Letër kërcënuese biznesmenes tek xhamia në Tiranë

[vaaldr1n]

Adoleshenti, gjobë biznesmenes me letra shantazhuese: Dorëzo çantën me lekë te xhamia

Tiranë, 15 Shkurt 2012 NOA - “Nesër në orën 08:00 duhet të vendosësh në një çantë 4 milionë lekë të vjetra pranë xhamisë te rruga “Don Bosko”. Nëse njofton policinë apo persona të tjerë do të kesh pasoja”.

Kështu thuhej në letrën që një biznesmeneje ia hodhën te këmbët ndërsa ajo qëndronte te lokali i saj në rrugën “Don Bosko” në Tiranë, raporton agjencia noa.al.

45-vjeçarja L.C, sapo ka lexuar letrën ditën e djeshme kërkoi menjëherë ndihmën e policisë pavarësisht kërcënimit të gjobëvënësit.

Forcat e policisë u vunë menjëherë në lëvizje për të identifikuar dhe kapur autorin. “Sot në orën 08:00 forcat e policisë rrethuan vendin pranë xhamisë ku do të vendoseshin paratë. Gruaja mbushi një çantë me gazeta dhe e vendosi në vendin e adresuar nga autori. Pak minuta më pas një adoleshent u afrua për të marrë çantën ndërsa policia ndërhyri për të kryer kapjen e tij” thanë për agjencinë e lajmeve NOA burimet e policisë së Tiranës.

Mësohet se autori është 16-vjeçari S.K, nga Kukësi. Ai ishte klient i rregullt i lokalit të 45-vjeçares. Ndaj tij u mor masa e arrestit për veprën penale të shtrëngimit të dhënies së pasurisë.

Burimi