Rrezikon jetën për të shpëtuar fëmijën nga ndërtesa në flakë

**Erinaa** · 02-07-2011, 09:36 PM

Një grua që shpëtoi një fëmijë nga një ndërtesë në flakë, pasi kishte dëgjuar thirrjet e dëshpëruara të nënës së tij për ndihmë, ka folur në lidhje me aktin e saj të guximshëm.

Ditën e djeshme ishte raportuar se si Arafat Hassan, 2 vjeç, u shpëtua nga një e panjohur gjatë një zjarri që konsumoi shtëpinë e prindërve të tij në Tottenham. Dhe natën e kaluar Nazar Melis tha se ajo do të bëntë përsëri të njëjtën gjë, nëse duhej - edhe nëse kjo do të thotë të rrezikojë jetën e saj.

Spikerja e radios, 32 vjeçare, nga Leyton tha se ajo nuk mendoi dy herë për të hyrë në ndërtesën që digjej, sapo e kuptoi se fëmija ishte i bllokuar brenda. Nazar Melis, e cila ka dy fëmijë të saj, po udhëtonte për në shtëpi kur dëgjoi klithmat për ndihmë.

"Unë vetëm ndalova makinën, vrapova tek gruaja dhe e pyeta nëse kishte njeri tjetër në shtëpi. Ajo ishte në panik" tha Melis.

Melis tregoi se si ajo u nis drejt ndërtesës dhe pa babain e Arafatit të zbriste shkallët . Ai ishte përpjekur të shpëtonte djalin e tij por ishte i dërrmuar pasi kishte shpëtuar njerëzit e tjerë në shtëpi dhe nuk ishte më në gjendje të kalonte murin e zjarrit.

"Unë e pyeta se ku ishte fëmija dhe ai arriti vetëm të drejtonte më gisht për lart. Kalova përmes tymit dhe flakëve për të gjetur fëmijën dhe më pas vrapova për ta nxjerrë jashtë. Sapo arrita në katin e poshtëm një zotëri më tha ta ndjek dhe ai na dërgoi në shpëtim" tha Melis.

Në atë kohë arritën shërbimet e urgjencës dhe fëmijës iu dha ndihma e parë. Më pas fëmija u dërgua në spital për tu trajtuar ndaj djegieve dhe bllokimit nga tymi