ka ndeshur në kritika. Shoqata e pronarëve gjermanë "Shtëpi dhe truall" kritikoi që pamjet për Street View janë marrë shumë më lart se niveli që shikon syri. Me këtë bëhen të pavlefshëm gardhe dhe shkurre të vëna privatisht për t'u mbrojtur nga shikimi. Shoqata i rekomandoi pronarëve të paraqesin kundërshtimin e tyre. Iniciativa e Google nisi pas miratimit të qendrës për mbrojtjen e të dhënave. I ngarkuari Hamburgut për mbrojtjen e të dhënave, Johannes Caspar, i cili punoi me Google për shërbimin Street View tha: Google Street View është një sistem një shërbim, i cili ka edhe efekte pozitive, por mund të prekë edhe të drejtat e ruajtjes së personalitetit po qe se mendoni se po filmohet shtëpia juaj, apo po qe se kamera kap pamje sipër gardhit tuaj." Ndërkohë që i Ngarkuari Federal për Mbrojtjen e të Dhënave, Peter Schaar është shprehur i shqetësuar se pamjet në Street View mund të lidhen me adresarë apo numra telefoni. Nga kjo do të dilte një përzierje e rrezikshme e të dhënave private, nga e cila mund të zbuloheshin aftësia paguese apo kredituese e personave privatë, tha Schaar për gazetën "Ruhr Nachrichten".