Facebook prezanton tri veçori të reja

[vaaldr1n]

Facebook ka prezantuar disa risi gjatë ditës së sotme dhe në mes tjerash është thënë se tani përdoruesit do të kenë edhe më shumë kontroll ndaj të dhënave të tyre përmes veçorive të reja ku përfshihet një vend i ri për privatësi, mundësia për të shkarkuar çdo gjë të lidhur me profilin e tyre, si dhe ka prezantuar grupe të reja.

Facebook ka mbajtur një konferencë për media gjatë ditës së sotme në qendrën e saj në Palo Alto, California, gjatë së cilës pavarësisht spekulimeve të shumta u prezantua tri veçori krejtësisht të reja në kuadër të Facebook, të cilat tentojnë të presonalizojnë edhe më shumë këtë rrjet social dhe të avancojnë funksionet e saja rreth asaj sesi funksionon rrjeti social në jetën e përditshme reale. Ende nuk është bërë e ditur se kur do të paraqiten në faqe këto funksione, por më poshtë do të shihni se cilat janë ato dhe çfarë do të sjellin.

Shkarkoni informatat tuaja

Ky ishte paralajmërimi i parë në këtë eveniment dhe në të u shpjegua se përdoruesit do të kenë rastin që të shkarkojnë të dhënat e tyre nga Facebook (imazhe, foto, mesazhe, etj) në një skedarë të vetëm zip që do të dërgohet përmes e-mail. Sa e dobishme do të jetë kjo veçori është ende në pikëpyetje, por ka gjasa që të ndihmojë përdoruesit që të përcjellin edhe në desktop të gjitha imazhet dhe videot e tyre nga rrjeti social.

Seksion i ri

Tani Facebook ofron dy ekrane të ndryshme për të menaxhuar aplikacionet, dhe menaxhimi i privatësisë dhe të dhënave për secilin është konfuz. Një vend i ri në anën e majtë të ekranit do të bëjë që të dhënat të jenë më lehtë për tu qasur, dhe gjithashtu do t’i ofrohet mundësia që përdoruesi të shoh se cilat informata për përdoren nga cili aplikacion.

Grupet

Lajmi më i madh kishte të bënte me veçoritë e reja të grupeve, që janë dizajnuar të eliminojnë atë që Zuckerberg e sheh si problemin më të madh social të faqes. Njerëzit nuk dëshirojnë gjithçka me çdo kënd në listën e tyre të miqve. Në jetën reale, njerëzit dëshirojnë të komunikojnë me njerëz që janë të ndare në grupe natyrale: miq të vjetër, miq të rinj, familje, kolegë, etj. Me Facebook-un që është tani, përdoruesit mund të zgjedhin ose të shkëmbejnë përditësimet e statusit apo imazheve me çdokënd që lidhen, ose të shkëmbejnë me individë përmes mesazheve apo bisedës në chat.

Me veçorinë e re të grupeve, do të jetë më lehtë menaxhimi i mesazheve të shkëmbyera apo imazheve me vetëm një grup të vogël të miqve. Grupet do të kenë të dhëna të privatësisë që kontrollojnë se çfarë përmbajte do të jetë publike, private apo tërësisht sekrete. Zuckerberg gjithashtu shpalosi se përdoruesit do të jenë në gjendje të përdorin një veçori të chatit në grup që do t’iu mundësojë atyre të komunikojnë në të njëjtën kohë së bashku. Kjo do të ndihmojë që miqtë në kuadër të rrjetit social të pasqyrojnë më afër komunikimin e jetës reale. Me më shumë e më shumë njerëz që bashkëngjiten në këtë rrjet social, grupet duken si një mënyrë e mirë për të kontrolluar se kush çfarë po sheh. /pcworld.al