Kirurgjia estetike josh edhe burrat

**Kliton** · 03-12-2010, 11:35 AM

Sipas studimeve, gjatë 20 viteve të fundit numri i burrave që bëjnë kirurgji plastike është rritur nga 5 në 15 për qind. Një gjë e tillë shpjegohet edhe me zhvillimet në fushën e kozmetikës. Mbjellja e flokëve është një nga ndërhyrjet më të kërkuara nga meshkujt e të gjitha moshave. Teknikat e reja kanë bërë që kjo të jetë një ndërhyrje e suksesshme.

“Me rritjen e jetëgjatësisë dhe zgjidhjen e problemit të ereksionit, meshkujt duan të jenë më shumë në formë dhe të përfitojnë nga jeta”,- nënvizon doktor Sidney Ohana, kirurg plastik në Paris. Një gjë e tillë do të thotë më shumë kujdes për pamjen e jashtme dhe kirurgjia estetike lejon të fitosh disa vite për të pasur një imazh dinamik sipas asaj që kërkohet sot nga shoqëria.

Sipas studimeve, gjatë 20 viteve të fundit numri i burrave që bëjnë kirurgji plastike është rritur nga 5 në 15 për qind. Një gjë e tillë shpjegohet edhe me zhvillimet në fushën e kozmetikës. Mbjellja e flokëve është një nga ndërhyrjet më të kërkuara nga meshkujt e të gjitha moshave. Teknikat e reja kanë bërë që kjo të jetë një ndërhyrje e suksesshme.

Mjekësia estetike është në vend të dytë. Meshkujt kërkojnë edhe ndërhyrje me Botox. Ata shoqërojnë gratë e tyre gjatë trajtimeve dhe ndihen më të sigurt për të kërkuar edhe një trajtim për veten e tyre. Ndërkaq ata kërkojnë më shumë ndërhyrje në pjesën e gjoksit në mënyrë që të kenë një siluetë sa më të re. “Më saktë, meshkujt nuk duan një trajtim për t’u dukur të bukur, por një trajtim që të duken më të rinj, cilado qoftë kategoria e tyre shoqërore dhe profesionale”,- ka shtuar Ohana.