Bashkë me iPad 2, vjen edhe iOS 4.3?

[vaaldr1n]

Me sa duket, me iPad 2 do te vijnë edhe risi të tjera. Më saktë, të mërkurën më 2 mars pritet që bashkë me lansimin e kompjuterit të ri tablet, iPad 2, kompania Apple do të bëjë edhe lansimin e sistemit operativ iOS 4.3.

Të paktën kështu thuhet sipas faqes BGR, e cila thotë se në këtë ditë Apple ka planifikuar lansimin e iOS 4.3, dhe se ky sistem operativ tashmë është gati.

Megjithatë, ende nuk dihet nëse ky sistem operativ do të jetë në mesin e pajisjeve si iPad, iPhone ose iPod Touch, versionet e reja të së cilave priten të lansohen më 2 mars.

Mirëpo, menjëherë pas publikimit të ndonjë informate zyrtare ose edhe jo-zyrtare lidhur me lansimet e mundshme të produkteve apo edhe softuerit iOS 4.3, ne do të ju informojmë në detaje.