Film biografik mbi John Belushin

[vaaldr1n]

Kompania filmike Warner Brothers është duke zhvilluar një film biografik mbi komikun legjendar me prejardhje shqiptare, John Belushi.
Regjisori dhe producenti i filmit “Hangover”, Todd Phillips është duke punuar skenaristin e filmit “The Pursuit of Happyness”, Steven Conrad, për të zhvilluar filmin biografik mbi jetën e aktorit të ndjerë, vëllait të madh të komikut Jim Belushit.

Sipas Hollywood Reporter, Warner Brothers ka kërkuar të drejtat televizive nga prona e John Belushit. E veja e aktorit, Judith, e cila ka publikuar librin “Belushi: A Biography” mbi burrin e saj në vitin 2005, do të jetë producente ekzekutive e filmit.

Belushi bëri famë me shoun komik amerikan “Saturday Night Live” nga viti 1975 deri në 1979, krahas yjeve të komedisë si Dan Aykroyd dhe Bill Murray. Ai pati një karrierë të shkurtër por të suksesshme filmike, duke u paraqitur në filmat si “Animal House” dhe “The Blues Brothers”, në mes tjerash.

John po ashtu ka qenë i famshëm për argëtimet e çmendura dhe vdekjen tragjike nga mbidoza në vitin 1982 në Hotelin Chateau Marmont në Los Angeles, kur ishte vetëm 33 vjeç.