Samsung do të paraqes Nexus Two?

[vaaldr1n]

Nëse planifikon të blini celularin më të ri Android në treg, atëherë vjeshta e këtij viti duket se do të jetë zonë e ngulfatur në këtë aspekt. Samsung sot paralajmëroi se me 8 nëntor do të ketë një paraqitje të një celulari të ri Android.

Normalisht, për këtë gjë nuk do të ishte bërë shumë zhurmë, por kompania në fjalë sapo ka shpalosur një linjë të celularëve me bazë në Android (Galaxy S). E normalisht si rezultat i kësaj na mbetemi me dy opsione: ose departamenti i PR pranë Samsung ka shumë kohë të lirë ose ky paralajmërim vërtetë do të justifikojë një media event special.

Duke cituar burime të afërta me detajet e paralajmërimit, faqja AndroidandMe ka raportuar se pajisja që do të paraqitet në treg do të jetë pajisje me versionin e sapo kompletuar Android 2.3 të Google, që njihet si “Gingerbread” dhe pritet të jetë në ofertë për operatorë të ndryshëm.

Çfarëdo paralajmërimi softuerik nga Google do të ishte interesant, duke pasur parasysh faktin se kompania ka përshkallëzuar rivalitetin me Apple në biznesin e celularëve të mençur. Edhe pse Google dështoi në shitjen e Nexus One vetëm online, kësaj radhe thuhet se Google është duke u bërë gati të shes Nexus Two përmes shitësve nëpër dyqane.

Por në fund ritheksojmë se asgjë nuk është e konfirmuar dhe këto gjëra mund të mbesin thjeshtë pjesë e telenovelave të thashethemeve. /pcworld.al