Mercedes arrin Lexusin në segmentin luksoz

[vaaldr1n]

Pas dominimit shumëvjeçar në segmentin amerikan të automjeteve luksoze, gjatë muajit që sapo lamë pas Mercedes ka larguar Lexusin nga froni.

Prodhuesi gjerman brenda vetëm një muaji ka arritur Lexusin dhe BMW-në. Mercedes ka shitur 19.862 automjete në shtator, që është 17 për qind më tepër sesa në muajin e njëjtë të vitit të kaluar, derisa BMW, i cili po ashtu ka tejkaluar Lexusin, ka shënuar rritje prej 21 për qind dhe ka shitur 18.228 automjete në përgjithësi.

Në ndërkohë, Lexus, nuk ka kaluar më së miri. Prodhuesi japonez ka shënuar rënie të shitjes në shtator ka arritur të shes 16.948 automjete përkundër rritjes 23 për qind të shitjes së modelit ES. Analistët drejtojnë gishtin për rënien e Lexus në besimin e luhatur të blerësve për shkak të aksioneve të fundit të servisimeve.

Megjithatë, në Lexus, përkundër rënies së shitjes, besojnë se me rezultatin e përgjithshëm vjetor do të arrijnë të mbesin në krye të segmentit luksoz për vitin 2010.