Kosovari qëllon ushtarët amerikanë-dy të vdekur

[lovee]

Personat e vrarë dhe të plagosur, sipas një burimi të CNN-it, janë pjesëtarë të forcës ushtarake ajrore amerikane nga baza Lakenheath në Mbretërinë e Bashkuar. Megjithëkëtë, sipas tij, këto janë vetëm informacione preliminare.

Ata ishin forca të sigurisë dhe ndodheshin rrugës për në misionin e tyre, për t’u ndërruar, ka deklaruar burimi i CNN-it, pa mundur të tregojë në mënyrë specifike se ku kanë qenë duke shkruar.

Sipas burimeve, ata fluturonin me një linjë civile fluturimi dhe jo me ndonjë aeroplan ushtarak.

Besohet se policia gjermane ka ndaluar një të ri nga Kosova, raporton CNN duke u bazuar në të dhënat e një burimi të vet.

Baza amerikane Ramstein në Gjermani rregullisht përdor fluturimet komerciale nga aeroporti i Frankfurtit.


Kosovari qëllon ushtarët amerikanë-dy të vdekur

Sipas mediave gjermane, të shtënat kanë ardhur nga brenda autobusit.

Ndërkohë, policia gjermane ka deklaruar se dy persona kanë vdekur pasi një person i armatosur ka hapur zjarr në një autobus që bartte ushtarë amerikanë në Aeroportine Frankfurtit.

Vozitësi I autobusit dhe një ushtar amerikan raportohen se janë vrarë, kurse dy të tjerë janë plagosur rëndë.

Një 21 vjecar që dyshohet se është nga Kosova është deklaruar se është arrestuar pasi kanë ndodhur të shtënat përballë Terminalit 2 në aeroportione Frankfurtit që është I dyti për nga madhësia në Evropë.

Policia u ka deklaruar mediave gjermane se ende nuk është e qartë nëse kjo ka të bëjë me ndonjë akt terrorist.

Zëdhënësi I policisë gjermane, Jurgen Linker I ka deklaruar gazetës gjermane Die Ëelt se dyshohet se incidenti ka ndodhur Brenda autobusit.

Ndërkohë, korrespondenti i BBC-së në Berlin, Stephen Evans ka njoftuar se airporti nuk është shumë larg nga baza ajrore Ramstein, ku ndodhet e vendosur selia kryesore e Forcave Ajrore Amerikane në Evropë.


Kosovari vret dy ushtarë amerikanë në Aeroportin e Frankfurtit

Dy ushtarë amerikanë janë qëlluar për vdekje sot në Aeroportin e Frankfurtit.

Ndërkohë, burime të Sky News tregojnë se edhe dy persona të tjerë janë plagosur në këtë incident kurse policia ka arrestuar menjëherë një 21 vjeçar nga Kosova që dyshohet e ka kryer aktin.

Sipas raporteve, të shtënat mbi ushtarët kanë ndodhur në autobus ose afër tij.

Ngjarja ka ndodhur përballë terminalit 2 të Aeroportit të Frankfurtit që është I dyti më I madh në Evropë, ka deklaruar zëdhënësi I Aeroportit.

[gjendar]

Keq kjo
Por a eshte e rastesishteme apo e planifikuar ne rast se eshte kjo e dyta shume keq per ne.

[MAJDI]

Besoj se do jet dicka e planifikuar

[peshkatari]

ky nuk eshte shqiptar

[lovee]

Ngrihen pesë akuza mbi Arid Ukën




Mbi Arid Ukën, autorin e vrasjes së dy ushtarëve amerikanë në aeroportin e Frankfurtit, rëndojnë aktualisht pesë akuza, thanë autoritetet gjermane.

Ai përballet me dy akuza për vrasje dhe tre akuza për tentativë vrasje, ndonëse hetimet vazhdojnë. Me vendim të gjykatës Uka gjendet në paraburgim deri në përfundim të hetimeve.

Autoritetet gjermane pohojnë se ai ishte besimtar mysliman, por është radikalizuar vetëm së fundi.

