Fyerje raciste në adresë të Obamas

[Erinaa]

Fyerje raciste në adresë të Obamas



Një e-mail me përmbajtje raciste për presidentin e SHBA-së Barack Obama, e politikanes republikane, Marilyn Davenport, ka nxehur gjakrat në SHBA. Organizatat për të drejta të njeriut kërkuan menjëherë dorëheqjen e saj, pasi që politikania republikane në e-mailin e saj kishte bashkangjitur edhe një fotografi, në të cilën presidenti Obama paraqitet si shimpanze.

Nën foto mund të lexohej”Tani e dimë se pse ai nuk posedon një certifikatë të lindjes”.
Në këtë mënyrë Davenport ju referua deklaratave të disa republikanëve, të cilët kanë theksuar se Obama nuk ka lindur në SHBA.

Davenport deklaroi më pas për mediet se ajo është pjesëtare e lëvizjes konservatore Tea Party dhe se kurrë nuk do të bënte me qëllim ndonjë gjë, që do të dëmtonte pjesëtarët e pakicave.

Ajo më tutje theksoi se nuk është raciste dhe se ka edhe miq me ngjyrë.

Disa lëvizje për të drejtat e njeriut e dënuan këtë foto-montazh të Davenportit dhe kërkuan dorëheqjen e saj.