PlayStation Phone gjatë vitit 2011?

[vaaldr1n]

Engadget ka publikuar disa fotografi të prototipit të telefonit PlayStation Phone, pajisjes hibride mes telefonit të mençur dhe një mini-konsole për lojëra. PlayStation Phone mbështetet në sistemin më të ri operativ Android, atë Gingerbread 3.0.

Për më tepër ky telefon do të ketë qasje të plotë në tregun virtual të aplikacioneve të Android dhe lojërave të kompanisë Sony, prej nga mund të shkarkohen lojëra interesante të cilat do të jenë të projektuara posaçërisht për këtë platformë dhe këtë pajisje mobile.

Sipas raportimeve të faqes së njohur, thuhet se telefoni do të përfshijë procesorin 1GHz Qualcomm MSM8655 Snapdragon dhe 512MB RAM, 16GB ROM memorie dhe ekranin prej 10.4 cm.

Ndër të tjera, pajisja e njohur me emrin PlayStation Phone posedon edhe kamerën me 5 mega-piksel dhe kartelën për mikroSD. Telefoni pritet të dalë në treg gjatë vitit 2011./ Telegrafi