VIP-at shqiptarë që presin bebe

**labja** · 21-05-2011, 10:00 PM

Alketa Vejsiu, Xhemi Shehu, Edona Llalloshi, Poni dhe së fundmi Aurela Gaçe dhe Soni Malaj kanë një emërues të përbashkët: presin të bëhen nëna së shpejti. Foshnjat e tyre janë VIP-a që në bark të nënës. Me përjashtim të Alketës, e cila pret një djalë pas vajzës Nicole, të gjitha personazhet e tjera do të gëzohen me fëmijët e tyre të parë.

Ndërkaq, prej disa javësh kanë lindur këngëtaret Elsa Lila, Ledina Çelo, Julka Gramo dhe Gerta Heta. Për Xhemi Shehun, e cila u martua vitin e kaluar, lajmi i shtatzënisë u mor vesh shpejt, pasi ajo me gojën e saj e rrëfeu në “E Diell”. Edona Llalloshi po ashtu ka qenë shumë e hapur të tregojë për publikun këtë ngjarje të bukur në jetën e saj, që e ndan me bashkëshortin e saj, Gazin.

Gazeta “Standard” ishte e para që zbuloi lajmin e shtatzënisë së Ponit, e cila pret një djalë. Vetëm pak ditë më parë, kësaj liste iu bashkëngjit edhe këngëtarja e Eurosong, Aurela Gaçe. Lajmin e lumtur këngëtarja 36-vjeçare, e cila prej pak kohësh ka krijuar një lidhje dashurore me Skerdin, menaxherin e saj dhe njëherazi babai i foshnjës së saj, e ka konfirmuar vetë përmes FB:

“E doja kaq shumë të vinte kjo ditë, e kërkoja një baba të mirë për fëmijën tim dhe gjeta edhe njeriun që dua, edhe babanë e fëmijës. Jam njeriu më i lumtur, nuk më ndalon dot asgjë tani që Zoti na e fali këtë engjëll”, – ka thënë ajo.

Ndërkaq, Soni Malaj dhe i fejuari i saj italian, balerini Mirko Luccarelli, të cilët u njohën dhe u dashuruan vjet në “Dancing with the stars”, do të bëhen gjithashtu prindër.

**MAJDI** · 21-05-2011, 10:04 PM

Këngëtarja 36-vjeçare, Aurela Gaçe, e cila përfaqësoi Shqipërinë këtë vit në Eurosong, që u mbajt në Gjermani, me këngën “Feel the pasion”, shkoi me një ambicie të madhe, por e vërteta ndodhi që e la Shqipërinë jashtë finales.

Gjatë intervistave të ndryshme që ajo dha për gazetarët e huaj, pas konkurrimit në natën gjysmëfinale, Gaçe u pohoi atyre se ndihej e shokuar dhe se fajin për humbjen nuk e kishte aspak ajo si këngëtare.

Por komentet e shumta të publikut, në të gjitha ueb faqet e mundshme në internet, ishin në masë kundër asaj. Aurela u konsiderua “fajtorja” që i hoqi shansin Shqipërisë për të konkurruar në finale.

