Galaxy tablet po bëhet rival i rrezikshëm për iPad

[vaaldr1n]

Kompania Samsung Electronics ka njoftuar se gjatë gjashtë javëve të fundit ka shitur mbi 700.000 njësi të kompjuterit të vet tablet Galaxy, e ajo beson se deri në fund të vitit në duart e blerësve të tyre do të gjenden rreth një milion pajisje të këtilla.

Në krahasim me Apple iPad, i cili prej të martës shitet edhe në vendin amë të Samsung, Kore Jugore, kjo ende është e pamjaftueshme, por nga kompania jugkoreane paralajmërojnë kompjuterë të ri tablet të madhësive të ndryshme, dhe do të jetë interesante të përcillet se si iPad do të përballet me popullaritetin e rivalit të drejtpërdrejt në treg.

Apple nga prilli, kur iPad është lëshuar në shitje, ka shitur mbi tetë milionë pajisje të këtilla, shkruan agjencia e lajmeve AFP. Megjithatë, pasi që edhe Sony, RIM, Toshiba, Hewlett-Packard, Motorola, Dell, Asus e Acer po ashtu janë duke përgatitur apo tanimë kanë në shitje kompjuterët e vet tablet, pritet që deri në fund të këtij viti do të shiten 20 milionë kompjuteri të këtij lloji, e deri në 2014 madje 208 milionë, kanë vlerësuar ekspertët e kompanisë Gartner.

Apple iPad i gjeneratës së parë nuk ka kamerë, nuk funksionon si telefon dhe nuk ka video standard Flash. Kjo është një sfidë e madhe për Samsung, tableti i të cilit prej 18 centimetrash është dukshëm më i vogël se Apple.

Në Shtetet e Bashkuara të Amerikës iPad më i lirë kushton 499 dollarë, e ai më i shtrenjti deri në 829 dollarë. Samsung Galaxy Tab kushton rreth 600 dollarë pa parapagim në rrjet. /Telegrafi/