Si te zgjedhim cantat e plazhit?

[labja]

Dy janë karakteristikat kryesore që duhet të ketë: e bollashme dhe trendy. Pikërisht këto janë ato që duhen, pasi përveçse duhet të mbajë gjithçka që na duhet në det, duhet të ketë dhe stil!



Këshilla të dobishme për të gjetur çantën perfekte për plazh



Çfarë madhësie?

Kini parasysh që çanta juaj e plazhit duhet të mbajë Brenda një peshqir të madh. Pra, është mirë që ta zgjidhni aq të madhe, sat ë mund të transportoni të gjithë aksesorët kryesorë gjatë verës.



Çfarë forme?

Forma klasike (pra katrore, me rripa disi të gjatë dhe e bollshme) dhe ajo në formë thesi, janë interesante. Sidomos nëse kanë xhepa. Këto çanta mund ti mbash në dorë, po ashtu dhe në krah (shpatulla). Lërini mënjanë çantat e shpinës, ato nuk mbahen pasi termometri i kalon 25 gradët (krijojnë shumë djersë).



Çfarë materiali?

Çantat e plazhit mund ti gjesh në çfarëdolloj materiali: prej pëlhure, rrobë, plastike, pambuk…kur temperaturat rriten, nuk këshillohet përdorimi I çantave që në përmbajtje të tyre kanë dyllë, plastikë, apo gomë. Këto lloj çantash nxehen shumë shpejt dhe bëhen të dëmshme për lëkurën.



Çantat e kashtës

Përsa u përket çantave të kashtës, edhe pse në modë, mund të mbahen vetëm në duar: rripi është shumë I shkurtër për tu hedhur në krah. Përcevv kësaj, kur është shumë e rëndë, kashta mund tu krijojë irritime dhe mund tu lejë dhe shenja.



Çantat e lëkurës

Çantat e lëkurës, apo në material të shtrenjtë nuk janë të këshillueshme për plazhin dhe është mirë ti lini në shtëpi: vjedhjet në det janë të zakonshme, sidomos nëse jeni futur në ujë.



Çfarë të fusim brenda?



Për të mos harruar:

- peshqirin tuaj dhe rrobat e banjos, nëse nuk I keni veshur

- një shishe ujë

- kremin tuaj mbrojtës të diellit

- syzet e diellit

- çelësat dhe lekët: kini parasysh që ti fshihni në një xhep, apo në një portofol, në mënyrë që të mos humbisni asgjë, ndërsa nxirrni nga çanta sende të ndryshme.



Aksesorë thelbësorë:

- një krëhër për të shngatërruar flokët (kur zhytemi në ujë, flokët gjithnjë ngatërrohen)

- një product që mbron flokët nga dielli, kripa dhe rëra

- një shkëlqyes buzësh për ti hidratuar ato

- ilaçe për shqetësime të lehta: leucoplast, hapa për dhimbjen e kokës dhe një qetësues për djiegien nga kandilët e detit.



Këshilla

Për të shmangur daljen e kremit nga kutia, apo tubeti ku ai mbahet është e këshillueshme të përdoret një çantë e vogël plastike. Në treg ka modele të ndryshme praktike dhe trendy. Këto janë të nevojshme edhe për të organizuar më së miri objektet tuaja personale Brenda çantës. Kjo është dhe mënyra më e mirë për të gjetur menjëherë çelësat për shembull, pa na u dashur, siç bëjmë zakonisht të “shkalafitim” gjithë çantën. (Shekulli.com)