Edhe jastëk edhe telepilot

[vaaldr1n]

As që e kemi pas idenë që njerëzimit i duhet një telepilot universal në largësi i cili në të njëjtën kohë është edhe jastëk, e tani kur kjo çudi në të vërtetë është paraqitur në treg jemi të sigurt se bëhet fjalë për një prej ‘pajisjeve’ më të kota të këtij viti.

Eh çka me thanë? Ky jastëk në fotografi në të njëjtën kohë është edhe një telepilot universal me të cilin mund të udhëhiqni me televizorin, playerin DVD dhe pajisjet tjera.

Përparësia e një lidhjeje kaq bizare është fakti se është më vështirë që të humbet një telepilot kaq i madh. Në anën tjetër, krejt kjo punë duket bukur e mangët, e përdoruesve sigurisht do t’u ndodhë që shpesh të ndryshojnë kanalin televiziv pa dashje.

Sidoqoftë, nëse doni që me të vërtetë të keni diçka të veçantë në dhomën e ndejës, këtë pajisje kushton 30 euro. /Telegrafi/