Edhe HTC Mecha në Android?

[vaaldr1n]

Sipas Android Central thuhet se prodhuesi i njohur i telefonave të mençur, kompania HTC, është duke përgatitur edhe një model të ri të telefonit i cili do të bazohet në sistemin operativ Android.

Më saktësisht, bëhet fjalë për modelin e ri të quajtur HTC Mecha, për të cilin thuhet se është versioni i ri i HTC Incredible, por në formatin HD.
Sipas pamjeve të para të HTC Mecha, duket se telefoni do të vijë në treg me Android 2.2 dhe gjeneratën e fundit të internetit në mobil, 4G.

Duket se modeli i ri i telefonit, HTC Mecha, për momentin është në testim nga prodhuesi, i cili nuk ka dhënë asnjë detaj lidhur me këtë telefon. Mirëpo, ne gjithsesi se do të ju lajmërojmë për çdo risi lidhur me këtë model, sa më shpejtë që të jetë e mundur. / Telegrafi /