RapidShare duhet të filtroj përmbajtjet

[vaaldr1n]

RapidShare është detyruar që të kontrolloj gjërat që shfrytëzuesit ngarkojnë në këtë shërbim. Vendimin e morri gjykata e lartë regjionale në Gjermani me çka është konfirmuar vendimi i mëhershëm se shërbimi duhet të bëj më shumë në parandalimin e përhapjes së përmbajtjeve të mbrojtura me ligj.

Rasti ka nisur tri vite më parë kur GEMA (agjenci gjermane për mbrojtjen e të drejtave autoriale) nga gjykata kërkoi që RapidShare të largoj 5,000 këngë nga shërbimi i vet për ndarjen e fajllave. Sipas vendimit të ri, nga shërbimi kërkohet vështrimi proaktiv mbi mijëra fajlla që çdo dit vendosen në shërbim. Mënyra në të cilën do të bëhet kjo, për momentin nuk është e ditur.

Në RapidShare ende nuk kanë vendosur nëse do të parashtrojnë ankesë në këtë vendim. Gjithashtu, sipas shkrimit në TorrentFreak, vendimi i fundit i gjykatës gjermane tani është në kontradiktë me vendimin e gjykatës supreme evropiane në të cilën thuhet se me filtrimin e përmbajtjeve preket privacia e atyre që e ngarkojnë atë.

Me fikjen e MegaUploadit, me qëllim të uljes së piraterisë, RapidShare për shfrytëzuesit të cilët nuk paguajnë anëtarësi uli shpejtësitë e shkarkimit të fajllave nga shërbimi në krejtësisht 30 kb/s. Gjatë lajmërimit të vendimit, nga RapidShare kanë porositur se janë të sigurt se në këtë mënyrë shërbimit të tyre do ti bie popullariteti në mesin e piratëve.

Burimi:

Telegrafi