Nokia shfaq një koncept që mbushet në xhep!

[vaaldr1n]

Gjiganti i prodhimit të celularëve Nokia ka prezantuar një koncept të një celularë që përdor sistem mbushës të përçueshmërisë së nxehtësisë për të mbushur baterinë në nivele të plota, gjersa celulari është në xhep të përdoruesit.

Nokia e ka emërtuar E-CU, për shkak se E qëndron për Environment (Ambientin) dhe CU për Copper (Bakrin), që është edhe materiali që është përdorur në trupin e celularit dhe konverton nxehtësinë e trupit në energji.

Koncepti është dizajnuar nga Patrick Hyland, një djalosh nga Anglia, por në mes tjerash duhet theksuar se dizajneri nuk ka paraparë ndonjë lloj mbushësi tjetër për këtë koncept. Për një dizajn edhe më kreativ ai është përkujdesur që në pjesën e prapme të bëjë edhe gërryerje të panelit në atë formë që të duket sikurse sipërfaqja e tokës kur thahet pas periudhave të gjata pa reshje të shiut.

Natyrisht kjo që po shihni në imazh ka pak gjasa që të del në prodhim por ende asgjë nuk është konfirmuar. Mos prisni ndonjë lajm rreth këtij koncepti në një periudhë të shkurtë kohore ... /pcworld.al