Reportazh nga ICT 2010: Digitally Driven

[vaaldr1n]

Nga data 27 Shtator e deri më 29 Shtator 2010 në Bruksel u mbajt ICT 2010: Digitally Driven, një ngjarje teknologjike që organizohet çdo dy vjet nga Komisioni Evropian, kësaj here edhe nga Presidenca e Belgjikës së Bashkimit Evropian në cilësinë e mikpritësit.

Padyshim që ICT 2010: Digitally Driven është evenimenti më i madh i teknologjisë informative që organizohet nga Komisioni Evropian ku prezantohen idetë më inovative nga fushat e teknologjisë dhe informacionit të mbështetura financiarisht nga Komisioni Evropian. Duke qenë se organizator është Komisioni Europian atëherë fjala hyrëse i takoi komisionerës Neelie Kroes e cila ndër të tjera tha: “Në kohërat e kufizimeve universale të buxheteve, diskutimet në lidhje me të ardhmën e hulumtimeve në TIK paraqesin një fokus të fuqishëm ekonomik. Taksapaguesit, ministrat dhe qytetarët në nevojë kanë një arsye të mirë kur kërkojnë të dinë që çdo shpenzim publik është i arsyetuar siç duhet. Por, kjo nuk e bënë të pamundur rritjen e investimeve publike në hulumtimet e TIK-ut. Njëkohësisht, kjo do të thotë që duhet ta bëjmë rastin më të mirë të mundshëm.”

NA ISHTE NJËHERË...

Investimet e Bashkimit Evropian në fushën e hulumtimeve në TIK filluan 25 vite më parë, në kohën kur industria e TI-së në Evropë qëndronte mbrapa dhe assesi nuk zinte hapin me industritë e TI-së udhëheqëse në botë si ajo e SHBA-ve dhe Japonisë. Kështu, aksionarët evropian bashkuan forcat e tyre financiare për ta “shpëtuar” sektorin e TI-së në Evropë. Në vitin 1981, Komisioni Evropian vendosi të mbuloj 50% të shpenzimeve të strategjive të përzgjedhura të projekteve të hulumtimeve në TI. Dy vite më vonë, më 1983 u prezantuar programi i parë për hulumtime ne TI në Evropë. Më 1998, të gjitha aktivitetet e hulumtimit në TIK u përmblodhën në “Framework Programmes (FP)” që paraqet fondin e përgjithshëm për hulumtime të Bashkimit Evropian. Aktualisht, Framework Programme 7 (FP7) është në fuqi nga viti 2007 e do të jetë prezent deri në vitin 2013 synon të financojë hulumtimet në gjithë Evropën në vlerë deri në 9 miliard EUR. Në këtë mënyrë, në 25 vitet e fundit Bashkimi Evropian ka luajtur një rol të rëndësishëm në kurajimin e kokurrencës dhe rritjes së produktivitetit në Evropë, duke i dhënë kështu një shtytje përfaqësimit të hulumtimit dhe zhvillimit të Europës në tregun ndërkombëtar të TI-së nga 10% në 25%.

SOT, ICT 2010...

Në këtë ngjarje të madhe teknologjike morën pjesë më shumë se 5000 hulumtues, zbulues dhe influencues të gjithë të fokusuar në prioritet si Agjenda Digjitale e Europës dhe Programi Financiar i Bashkimit Evropian për financim të hulumtimeve dhe inovacioneve në TIK për periudhën 2011–2013 në vlerë prej 2.8 miliard EUR. Më shumë se 100 ekspozues prezantuan të arriturat e fundit në fushën e teknologjive digjitale. Duke pasë në konsideratë faktin që nga hulumtimet dhe inovacionet përfitojnë 500 milion qytetarë të Evropës dhe gjithë këto e bëjnë industrinë Evropiane më konkurrues në treg, “ICT Made in Europe” demostroi se si teknologjia e re përmbush kërkesat e shoqërisë dhe ekonomisë së sotme, gjithashtu edhe të atyre që mund të dalin në të ardhmën.

Fushat kryesore të hulumtimit të prezantuara në Bruksel ishin TI-ja e gjelbër, robotët inteligjent dhe inovacionet e realitetit virtual. Padyshim që përfitimet nga inovacionet dhe hulumtimet e prezantuara na ICT 2010 ishin më se të qarta. Kështu, hulumtuesit në fushën e energjisë së gjelbër synonin të zvogëlonin emetimet e CO2, ata të realiteti virtual prezantuan teknologjitë të cilat do tu ndihmonin njerëzve me nevoja nga më të ndryshmet, si dhe hulumtuesit në fushën e robotëve inteligjent prezantuan robotët që po ashtu do tu dinin në ndihmën njerëzve me nevoja në punët e tyre të përditshme.

PJESMARRËSIT NGA BALLKANI

Pavarësisht që ky eveniment shkencor-teknologjik po mbahej në trollin e Bashkimit Europian dhe njëkohësisht po financohej nga Komisioni i Bashkimit Evropian, nuk ishin lanë anash hulumtuesit nga pjesët tjera të Evropës jashtë Bashkimit Evropian dhe as hulumtuesit dhe inovacionet e tyre nga kontinentet jashtë Evropës që kryesisht punojnë ngushtë me FP7. Në mesin e tyre ishin edhe pjesëmarrësit nga vendet e Ballkanit perëndimor, përfshi këtu edhe Kosovën. Komisioni Evropian ka akredituar ICT Web Proms dhe Wins ICT që ti identifikojnë idetë inovative që dalin nga ky rajon dhe të njëjtat ti prezantojnë në ICT 2010: Digitally Driven në mënyrë që të vendosin kontaktet e mundshme në mënyrë që të krijojnë infrastrukturën për të aplikuar për përkrahje financiare në FP7.

Gjashtë fituesit e garës “WBC ICT Research Competition” për vitin 2010 janë:

Name     Organization     Country     Project title 
Mirjana Stojilovic     Mihailo Pupin Institute     Serbia 
    Run-time Reconfigurable Multiprocessor Architectures 
Slavisa Popovic     Serbian Environmental Protection Agency     Serbia     Cross valuation of environmental, scientific and economic results for sustainable development and nature protection 
Nebojsa Nedic     Business integration and business intelligence d.o.o.     Montenegro     White Robot 
Bekim Dauti     NGO "InfoTech"     Kosovo (UNMIK 1244/99)     Self-healing systems 
Lule Ahmedi     University of Prishtina     Kosovo (UNMIK 1244/99)     REINTERPRET (Reinterpret existing software solutions to readily enrich them with semantics) 
Vladimir Trajkovik     Duna Computers DOO 
     F.Y.R. of Macedonia     ENTER (Enabling Collaborative Education Infrastructure)  

KONKLUZIONI

S’ka dyshim se ICT 2010: Digitally Driven ka arritur qëllimin e tij duke mbledhur së bashku në një vend me mijëra hulumtues! Natyrisht, këtu vlen të përmendet Komisioni Evropian si arkitekt i këtij evenimenti dhe FP7 i tij si mekanizëm financues. Kështu, duke qenë se eksitojnë këta mekanizma, atëherë përmes këtij artikulli arrijmë të sensibilizojmë sado pak të gjithë të interesuarit nga trevat e Ballkanit se pjesëmarrja në ICT Expo dhe aplikimi për përkrahje financiare nga Komisioni Evropian për projektin tuaj është i barabartë dhe i mundshëm po aq sa është edhe për qytetarin e Bashkimit Evropian. Është koha që edhe ne nga Ballkani ti ofrojmë diçka Evropës, dhe jo vetëm të marrim nga ajo!

Burimi: PCWorld.al