Dhe Aurela, shpejt e shpejt mendoi se si ta shuante këtë zhurmë, që i dha një minus karrierës së saj muzikore. Me rikthimin e saj në Shqipëri, mendoi të krijonte një histori më të madhe me një lajm të krijuar nga jeta e saj, duke aluduar se do të eklipsonte lajmin e skualifikimit në Eurovizion. Që në datën 14 maj, kur komentet e këqija për zërin e saj, theksin e keq të anglishtes dhe, më tepër për egërsinë e saj në perfomancën skenike, ajo në profilin e saj të fansave në Facebook dha papritur një lajm tjetër, si për të justifikuar arsyen e dështimit, ndërsa thotë”: ”…sepse kam një engjëll brenda qenies sime që po rritet përditë dhe këndoi në duet me mamin e vet në skenën e Eurovizionit. Pres fëmijën tim të parë”. Dy ditë më vonë, këngëtarja ka vazhduar me statuse të tjera rreth këtij lajmi, ndërsa shprehet se: “Sa kam dashur të bëhem nënë gjithë këto vite dhe koha shkonte e dëshpërohesha, se nuk po e takoja atë që do ta doja shumë e të isha gati të kisha fëmijën… pasi kurrë nuk doja të sillja në jetë një fëmijë që nuk do të ishte fryt i një dashurie të vërtetë dhe Zoti më do, ma solli çdo gjë siç e ëndërroja”. Duke e përfunduar këtë njoftim nga jeta e saj me një tjetër status, ku thotë: “Ju falënderoj të gjithëve… Doja kaq shumë të vinte kjo ditë, e kërkoja një baba të mirë për fëmijën dhe e gjeta… edhe njeriun që dua, edhe babanë e fëmijës. Jam njeriu me i lumtur… nuk më ndal dot asgjë tani që Zoti na e fali këtë engjëll”. Dhe përfundojnë këtu statuset e saj në lidhje me shtatzëninë për të vazhduar me një udhëtim të gjatë në Shtetet e Bashkuara të Amerikës, ku nesër në mbrëmje do të jetë në një koncert gala në Manhattan, NY, për 20-vjetorin e Gazetës Iliria. Më pas, udhëtimet e saj për koncerte do të vazhdojnë në Chicago dhe Michigan.

E për një femër shtatzënë, kaq shumë udhëtime të zgjatura dhe tension nuk do të mund të përballoheshin, fakte që shtojnë dyshimet për këtë shtatzëni të servirur si lajm nga vetë Aurela. Ndërkohë që, për sa i përket lidhjes së saj të dashurisë dhe burrit ideal të cilin ajo e dashuron vërtet, siç thotë në këto statuse, mbetet për t’u diskutuar. Kjo për faktin pasi kur gazeta “Panorama” publikoi disa javë më parë lajmin e historisë së dashurisë me menaxherin disa vite më të ri, Aurela u përpoq ta mohonte me telefonata gjithë arrogancë në redaksi.

Kjo pasi ajo ishte në prag të pjesëmarrjes së saj në Eurosong dhe nuk i interesonte që vëmendja të përqendrohej tek lajme nga jeta e saj private, pasi për momentin i interesonte vetëm Eurosongu. Ndërsa tani që zhgënjeu publikun e saj shqiptar, ky lajm rozë nuk i mjaftoi aspak. E ftuar në një program televiziv grek pas konkurrimit, ajo pohoi se në Eurovision kishte kënduar me një bebe 3-muajshe në bark. Po ky lajm u përforcua me intervista të marra nga ndonjë gazetë në Shqipëri. Gjithsesi, tani për t’i shpëtuar çdo lloj zhurme, ka menduar më mirë të shkojë ca larg, derisa gjithçka të mund të harrohet, pikërisht në Shtetet e Bashkuara të Amerikës. Ndërkohë që sapo ka përfunduar klipin e saj të xhiruar këto ditë me kosovarin Mc Kresha, të titulluar “Cash”, ku sërish kemi një dëshmi kundër faktit të shtatzënisë, pasi aty ajo shfaqet pothuaj si një kozmonaute që bën akrobaci në xhirimet e klipit të ri.

**Erinaa** · 21-05-2011, 10:07 PM

me jet te gjat bebet(alketa ka nje sharm se me pelqn shum)

**Ditixx** · 21-05-2011, 10:11 PM

nuk me duket e drejte kjo kritike kaq e rrepte kunder nje kengetareje thjesht per faktin qe nuk fitoi cmimin e pare. Pse duhet ti behet presjon nje personi per kte??

Edhe nese thote qe esht shtatzene, pse duhet vene ne dyshim? mah...

**Erinaa** · 21-05-2011, 10:30 PM

Aurela ka nje ze te mrekullushem smund tja mohoj njeri,po pse nuk ka fitu te hy ne finale ate vetem juría e din me se mirti ?nuk eshte e para Aurela se nuk ka arrite te fitoj.