Rregullimi i banesës me qira - çka nuk duhet të bëni?

[vaaldr1n]

Të gjithë neve na pëlqen që të rrimë në ambientet e këndshme e të rehatshme, që na reflektojnë neve dhe dëshirave tona, por shtrohet pyetja se si të rregullohet shtëpia a banesa, të cilën e kemi marrë me qira, meqë ekzistojnë disa kufizime të cilave duhet t'u përmbahemi. Rregulli kryesor është se, me rastin e lëshimit të banesës me qira, ajo duhet të jetë në gjendjen e njëjtë, ashtu siç e keni marrë. Ja disa këshilla, të cilat do t'ju shërbejnë si udhërrëfyes për rregullimin e shtëpisë me qira.

Mos bëni vrima në mur!

Po, e dimë se sa vështirë është që t'i bësh ballë dëshirës që ta vendosësh atë raft të mrekullueshëm, i cili do të shërbente aq mirë si dekorim, por megjithatë duhet pasur kujdes që muri të mbetet i padëmtuar. Mbyllja e vrimave, në mënyrë që murit t'i kthehet pamja e mëparshme, rrallë rezulton me një rezultat të mirë. Nëse gjithsesi të duhet të varësh ndonjë gjë, për shkak të mungesës së hapësirës, atëherë përdorni varëset ngjitëse, të cilat mund të hiqen me lehtësi. Por, kujdes, ato nuk mbajnë peshë tepër të rënda.

Mos ngjyrosni muret!

Qiradhënësit në të shumtën e rasteve nuk lejojnë ndryshimin e ngjyrës së mureve, por edhe nëse qiradhënësi juaj ua ka lejuar një gjë të tillë, duhet ta dini se disa ngjyra është e pamundur që të hiqen, duke pamundësuar kështu kthimin në gjendjen e mëparshme. Ekziston një alternativë e mrekullueshme për stolisjen e mureve dhe për dhënien e vulës personale në rregullimin e shtëpisë - dekorimet ngjitëse, të cilat hiqen me lehtësi. Ato mund të gjenden në të gjitha ngjyrat, format dhe dizajnët. Juve ju mbetet që ta zgjidhni atë që ju pëlqen më shumë.

Kujdes ndaj dyshemesë

Zhvendosja e mobilieve mund të shkaktojë dëmtime të dyshemesë, sidomos nëse kemi të bëjmë me dysheme të drurit, prandaj në këmbët e mobilieve duhet të veni mbrojtëse që ngjiten, në mënyrë që dyshemeja të shpëtojë pa u dëmtuar.

Ndriçimi

Meqë në atë shtëpi, apo banesë do të qëndroni vetëm përkohësisht, atëherë zgjidhje ideale janë llambat, të cilat me rastin e zhvendosjes, shpërnguljes, mund t'i merrni me vete. Në pajtim me shijen personale, përcaktohuni për llambat e tavolinës, apo ato të dyshemesë.

Burimi:

KosovaSot

[ReniX]

Tani ne vere, nje fenomen ne rritje eshte shkembimi i shtepive!