Forcat amerikane të sigurisë deklaruan se Arid Uka nuk ishte pjesë e ndonjë liste të dyshuarish për lidhje me terrorizmin. Në Uashington janë bërë publike emrat e ushtarëve amerikanë të vrarë. Ata janë 25 vjeçari Nikolas Alden nga Karolina e Jugut dhe Zakaria Kadbek nga Virxhinia.

Zëdhënësi i Pentagonit, koloneli Dejv Lapan tha se ende nuk është e qartë nëse edhe persona të tjerë janë të përfshirë në këtë sulm.

“Një nga pikat kyçe të hetimit është të gjejmë nëse ka pasur dhe të tjerë të përfshirë përveç sulmuesit”, theksoi Lapan.

Uka: Vrava për cështje nderi

Islamisti kosovar, Arid Uka, u motivua nga videot e postuara në disa faqe islamiste, për të kryer krimin e shëmtuar të ditës së mërkurë.

E përditshmja amerikane “Time”, duke iu referuar burimeve policore gjermane, zbuloi pjesë nga bisedat e 21-vjeçarit kosovar në hetuesi, pasi ai vrau dy ushtarë amerikanë dhe plagosi dy të tjerë, në një sulm të armatosur jashtë aeroportit të Frankfurtit.

Gjatë pyetjeve, Uka i deklaroi policisë se vendosi të hakmerrej, pasi vetëm disa ditë më parë pa në një faqe islamike një video, të përshkruar si përdhunimin e një vajze të re në Afganistan prej disa ushtarëve amerikanë.

Sipas tij, imazhet i ngjallën një tërbim të tillë personal, sa që nuk mundi të qëndronte më duarkryq dhe të vazhdonte normalisht jetën e tij.

Uka, i përshkruar nga miqtë si një njeri i qetë dhe i shoqërueshëm, nuk kishte asnjë precedent penal dhe sapo kishte fituar një punë me orar të pjesshëm në aeroport.

Sipas prokurorisë gjermane, deri tani nuk ka të dhëna që të bëjnë të besosh se ai vepronte në kuadrin e një grupi terrorist.

Shqetësuese për hetuesit është fakti se i riu u radikalizua brenda shumë pak javësh, pas vizitimit të faqeve islamike në internet.

Si rrjedhojë e sulmit të Ukës, banesa e një imami maroken në Frankfurt u kontrollua. Ai besohej se kishte nxitur të riun kosovar në kryerjen e krimit, por asnjë akuzë nuk u ngrit pas kontrollit në shtëpi.

[peshkatari]

sipas kokes qeleshen

[lovee]

Aridi vrau ushtarët amerikanë me pistoletën e babait të tij

Frankfurt 13 mars- Revolja e përdorur nga Arid Uka, i cili vrau dy ushtarë amerikan në Frankfurt ishte e babit të tij, raportoi “Der Spiegel” të shtunën. 21-vjeçari, i cili më 2 mars vrau 2 ushtarë amerikanë dhe dy të tjerë i plagosi rëndë, jetonte me prindërit e tij dhe dy vëllezër në një banesë në lagjen “Sossenheim” të Frankfurtit. Sipas shkrimit të revistës, një test i kryer pas veprës së tij, rezultoi se ai nuk kishte marrë drogë.

Gjatë marrjes së tij në pyetje, Arid Uka kishte deklaruar se nuk kishte dashur të vrasë “njerëz të pafajshëm”, por cak i tij kishin qenë vetëm ushtarët amerikanë. Në të kaluarën ai kishte vrojtuar herë pas here forcat amerikane në aeroport, ku ai punonte. Fjalët e tyre i kishin shkaktuar neveri.

Qysh më 2009, ky i ri ishte regjistruar në internet me emrin Abu Rejjan për lojëra kompjuterike me armë. Në këtë kohë edhe notat e tij shkollore kishin rënë dukshëm, raporton dpa, ritransmeton zëri

Ende e paqartë është domethënia e një mesazhi (SMS), të cilin shqiptari i ri nga Kosova, me gjasë disa muaj para veprës ia kishte dërguar një miku. Në atë SMS ai e anulon një takim me arsyetim se duhet të përgatisë një atentat. Marrësi i mesazhit këtë e kishte cilësuar si shaka, siç shkruan “Der Spiegel”.

Organet hetuese nuk ishin të gatshme të prononcohen rreth kësaj.