Apple zë vendin e tretë me shitje të PC-ve

[vaaldr1n]

Prodhuesi i famshëm i kompjuterëve Mac, kompania Apple, i ka ftuar mediat për një ngjarje të veçantë të cilën ajo planifikon ta mbajë më 20 tetor. Pritet që Apple të fillojë fushatën e saj, të quajtur “Back to the Mac” si dhe të paralajmëroj versionin e ri të sistemit operativ X.

Sa i përket shitjeve dhe popullaritetit të kompjuterëve Mac, IDC thotë se Apple e ka rrëmbyer vendin e tretë në SHBA dhe posedon 10,6 për qind të tregut, duke e kaluar kështu prodhuesin tjetër të njohur, kompaninë Acer, e cila tashmë radhitet në vendin e katërt.

Vitin e kaluar janë shitur më shumë se 2 milion kompjuterë Mac, që përkthehet në 24.1 për qind rritje të shitjes së këtyre kompjuterëve, ndërsa i gjithë tregu i kompjuterëve PC është rritur për 3.8 për qind.

Sipas listës së furnitorëve kryesor të kompjuterëve në botë, thuhet se Acer radhitet në vendin e katër, ndërsa pas saj mbetet Dell, prodhuesi i njohur i cili së fundmi ka hasur në probleme me shitjen e kompjuterëve personal.

Në anën tjetër, Toshiba zë vendin e dytë, pasi që prodhuesi i famshëm i cili kompjuterët e vet i bazon në Windows ka pasur një rritje dy-shifrore, ndërsa lider i tregut mbetet HP, i cili në këtë pozitë është mjaft i sigurt dhe i palëkundur.