Shqiptari i dehur vret dy italiane të reja dhe shokun

**gjendar** · 23-01-2011, 08:43 PM

Piaccenza, 23 janar – Dy vajza të reja italiane dhe një shqiptar 25 vjeçar kanë mbetur të vdekur si pasojë e një aksidenti rrugor pranë qytetit Piaccenza. Shqiptari tjetër, i cili ishte duke drejtuar automjetin, ndodhet në gjendje të rëndë në spital. Si raporton NEWS24, dy të rinjtë shqiptarë udhëtonin me një veturë Peugeot, bashkë me dy vajza italiane, kur automjeti u përplas me një mur.
Tre viktimat sipas Tg.com, janë shqiptari 25 vjecar Elpion Kasapi, dhe dy shtetaset italiane, Sara Frasani e Elisa Bonomini, respektivisht 18 dhe 20 vjeç. Nuk dihet ende identiteti i shqiptarit tjetër që ndodhet në spital. Menjëherë ka mbërritur në vendngjarje policia, e cila deklaroi se niveli i alkoolit tek shoferi i automjetit ishte 6 herë më i lartë se sasia e lejuar. Aksidenti ndodhi rreth orës 5 e 30 të mëngjesit, kur vetura doli nga rruga, për shkak të shpejtësisë së lartë dhe u përplas me një pallat.