Vdes fëmija 6 vjeç, në rrezik për jetën motra tjetër...

[EMAUS]

Vdes fëmija 6 vjeç, në rrezik për jetën motra tjetër. U helmuan në "fast food"



VLORE/ Babai: Autopsia e Kejsit mund të shpëtojë vajzën tjetër



Një vajzë 6 vjeçe ka humbur jetën dje, ndërsa motra e saj dy vjet më e madhe po lufton ende për t‘i mbijetuar një infeksioni të rëndë, që dyshohet se është shkaktuar nga ushqimet e
skaduara.

Dëshmi të paqarta janë dhënë nga vetë të afërmit e dy vajzave për llojin e ushqimit që ato kanë konsumuar përpara helmimit, por është e qartë se, për sa dinë familjarët, vajzat nuk kanë ngrënë të dyja të njëjtën gjë. Kjo e ka bërë shumë të vështirë zbardhjen e shkaqeve të vdekjes tragjike të Kejsi Mihasit, e cila në fillim të javës u ul për herë të parë në bankat e shkollës.

Vajza është ankuar tek i ati për marrje mendsh dhe dhimbje barku. Më pas i kanë filluar të vjellat dhe hemorragjia.
Të njëjtat simptoma ka pasur edhe motra 8 vjeçe, Gonxhja, që mban mbiemrin Shehu, pasi ka baba tjetër. Vajzat janë dërguar në Spitalin e Vlorës rreth orës 18:00 të së premtes. Pas vizitës nga mjeku i urgjencës, vajzat janë shtruar menjëherë në pavijonin e pediatrisë.

Në pak minuta, i gjithë stafi mjekësor i këtij spitali është vënë në shërbim të Kejsit gjashtë vjeçe, pasi gjendja e saj rëndohej minutë pas minute. Drejtori i spitalit ka organizuar menjëherë një mbledhje të të gjithë mjekëve për të përcaktuar diagnozën. Vajza i është nënshtruar lavazhit gastrik, është trajtuar me serume dhe medikamente për neutralizimin e helmit, por pas rreth 10 orësh ajo është ndarë nga kjo botë.

Babai i saj, Shpëtim Mihasi, tregoi se Kejsi kishte ngrënë një sanduiç, ndërsa vajza tjetër disa biskota të kripura. Vetëm disa minuta pas ngrënies Kejsi ka shfaqur simptoma të tmerrshme me dhimbje barku dhe gjak nga goja në mënyrë të vazhdueshme. I ati tepër i tronditur për fatin e së bijës flet me lot në sy edhe për gjendjen e vështirë shëndetësore të vajzës tjetër, 8-vjeçares Gonxhe Shehu, e cila paraqet të njëjtat simptoma si motra.

Shefi i pavijonit të pediatrisë në Spitalin e Vlorës, Fatmir Brahimi, tregon se 6-vjeçarja, Kejsi Mihasi, është shtruar me simptoma të rënda dhe për këtë është vënë në dispozicion i gjithë pavijoni mjekësor. Sipas Brahimit u morën të gjitha masat për të përballuar situatën, por ushqimi i ngrënë disa orë më parë kishte shkaktuar një helmim të një shkallë shumë të lartë. Sipas pediatrit Brahimi dhe mjekëve të urgjencës, të cilët pritën dhe shtruan 6-vjeçaren është bërë gjithçka për ta shpëtuar atë.

Edhe drejtori i spitalit rajonal të Vlorës ka treguar se kjo është një ngjarje shumë e rëndë dhe me urgjencë është mbledhur i gjithë personeli mjekësor. Është kryer me urgjencë edhe autopsia e 6-vjeçares, nga e cila ka rezultuar se shkak i vdekjes ka qenë një infeksion i rëndë në aparati i tretës.


Babai: Autopsia e Kejsit mund të shpëtojë Gonxhen

Shpëtim Mihasi, babai i dy vajzave, është shprehur se ato janë ankuar mbasditen e djeshme se po u dhembte koka dhe barku,ndërsa më pas u kanë filluar të vjellat. "Jemi munduar t‘i qetësojmë për dy orë, por kur pamë se nuk po qetësoheshin i dërguam në spital.
Sapo kanë mbërritur në spital, mjekët u kanë dhënë mjekim si dhe u kanë kryer analizat.

Mbas 40 minutash, njëra prej tyre ka filluar të qetësohej, ndërsa vajza e vogël sa vinte dhe përkeqësohej. Në mesnatë,
Kejsi ka humbur ndjenjat dhe mbasi ka kaluar lodrën e fëmijës ka gjetur vdekjen në orën 05:30 të mëngjesit", thotë Shpëtim Mihasi. Ai tha gjithashtu se nuk kishte qenë i bindur në përcaktimin e diagnozës së vajzave, pasi gjendja e Kejsit po përkeqësohej në vend që të ndodhte e kundërta.

"Me kërkesën e mjekëve pranuam të kryhet autopsia, në mënyrë që të saktësohet diagnoza për vajzën tjetër", tha Mihasi.



Gazeta Shqip

[LAKJA]

Kjo gje eshte shume e tmerrshme.Fatkeqe ajo vajza.Me vjen shume keq

[PoLiGrAfIkSi]

ngushullimet e mia per familjen. zoti qofte me ta per te shpetuar vajzen tjeter.

[ReniX]

Vertet shume keq, ngushellime familjes

[kuklla]

dhe vazhdimi i ngjarjes si eshte, vjaza tjeter shpetoi apo jo?