Gjuha që flitet nga vetëm dy njerëz në rruzull

[gjendar]

Në botë ekzistojnë afërsisht 6 000 gjuhë të ndryshme, në mesin e të cilave është edhe ajo e quajtur ajapenko. Këtë gjuhë e flasin vetëm dy njerëz në Meksikë, madje edhe ata dy janë në marrëdhënie fort armiqësore me njëri-tjetrin.
Gjuha ajapenko në të kaluarën është folur në territorin e sotëm të Meksikës. Kjo gjuhë ka mbijetuar pushtimet e Spanjës, luftërat, revolucionet, thatësira dhe përmbytjet, por sot i kanoset vdekja. Atë e flasin vetëm 75-vjeçari Manuel Segovia, dhe 69-vjeçari Isidro Velasquez. Që të dy jetojnë në fshatin Ayapa në shtetin federal meksikan Tabasco, banojnë larg njëri tjetrit vetëm 500 metra, por tahs e sa vjet janë në armiqësi. Ndonëse janë dy të vetmit në botë që e dinë këtë gjuhë, ata tash e shumë vite nuk e kanë folur asnjë fjalë në gjuhën që e marrin vesh vetëm ata.
Studiuesi i gjuhëve Daniel Suslak nga universiteti në Indiana, për këtë arsye ka vendosur të shkruajë fjalorin e gjuhës ajapenka. Ai ka konstatuar se kjo gjuhë është shumë interesante dhe për arsye se ajo është më e rrezikuara nga zhdukja në mesin e 68 gjuhëve të ndryshme që fliten në Meksikë.
Segovia 75 vjeçar, ndërkaq, thotë: “Kur kam qenë ende fëmijë, këtë gjuhë e flisnim të gjithë, tash mbase do të zhduket, bashkë me vdekjen time. Më parë në gjuhën ajapenko bisedoja me vëllain, por ai ka dvekur para 10 vjetësh. Më kuptojnë edhe gruaja dhe djali, por ata kanë mësuar t’i flasin vetëm disa fjalë e fjali”.

[ReniX]

eh, po si ky rast ka plot
po dhe dy kusherirat e mia, flasin nje gjuhe qe e kane krijuar ato vete!!!
thua ta dergoj lajmin ne ndonje revist