E ardhmja e Shqipërisë në BE në duart e fisit të kryeparlamentares

[EMAUS]

Nga fisi i kryeparlamentares Jozefina Topalli varet e ardhmja e Shqipërisë në BE.Këtë po e shkruajmë me besim dhe vetëdije të plotë,pa dashur të prekim interesa politike siç mund ti quajnë disa.

Disa ditë më parë publikuam se dhëndri i kryeparlamentares shqiptare,këngëtari adoleshent Luis Ejlli është emëruar diplomat në Francë,ndërsa ditët e fundit publikohet edhe emri i vëllait të Jozefina Topallit,z.Gjon Çoba,i cili ka qenë emigrant në Milano dhe tashmë është emëruar konsull në të njëjtin qytet.

Dihet qartë që si Italia,ashtu edhe Franca janë shtete shumë të rëndësishme për të ardhmen e Shqipërisë në BE.

Këngëtarin Ejlli e njohim të gjithë dhe gjithashtu njohim vlerat e tij në këngë,por nga përvoja që ka nuk mund të themi se është i aftë për diplomat,si për shkak të moshës së tij ,ashtu edhe për shkak të studimeve ,që akoma nuk i ka përfunduar.




Si mund të presi Shqipëria nga një adoleshent që ai të bëjë diplomaci dhe të ndikojë për të ardhmen e vendit në BE ?

Ejlli është emëruar Sekretar i Parë për Kulturën dhe Turizmin në Ambasadën Shqiptare në Paris,pavarësisht se është ende student dhe nuk ka përvojë diplomatike.

Sipas gazetës “Shekulli” z. Ejlli ka marrë madje pagën e postit të ri, për dy muaj rresht pa u paraqitur fare në zyrë, dhe vetëm pasi “puna është bërë baltë” i riu është paraqitur në Ambasadë.

Gjithmonë theksojmë se këtu nuk ka të bëjë emri Luis Ejlli,por përvoja dhe njohuria në diplomaci,nëse ai ishte i aftë,do të ishte kënaqësi për ne që të na përfaqësonte.

Tashmë kthehemi në Milano ,ku emigranti Gjon Çobo,vëlla i kryeparlamentares shqiptare Jozefina Topalli është emëruar konsull .

Flitet se shtetasi në fjalë,jo përvojë që nuk ka,pasi emigrant i thjeshtë ka qenë,por nuk ka as arsimimin e tij për këtë detyrë.

Kjo është një problemet kryesore të vendit që quhet Shqipëri,sepse e drejtojnë njerëzit e paaftë,ndërsa ata që kanë njohuritë,dëbohen nga puna për arsye partie dhe detyrohen të rrinë nën hije të pishave në parqet e kryeqytetit.

Kjo është edhe një nga arsyet kryesore që Shqipëria mori përgjigjen negative për vendin kandidat në BE dhe po theksojmë se ,liberalizimi i vizave nuk ishte aspak ,aspak,aspak meritë e qeverisë Berisha,por ishte një premtim i dhënë prej vitit 2003 nga BE.

Nëse Shqipëria nuk ecën përpara vetëm një gjë është shkaktare.Në Shqipëri ekzistojnë dy grupe njerëzish,ata dempoktratë dhe ata socialistë.

Në kohën që qeveris PD,socialistët rrinë pa punë,por kanë mbledhur para gjatë qeverisjes së tyre dhe kanë për të shpenzuar derisa të marrin sërish qeverinë në dorë.

Të njëjtën gjë bëjnë edhe demokratët tani,pasurohen që të kenë të shpenzojnë kur të vijë në fuqi PS – nëse do të vijë ndonjëherë se Berisha është i vendosur të mos largohet- dhe kështu vazhdojnë,ndërsa “nusen” e paguajnë vetëm ata qytetarë që nuk kanë miq në qeveri dhe më shumë e paguajnë emigrantët që po vujanë mjerimin e krizës financiare.

Albnow

[3r1k0]

Nuk me duket edhe shume e cuditshme nje gje e tille.........
Bile do te thoja se eshte shume normale per Shqiperine
Nese dikush ne Shqiperi do qe te zere nje vend pune ne ndonje zyre apo dikaster ose duhet te behet militant i partise, ose duhet te jete <<kunati shokut Xhemal>> ose duhet te paguje qimet e kokes......rruge tjeter nuk ka
Keto jane fenomene qe ndodhin edhe ne shtete me demokrakite se i yni e jo me ne Shqiperi.

[smocking2]

Te jene njerez te afte ato qe i jep ate detyre, ska gje nese jane prej familjes se saj, por te vendosesh si diplomat nje kengetar dhe mbi te gjitha adoleshent, nuk shoh ndonje te ardhme te mire per shqiperine...Skemi cbejme, populli vet e ka votuar, tani le ta mbaje...

[ReniX]

Keshtu funksionon, nuk eshte mire po çti besh! Secili do vendosi njeriun e tij ne pozit.