Humbja e peshes ndihmon ne kujtese

[ulkina]

Personat të cilët i nënshtrohen ndërhyrjes kirurgjike për uljen e peshës trupore, disa muaj pas operacionit kanë rezultate më të mira në testet e aftësisë së të mbajturit mend dhe përqendrimit.
Shkencëtarët amerikanë nga Universiteti Shtetëror Kent kanë testuar 150 participantë, pak kohë para operimit, si edhe tre muaj më pas.
Para operacionit rezultatet ishin nën vlerën mesatare në raport me pjesën tjetër të popullatës, ndërsa pas largimit të kilogramëve- (pas operacionit, pjesëmarrësit në studim kishin mesatarisht nga 20 kilogramë më pak të peshës trupore)- kujtesa ishte normalizuar.
Ndërkohë, grupi i kontrollit ku ishin përfshirë personat me mbipeshë, të cilët nuk i janë nënshtruar ndërhyrjes kirurgjike, jo vetëm se nuk kishin pasur përmirësim, porse atyre edhe më shumë iu ishte dobësuar kujtesa.
Edhe studimet e mëparshme kanë treguar lidhshmëri në mes të mbipeshës dhe rrezikut më të lartë të shfaqjes së demencës.

[Ditixx]

"Mens sana in corpore sano" thonin latinet por kush e din sa e vertet esht kjo!