Risi: Vetura ndalet nëse i del përpara këmbësori

[gjendar]

Në dekadat e fundit industria automobilistike, krahas investimeve në shpejtësi, ka investuar edhe në siguri, por njëra nga kompanitë megjithëkëtë ka ofruar sistem deri tash të paparë për mbrojtje të këmbësorëve. Si shpesh deri më tash, zgjidhja inteligjente ka ardhur nga Suedia. Kompania Volvo ka zhvilluar sistemin për vërejtjen e kalimtarëve, i menduar veçmas për shpëtimin e jetëve të njerëzve nëpër rrugë të qyteteve, ku edhe vdes numri më i madh i njerëzve në aksidente. Sistemi funksionon asisoj që ndal veturën sa herë që para tij shfaqet ndonjë njeri, apo ndonjë veturë e ndalur. Është i programuar për vërejtjen edhe të automobilave që vijnë nga kahu i kundërt, sistemi është më efikasi pranë shpejtësisë prej 35 kilometra në orë, por ai është aktiv në të gjitha shpejtësitë. Punon me anë të radarëve dhe kamerave, të vendosura skaj xhamave të vegjë të përparmë. Kur këto pajisje vërejnë personin apo veturën e ndalur, atëherë aktivizohet paralajmëruesi me drita dhe ton, dhe nëse shoferi nuk reagon as në këtë, atëherë automobili ndalet vet. Mangësi e kësaj teknologjie të re është fakti se nuk mund të funksionojë në terr dhe në kushte të këqija atmosferike. Sipas ekspertëve të sigurisë, vlerësohet se me këtë teknologji do të arrihet të pakësohet numri i aksidenteve të shkeljes së këmbësorëve deri në 30 për qind. Ky sistem do të instalohet në modelet XC60, S60 dhe V60 të Volvos. Është për të shpresuar që edhe prodhuesit e tjerë të automjeteve do të shkojnë hapave të Volvos suedeze, duke pasur parasysh se nëpër rrugët e Kosovës mund të ndeshim shumë pak automjete të prodhuesit suedez.

[Erinaa]

shum e mire po jo komede vetem per autostrad benka ..

[MAJDI]

Shum e mir kjo sidomos per ketu ne shqiperi

[gjendar]

Nuk e blejn kete Vetur Shqipetart hehehhe

[labja]

sa mir ...si fillim mir esht , por them se duhet ta bejn qe te funksionoj edhe naten , se athere jan me te larta rreziqet

[MAJDI]

Te dali Labja perpara kesaj makines nuk funksionon ai frenimi