Stresi vërtet shkakton thinjat

**vaaldr1n** · 27-08-2011, 01:39 PM

Kur kemi vështirësi në jetë dhe kur jemi mjaft të ekspozuar ndaj stresit, kimikate të caktuara aktivizohen në trupin tonë dhe dëmtojnë ADN-në, gjë kjo që na bën të dukemi më të vjetër dhe rrit rrezikun nga sëmundjet e ndryshme.

Minjve të cilëve u është injektuar bashkëdyzimi i ngjashëm me adrenalinën për të shkaktuar stresin, u është reduktuar sasia e proteinës që na mban të shëndetshëm ashtu që na i mbron qelizat nga zhvillimi i anomalive.

Prof. Robert Lefkowitz nga Universiteti Duke shpjegon: “Kjo mund të na japë shpjegim të arsyeshëm se si stresi kronik mund të sjellë deri te kushtet dhe çrregullime të ndryshme njerëzore, që fillojnë nga ato kozmetike, siç është floku i thinjur e deri te sëmundjet malinje të rrezikshme për jetë.”

Hulumtuesit në eksperimente kanë zbuluar mekanizmin molekular përmes të cilit vepron adrenalina për të shkatërruar ADN-në.

Gjatë katër javëve minjtë janë infektuar me bashkëdyzimin i cili ka çuar deri te degradimi i proteinës p53 (përndryshe e quajtur “ruajtëse e gjenomit” për shkak të rolit të vet në parandalimin e kancerit), e cila me kalimin e kohës ishte e pranishme në nivele të ulëta.

Hulumtimi po ashtu ka treguar se si dëmtimi i ADN-së është ndaluar te minjtë të cilëve u kanë munguar proteinat specifike nga familja beta.

Humbja e tij ka stabilizuar nivelin e p53 edhe në timus, organi i cili reagon ashpër në stresin akut apo kronik, si dhe në testikuj ku stresi te babai mund të ndikojë në gjenomin tek pasardhësit.

Kolegu hulumtues dr. Makoto Hara ka shtuar se “hulumtimi ka treguar se si stresi kronik sjell deri tek ulja konstante e nivelit të proteinës p53. Supozojmë që kjo është arsyeja për anomalitë kromozonale që i kemi zbuluar tek ata minj që janë nën stresin kronik.”

Ekipi i hulumtuesve planifikon hulumtime të mëtejshme në të cilat do t’i vërë minjtë në stres, ashtu që do t’ua ndalojë krijimin e adrenalinës së tyre apo reagimet e stresit, për të parë nëse vetë reaksioni fizik po ashtu do të shkaktojë dëmtimin e ADN-së.