Oracle e IBM me marrëveshje rreth Java-së

[vaaldr1n]

Miliona zhvillues të softuerit kanë mbajtur kolektivisht frymën pasi Oracle pati blerë Sun Microsystems më herët gjatë këtij viti. Marrëveshja vuri në rolin e udhëheqësit kompaninë Oracle edhe për teknologjinë softuerike Java, që u zhvillua fillimisht nga Sun në vitin 1995.

Hapat e parë nuk ishin inkurajues. Në gusht, Oracle paditi Google, duke pretenduar si sistemi i saj operativ Android që fuqizon celularët e mençur, përdor në mënyrë ilegale ide dhe kode nga Java. Siç dukej Oracle e kishte seriozisht punën e të drejtave të saja pronësore në Java, duke kërkuar të fitojë të hyra përmes marrëveshjeve të pagesave.

Por I.B.M paralajmëroi të hënën se do të lë anash armiqësitë e moçme me Sun që datojnë qysh kaherë, dhe se do të zhvendos tentimet e saja zhvillues nga iniciativa që ka sponzoruar deri më tash e që quhej Apache Harmony, drejt asaj që quhet Java. “Kjo do të duhej të largojë disa paqartësi rreth të ardhmes së Java” tha Rod Smith, zëvendës president për teknologji të reja pranë I.B.M.

Java ka rëndësi të madhe në treg sepse gjen përdorim të madh. Java, përkatësisht gjuha programuese, është gjuhë mësimi në shkolla të mesme dhe kolegje. Veglat e Java që ofrohen përkrahë gjuhës vendosen në aplikacione softuerike që bazohen në çdo gjë prej mainframes e deri tek celularët e mençur.

Sun ka kthyer Java kah komuniteti me kod të hapur në vitin 2006, por ka vazhduar ta mbajë atë nën kontroll. Oracle ka trashëguar ndikimin e Sun ndaj Java, kur ka blerë kompaninë. Ekzekutivët e Oracle dhe IBM arritën javën e kaluar të ulën në tavolinë dhe të bisedojnë dhe marrëveshja rezultoi shumë shpejtë pas bisedimeve. Ata thanë se inovacioni Java duhet të vazhdojë me shpejtësi për të zënë hapin me zhvillimet harduerike, siç janë mikroçipat që vazhdimisht janë duke rritur numrin e bërthamave llogaritëse.

“Marrëveshja është pasqyrim i realitetit strategjik me të cilën përballemi të dyja kompanitë” tha Adam Messinger, zëvendës president softuerik pranë Oracle. “Ne jemi duke bashkëpunuar dhe kombinuar resurse për të përshpejtuar inovacionin në platformën Java”.

Pajtimi i tyre mbulon përdorimi i softuerit Java që përdoret zakonisht prej qendrave të të dhënave e deri tek ueb programet. Por nuk është diskutuar rreth zgjerimit të bashkësive të veglave që ofron Java në celularë dhe pajisjet tjera mobile.

Douglas Lea, një shkencëtar kompjuterik pranë Universitetit Shtetëror të Nju Jorkut në Oswego, dhe një veteran i standardeve Java dhe grupeve zhvilluesve, e quajti marrëveshjen një “akt pozitiv”.

Por pavarësisht të gjithave, mosmarrëveshjet e Sun me Google ende në përgjithësi ngulfasin të ardhmen e Java , dhe sipas z. Lea këto dy kompani duhet të komunikojnë më shumë mes vete për të lënë prapa shpinës problemet. /pcworld.al

[ReniX]

Ishalla me merr ne pune ndonjedite ORACLE

[vaaldr1n]

Hahahahahhaah ReniX t`uroj sukses