Thaçi: Vetëvendosje po vetëfundoset

[arjolim]

Kryeministri i vendit, Hashim Thaçi e ka akuzuar lëvizjen Vetëvendosje se po ndjek modelin serb me paralajmërimet për bllokimin e pikave kufitare, duke e quajtur këtë lëvizje “Vetëfundosje”, ndërkaq Aleancën Kuq e Zi që mbështet këto aktivitete si “Faqezi”.

Kryeministri i vendit pas mbledhjes së Qeverisë së Kosovës shprehu besimin se qytetarët e Kosovës nuk do t’i përgjigjen ftesës së Vetëvendosjes për t’i bllokuar pikat kufitare, ndërkohë që paralajmëroi këtë lëvizje se veprimet e dhunshme do të jenë të papranueshme.

Patriotizmi sot, siç tha Thaçi, është respektimi i Kushtetueses dhe ligjeve të Kosovës dhe jo bllokimi i rrugëve dhe pikave kufitare.

Kreu i Qeverisë së Kosovës, pas akuzave ndaj Vetëvendosjes, e quajti këtë lëvizje “Vetëfundosje”, ndërsa Aleancën Kuq e Zi, që mbështet këto aktivitete i quajti faqezi.

Ai tha se pushteti në Kosovë nuk do të merret me dhunë por përmes votës së lirë.

Ndërkohë, ministri i Punëve të Brendshme, Bajram Rexhepi nuk e ka përjashtuar mundësinë e përdorimit të forcës nga ana e Policisë së Kosovës në rast se kjo do të provokohet nga protestuesit.

Ai tha se Policia e Kosovës nuk do t’i lejojë as afër pikave kufitare protestuesit, e as përgjatë rrugës që shpie te këto pika.

Ndërkohë, ministrja e Tregtisë dhe Industrisë, Mimoza Kusari-Lila tha se bllokimi i pikave kufitare përpos që kufizon lëvizjen e mallrave dhe qytetarëve, e dëmton edhe buxhetin e Kosovës.

Ajo bëri të ditur se nga këto dy pikat kufitare, gjegjësisht nga pika kufitare Merdare dhe Dheu i Bardhë, brenda ditës alokohen 50-60 mijë euro.

[Kliton]

Se kuptoj fare kete thacin,por me duket nje mashtrues,dhe i paafte.

[gjendar]

Jo vetem Thaci por te gjith jan kunder keti vendimi te Vetevendosjes sapo i degjova prononcimet e ketyre Shoqeria Cilile, Opozita ,Nderkombetaret, Oda Ekonomike etj..