Ikën për ditëlindjen, e përdhunojnë tri ditë rresht

[Altin111]

Grindet me të ëmën për ditëlindje dhe largohet nga shtëpia. Por "arratisja" është kthyer në një aventurë të tmerrshme për 18-vjeçaren Izaura Xh., e cila është mbajtur dhe përdhunuar nga të paktën tre persona në rrethinat e Durrësit. Vajza paraditen e djeshme, e shoqëruar nga prindërit, ka denoncuar ngjarjet në Komisariatin numër 4 të Policisë së Tiranës. Skuadra e antikrimit e këtij komisariati, mësohet se me të marrë sinjalizimin përkatës, ka nisur hetimin dhe verifikimin e deklaratave të dhëna nga Izaura. Deri në orët e mbrëmjes së djeshme, skuadra e antikrimit kishte shpallur në kërkim njërin prej të akuzuarve, Hazbi H., 45 vjeç, nga Shijaku. Ndërsa mësohet se po punohet për të identifikuar edhe dy personat e tjerë, që dyshohet se kanë kryer marrëdhënie seksuale me dhunë dhe jashtë dëshirës me vajzën. Burimet policore thanë se vajza vuan shqetësimet e një sëmundjeje mendore, duke e rënduar kështu para ligjit pozitën e të akuzuarve për përdhunimin.
Ngjarja
Të dielën, Izaura kishte 18-vjetorin. Duhej të ishte ndër ditët më të bukura të saj, por grindja me të ëmën që nuk ia plotësoi të gjitha dëshirat atë ditë, e detyroi të largohet nga shtëpia. Ka shkuar të festojë e vetme, afër detit në Durrës. Ka kaluar gjithë ditën nëpër lokalet dhe vendet që dëshironte të vizitonte, kurse në mbrëmje, sedra prej adoleshenteje nuk e ka lejuar të kthehet në Tiranë. Pikërisht ky fakt do të shënonte edhe dramën e rëndë të jetës së saj. Ajo është kthyer në viktimë të "njerëzve të natës". I kanë ofruar strehë në një garazh për të kaluar natën vajzës, që siç duket nuk i kishin mbetur lekë për të shkuar në hotel. Por këtu, gjatë natës njerëzit "bujarë" që i ofruan strehë, u kthyen në përbindësha përdhunues. E kanë mbajtur gati tri ditë në rrethinat dhe në stacionin e trenit të Durrësit, duke abuzuar me adoleshenten, derisa ajo ka mundur të shkëputet prej tyre dhe të kthehet në banesë.
Hetimi
Oficerët e policisë kanë konstatuar pasaktësi në deklarimet e vajzës. Gjithsesi, policia është duke kryer verifikimet, nëse këto janë pasojë e traumës psikologjike që vajza ka pësuar. Sipas burimeve, ndonëse vajza ka deklaruar se përdhunimet e tri ditëve në Durrës ishin marrëdhëniet e para seksuale për të, ekspertiza e mjekut ligjor duket se ka vërtetuar që vajza kishte kryer marrëdhënie edhe më parë. Oficerët e antikrimit janë duke verifikuar nëse denoncimi është kryer nga Izaura, pasi ajo mund të jetë nën presionin e familjes për zhdukjen 3-ditore. Gjithsesi, pritet që kapja dhe shoqërimi i të identifikuarit të parë për ngjarjen, Hazbi H., të zbardhë akoma më shumë misterin e zhdukjes dhe përdhunimit të 18-vjeçares.

[Altin111]

Pse jane kthyer njerezit si kafsha

[kuklla]

u prish bota

[Insomnia]

Keto ngjarje vertet te vejn ne mendime, si ka mundesi qe sedra mund te lejoj gjera te tilla, ndoshta ti therrases kafshe eshte kompliment, se kafshet e kan 1 seder....!

[anna]

po dhe ajo vete pati faje . si mundi te ike nga shpia megjithese u grind me te jemen ? te gjithe grindemi por nuk largohemi nga shtepia . dhe si mundi kjo femer te pranoje nje oferte nga disa te panjohur dhe mbi te gjitha nga disa meshkuj . ka dicka te dyshimte per mua ne kete mes

[prosperpine]

po dhe ajo vete pati faje . si mundi te ike nga shpia megjithese u grind me te jemen ? te gjithe grindemi por nuk largohemi nga shtepia . dhe si mundi kjo femer te pranoje nje oferte nga disa te panjohur dhe mbi te gjitha nga disa meshkuj . ka dicka te dyshimte per mua ne kete mes

anna, ca njerez kane cik me shume kuraje, seder, mendjelehtesi apo quaje cfare te duash krahasimisht me te tjeret. sigurisht qe mund tia mbathesh nga shtepia per shkak se je zene me mamin. nuk jetojme ne nje bote ideale pa defekte, dhe njerezit jane shume te prirur per te qene individualiste. ne mom qe cenohet disi egoizmi yne, jemi ne gjendje te tejkalojme madje edhe ato qe ne vete njohim per limite tonat. kjo per piken e pare qe parashtron ti.

ndersa ne rastin e se dytes, ajo qe pranoi nje oferte nga te panjohur...well...imagjino cmund te kishe bere ti ne nje situate te tille: perpara nata e gjate, asnje kokerr leku ne xhep, uri, lodhje, stres, pa permendur tensionin e grindjes qe te rri akoma mbi koke, nje fytyre miqesore qe te shtrin doren njerezisht dhe te ofron nje zgjidhje miqesore te njerezishme. pavaresisht si mund te transormohet kjo fytyre apo dore me vone; kjo i perket nje diskutimi komplet tjeter.

jam ne pergjithesi e mendimit se familja shqiptare eshte akoma shume ne krize. nese kjo goca do te kish gjetur pak mirekuptim nga e ema in the first place, besoj se shume nga gjerat qe e bene kronike gazete kete incident nuk do te kishin ndodhur kurre...

[anna]

une do te kisha bere ate qe bej gjithmone . kur grindem me prinderit ne radhe te pare nuk iki ne nje qytete tjter por futem ne dhomen time dhe nuk i flas njeriu . nese od te ikja nga shtepia do te iki te kusherinjte e mi dhe rri andej sa te qetesohet gjendja ( per momentin nuk ka ndodh shyqyr zoti ) por jo te largohesh nga shpia dhe te rrishe gjithe diten klubeve te durresit apo ku di une . ajo mund te kete ike me dike tjter dhe ajo nuk tregon . nejse mund te kete shume mistere ne kete ndodhi por mend per te tjerat qe nuk llogjikijne aq sa duhet.