Sali Berisha: Internet falas për qytetarët

**vaaldr1n** · 05-10-2011, 03:50 PM

Mosha digjitale ka qenë sërish tema kryesore e mbledhjes së sotme të qeverisë së Shqipërisë. Kryeministri Sali Berisha tha se janë në zbatim e sipër 125 projekte që kanë të bëjnë me moshën digjitale, të cilat duhet të finalizohen me çdo kusht brenda vitit 2012.

Nuk ka asgjë më shumë që mund të bëjmë ne sesa Shqipërinë digjitale në 100-vjetorin e pavarësisë së saj, Shqipërinë transparente, më të shpejtë, Shqipërinë e imagjinatës më të zhvilluar. Rishqyrtoni të gjitha këto projekte në përputhje me buxhetin. Çdo projekt që ka të bëjë me moshën digjitale do të jetë i pari i krahasuar me të gjithë të tjerat”, tha Berisha.

Sipas tij, “po bëhet gjithçka që tregu i 3G të bëhet sa më konkurrues”.

“E vërteta është se asgjë nuk e ndryshon jetën e njeriut më shumë se sa mosha digjitale. Asgjë asnjë mjet nuk mund t’u ofrojë qytetarëve shërbimet më transparente. Kjo është leva e Arkimedit për të luftuar korrupsionin. Ne u bëmë ndër vendet e para me pranimet në universitet të bazuara në procedurat digjitale, duke e bërë zero korrupsionin. U bëmë vendi i parë me prokurime elektronike 100 %”, ka thënë Berisha në mbledhjen e sotme të Qeverisë.

Ai shtoi se interneti duhet të jetë i pranishëm në çdo zyrë që u shërben qytetarëve. Për këtë, ai theksoi se duhet inkurajuar përdorimi më i mirë i internetit nga punonjësit e administratës.

Ai tha se do të ketë internet falas për qytetarët e Shqipërisë.

**alfa1993** · 05-10-2011, 04:40 PM

Ai tha se do të ketë internet falas për qytetarët e Shqipërisë.

Këtu e ka tepruar.

**MAJDI** · 05-10-2011, 06:22 PM

PO shyqyr re Sale ishalla behet kjo qe thua ti

**vaaldr1n** · 05-10-2011, 10:11 PM

Mesazhi origjinal i postuar nga alfa1993

Këtu e ka tepruar.

nuk po mundohem tja mbaj krahun (te flas nga ana e tij) por mendoj qe do ta beje kete !

Si fillim mendoj qe do ta leshoje ne Tirane e pastaj neper qytetet tjera ... asgje nuk behet menjehere, gjithcka e ka fillimin e vet (edhe te veshtire!)